¹ Henaga'a toleki toleki Agelo apago kea toleki toleki mopa atupale hetiye, ina apaga toleki toleki mopa atu pale yasi atafa'e ina ina hake anite'e, ina yosale nagi. ² Mago Agelo ago keno yake haine'e tegati hai'e, ani Agelo God-ti lakena ya haneniye. Aga lokiya waino keya ae apaga toleki toleki Agelo laki apaga ke kana lene hae ma mopa alia haviya husa yafe ina hake ani'e. ⁴ Naga ago afuwe God-ti lakena ya aliya waya afafa'a, apaga 144,000-ni'a ve-ane. Inani ve-ane mukia Isarali anaga paiti ae. ⁵ Inani anaga mogi agu pinaga, 12,000-ni'a Juda ve-ane anaga ne 12,000-nia anaga ve-ane Ruben-nia, 12,000-nia anaga ve-ane Gadi-a. ⁶ 12,000-nia anaga ve-ane Asa'ae, 12,000-nia anaga ve-ane Naptali-ae,12,000-nia anaga ve-ane Manesa ae. ⁷ 12,000-nia anaga ve-ane Simioni ae,12,000-nia anaga ve-ane Livai ae, 12,000-nia anaga ve-ane Isaka ae ⁸ 12,000-nia anaga ve-ane Jebuluni ae, 12,000-nia anaga ve-ane Josepe ae, ina 12,000-nia anaga ve-ane Benjamini ae, apaga lakena ya ago alitae. ⁹ Mani yamo akamela ka'a, naga hai laga ve-ane ala'a apa kowe, wayamo aga lekana paga o'ai kiye. Mugi kotekati ae apaga ina mugi anaga ve-ane mugi ha'opa mopale-ti, ina mugi ao'te ao'te apake fiti'a. Apaga sipi sipimo mafanemo sauwe sia ua aupa hua hetiye apaga yatala yave yave kukena hae ina atafau liye apayapi kokonasi haita. ¹⁰ Ina apaga ala ke hua, ina ma'aua ke'ae,''waya apawalo, aga God-ti ali yane laga sauwe si'ale mauna ina aga sipi sipimo mafane.'' ¹¹ Mugi Agelo mogi hetia sauwe sia'a ai'a vego hae ina akenopa waya'e ina tole'e tole'e afela yaga kafa'e mugi'a apagai api alia mopafi atakeno lami kea apa ina apau kosa mopafi atakeno lamiye God-ti aulakale. Ina agaite mono afiye. ¹² Ina make hae,''Lama kea God-ti aiya aliga asa'kauwo aga mugi lokiya'a haneniye. Ala agi amiyo ina haleya agai ae. Ina God-ti tega amuse husune aga alakepa afiafi ya'aene ina agu akesa'e, aga haneke haneke huno nehane! lamake ae!'' ¹³ Henaga'a mago folaka apifi akenopa vega apimo nafike ina make hiye,''apaga yaveyave kukena haya anagana, apaga hai anagane ina apaga hai hao'pa legati ae?'' ¹⁴ Ina naga hapauwe,''Ala vegae, kaga afiga halenane,'' aga ma auno napaiye,''Inani wayana apaga laki ala kanaya paiti ai'a wali lamia ena'e. Apaga kukena api sese hua yaveyave hae God-ti sipi sipimo mafa nemo kolapi. ¹⁵ Ani ae'pa leti, apaga God-ti sauwe sia amo hao'pale maiye ina agaite yake feluka ina hani inaga agai yakame nomo agu ainaga mono afiye. Ina la'a sauwe siale mainesi vegamo'a yagai pate gaiye ¹⁶ Inaya husi kea ina apaga magoe neyafe apaga ote kaiye o anife lugo api alu'e hau osu kiye. Yakemo'a apaleno asaka olikiye ina atamo'e o'apale gaiye. ¹⁷ Ani sipi sipimo mafane folaga apifi maini sauwe sia aga kawa vega api maiye, ina aga yakai pate gaiye ina maike maike ani apami kiye. Ina God-tia apaula kafiti muki apauni hutale kaiye.''