¹ Kaga awo kaega Efesasi siosile maini agelo make huga hapaio:Mani vegamo ke,Aga seven a kanefi lamaga ayapi ariteno inagi Aga seven a gol kayopi lamumo folagapi uno eno nehi vegamo ke, ² "Lapaga na ariya ariteta aepa napa tapi naga rapagenoe,inagi lapaga fase huta maineta kanaya nearie.Naga agoana lapaga faipa ya neha waya'ena maita hapaita nomaie.Naga agenoe,apaga God'ti ariya waya mainone haya wayana ata-apawatagau genae,hiyana lapaga agayana apaga aigofe wayane. ³ Naga lapagoana lapaga fase huta maineta nagai nagile kanaya nearie,inagi lapaga logia tapi nolamie. ⁴ Hiyana lapagaitaga naga ketapi arinoe,nayafene nagaife hogoteno hau aepa ago atalae. ⁵ Higeta lapaga haiteti asagauta ainafi ya'a lapagetafo hio.Lapaga lapagua aita'afeleta hogote aepanapa ya hio.Lapaga lapagua aita'afeole'sayana,Naga lapagaitaga ena lapagai lamu kayo noaleti arina atalegaue. ⁶ Hiyana lapaga alagepa aepatapi maya hunie:Lapaga nolapaie Nigolai waya ai aepaena,Nagai ena nonaie. ⁷ Agesa hanenesi vegamoa Awamu moa siosi aitaga hiya ke afino.Mago vegamoa kaweta huno agase'siana,no maige maige yosamo araga'a nesi yate Naga kanarene hutegaue,ani yosa God'ti kumate hanenie." ⁸ "Smaina siosi'le agelo laga mani awo kaegeno vino:Mani ke,meni maiteno hogoteno maiteno henaga maini vegamo ke,Aga ago fariteno harate hetino make hie, ⁹ "Lapaga kugagemi yatapi ohaneno kanaya arita lapagufa lapagafugi ya'a Naga lapagenoe,hiyana lapaga hailaga yatapi hanenie.Naga apagenoe,aigofe Juda waya mainone haya wayana,hiyana apaga Juda waya omainae. Apaga satamo mono no mainae. ¹⁰ Lapaga kanaya arisa yafena kori osio.Ageo!Mago atapi afemo lapawaleno kalabusifi lapateno lapametiti ya ano lapawatagau kegaie,inagi teni a yage arita kanaya arigae. ¹¹ Naramo agesa hanenesi moa,afino Awamu moa siosi aitaga hia ke.Mago vegamoa kame huno agase'siana aga awamute fariyamo arino haviya osugie." ¹² Mani awo kaega atalegeno Pegamam siosi'le agelo vegale vino:'Mona tole haopalaga ave haneni naipe arini vegamo ke: ¹³ "Kaga haite maina ya'a naga kagenoe,anilaga sata a maiteno arino yagainie.Hiyana Nagai nagile logia waita lapametiti nehae.Naga agoana Nagaite lapametiti yana lapaga arita faranogie,lapaga Antipasi kanale mani agufa ya hunae,aga Nagai ariya vegae,lapagai folagapi aga hea kitenae,ani haopalaga sata a mainie. ¹⁴ Hiyana Naga aise ketapi lapagaitaga arilapatenoe:Lapagaipi mago atapimogi Balam ke aria apaya huna ke logiya waia atafaurinae.Akeyawaga aga Baraki na arino aya higeno aga Israel mafane'naga aina aigofe ke hapapaigea aigofe god'tite salamana huna ya netea kumai ya hunae. ¹⁵ Makoge ya huta lapagai ena mago atapimogi Nikolai waya'ai ke atafaua aragi hunae. ¹⁶ Inayafe lapaga lapagua aita afeleo!Lapaga lapagua aita afeoresayana,Naga maragea lapagaitaga ena nawayafi tole awe-e naipe-leti apagaie kame aepa faigue. ¹⁷ Agesa hanenesi vegamoa Awamumoa siosi aitaga hia ke afino.Naga koguna tagati faragini mana e yaweyawe yafate saufa agi kaemarena yafa amigue,ani agi mago waya mogi oakegafa arisi vegamo agaia akegaie." ¹⁸ "Mani awo kaetapa Taiatira siosi'le agelo'laga ataleo:Mona God'ti mafane'mo ke,Aga aulaga moa atayuage nehi ya huteno aiya moa brasi yafate masawe faremalena ya hie: ¹⁹ "Lapaga naya haya ya'a Naga lapagenoe:Lapaga fase huta maineta lapametiti huta kanaya ariteta mago mofe hauyana arinae.Naga agenoe,lapaga meni neari ariyamoa magoe aragepa huno akeyawaga neari ariyana ano'agasenie. ²⁰ Hiyana Naga mago aepatapie amuse osue:Lapaga lapaipa arita makoge Jesebel ae agano hutae,agaia aune a mainoe nehie.Aga aigofe ke huno ariya wayani arino apaya higea kumaiya hutea aigofe god'ti taga salamana haya nesaya nenae. ²¹ Aga agua aino afelesie huna Naga agawa hunoe,hiyana aga kumai ya'areti agua aino afeore. ²² Ehe!Naga mani agano arina kari note atenageno sipale hawaeno maigie.Inagi nalamo agaie kumaiya hunesiyana,aga ala kanaya arigie. ²³ Naga mani amo mafane'nagana hena kipategaue,husigea mugi siosi amogi age hare aemo Naga waya ai aepa apagu apagesa ageno hanere ya'a akegae.Lapaga na aepanapa ya hunesa yate Naga lapamete miya lapamigue. ²⁴ Hiyana Taiatira mago atapimogi,lapaga aria lapaya haya ke aiyaga nowaie,inagi sata aepanapa yaena lapaga aiyaga nowaie.Naga make huna lapaga lapapaigesue,Naga mago kanaya arina lapaga orapamigue. ²⁵ Lapaga aigofe ke oafita logiya waita atafaurini'gena Naga eno. ²⁶ Vegamo aga kame huno satana win huteno inagi Nagai kele aiyaga waime uno farie.Naga agi ala amisugeno Aga mugi waya'aite arino yakaigie. ²⁷ Aga aeni kayoteti apaga arino yagai'pategaie,mopa kuyi neha ya huno aga aino'agayaheno aiseaise hugie. ²⁸ Aniya huna naga Afonimo tagati arinoe.Naga natepi kanefi aga amigue. ²⁹ Aga agesa hanenesi vegamoa,afino Awamumoa siosi aitagae hia ke."