¹ Mani awo Joni-a kaeno agelo-le ategeno viye mono vealave-ai mono note Sadis si mage hiye maya huno, vega la-a 7ni-a God-ti avamu atafa huliniye inagi 7ni-a apaga kanefi-ne, aga mage hiye, naga afinove na-agufa ya-a lapaga ago hunesa ya-a. Lapaga alagepa lapagi haneniye inagi laefi alita maina'e, hiyana lapaga fali vayane. ² Hetitapa inagi lapaga nagai aliya alitapa lokia waita, aupa afina aliyani naga faligesiye, nayafene naga agovana aliya tapimo'a haino osuniye nagai God-timo aulagale. ³ Inaya hinagega kagesa atalegeno alu vino muki na-agufa ke lapaga ago inagi afina. Aiyaga waiyo mani muki ke inagi lapagu aita feleyo. Inagi higeno lapaga hava'e taleta maisa yana, naga egauve maya huna kumaya vega kanagana huna, inagi lapaga oafiga'e na-kanale naga esu ya-a lapagai taga. ⁴ Higeno maina'e apaga aise nofi vaya lagi God-ti taga fatago hua nemai, apaga Sadis-si maina'e, apaga mani vayana kugena-api ali-a fipiya ogalena'e. Naga yaveyave kugena apamiguve inagi apaga nagai'e lokae'a ue'a huga'e nayafene, apaga fatago hua maina yafene. ⁵ Vega la-a la aeno agasesi yana aga yaveyave kugena huligiye, mago vegamo'a agi alino oatale gaiye aga laefi alisa vuku-mo aguafinaga-ti, inagi huna halegauve mani vegamo agi-a afonimo aulagale naga, inagiagai-a agelo-mogi apaulagale. ⁶ Vega agesa haneni siyana aga afigiye na-agufa ya God-ti Avamumo'a apaga mono vealave aipi ke-ge huni."" ⁷ Awo kaega atalegeno vino Filadelfia mono note agelo-le, mani ke gona aga ve lagi asene kavamo-na hua aguafinaga nemaisa inagi lamake hua, aga Deviti ki atafa huliniye, kini-mo no kuma yagisi yafe, inagi ha-ao mago vegamoa alino oagani-gi. Kini-mo kuma aganisi kanale-mo, ha-ao mago vegamo'a oyagi giye, aga mage hiye, ⁸ Naga agenove na-agufa ya kaga ago hunana, Afiyo, lapaulagale lapaga naga kita yagi maleno-geno haneniye. Ha-ao mago vegamo'a aino oaganigiye mani kipa. Naga agenove lapaga aise lokiya tapi haneniye, higeta lapaga aiyaga waiye nagai ke inagi lapaga nagai nagi alita fala ogiye. ⁹ Afiyo! Apaga nofi vealave Sata-na aiyaga wai apaga mage ha'e apagai-api Juda nofi vealave mainone hua hayana ha-ao, apaga kapalo nofine. Naga husuge'a apaga ega'e inagi apaleya ai-a loaega'e maya hua naga naiye lapagai-fe. ¹⁰ Lapaga ago nagai ke afina kanale-mo lapaga ago vase huta maina'e inagi aiyaga waina'e ke ni-a naga. Naga yagai lapategauve lapaga aea lapavataga husa kana egaiye muki vealave aite lagi muki aupilaga mopale maina. ¹¹ Naga egauve aupa kanale. ¹² Naga husugeno vega la-a la hapaeno agase gaiye, aga maigiye God-ti timo mono nomo aguainaga maya huno hogote anumaya yosa kanagana huno. Inagi aga malaga uno olamigiye mono nopati. Naga God-ti timo agi kaemale gauve inagi God-ti-a ala kuma-mo agi. Mani kuma-na aga saufa Jerusalem muve, aga elime gaiye koguna-teti God-ti no kuma teti. Inagi naga saufa nagini ena kaemale-gauve. ¹³ Vega agesa haneni siyana aga afisiye naya Ala-mo Avamumo'a ke-ge muki mono vealave aite."' ¹⁴ Mani awo kaegeno vino agelo-le Laodisia mono vealave aite, mani aga muki kego viye mago vega-le lamake ke nehi, inagi vega God-ti lamake ke huna hanele inagi aga lokia waino heneti, aga muki ya-ale neyagai God-ti ago alino afole huni, mani vegamo'a mage hiye, ¹⁵ Naga agenove muki aliya tapi lapaga ago huna, lapau yamo'a alapaga nagai-tefe, maya huno nohane maya huno ani yasi hiyo o amugo huno hiyo. Lapaga afifiya alita afole aiyo maisa yafe maya huta animo tusi-a amugo nehifi o animo'a yasi agege nehifi! ¹⁶ Inaya higeno, lapau yamo'a lapaga nagaitena, maya huno hane, animo'a aise'a yasi huteno o amugo huteno, higena inagi mani aepato leti naga yalo hunove muvalina malaga lapatesu vafe naga navaya fati. ¹⁷ Lapaga mage neha'e, naga tusi-a kugagemi haneniye inagi naga hailaga muki alu yago ena haneniye, naga mago yafena soti osunove, inagi lapagai tapi oafina'e maya huta lapaga maina'e kanaya-api'e inagi lapagesa afifi yapi, ha-ao amuse ya omale, mago omale getapa mai, lapaulaga fali kaeteno mai inagi lapagufa aegege afa maina'e. ¹⁸ Afita alagepa hiyo ke ni-a naga lapaga lapamu lapaga nagai teti goli miya faiyo apaga atafi kaemalena, inagi lapaga hailaga yatapi hane gaiye. Inagi mago ena miya faiyo yaveyave kugena lapagufa aino atigaesi lapaga lapagufa alino falagi tesi yafe, oeli miya faiyo lapaga lapaulagale atesa yafe inagi alu'e hesana-fe. ¹⁹ Naga alina apaya nehuve muki vaya lagi naga nenai apaga inagi naga alina apaya nehuve apaga laefi ali-a maisa kate mani mopafi. Higeno inagi lapaga lamake tafa lapagu aita afeleyo lapaga. ²⁰ Ageyo, naga kipate hetinove inagi naga kipa amagina nemauve. Inagi mago vegamo'a naga ke ao ke ni-a afiteno inagi kita yagi siyana, naga faimaiguve inagi neya negauve lokaena agai-e, inagi aga nagai-e lokaeno neya nagaiye. ²¹ Vega la-a la aeno agasesi yana, naga amiguve ke huna kanare-ne nagai-e lokaeno faimai siyafe lagai kini-mo siyale magoke kava huno may huno naga la ago aena agaseno inagi faimaino lokaena naga afo nimo'e aga kini siya-ale. ²² Vega agesa haneni siyana aga afsiye na-yafe Ala-mo Avamumo ke-ge hiya muki mono vealave aite."'