¹ Make faragi ke God'ti a Jesu Kristo na amigeno aga ariya waya a apawerinie naya aupa kanare afore aisi ya.Jesu a agelo a arino atale geno ariya vega'a Joni na awerinie. ² Joni a God'ti ke huno hale,inagi Jesu lamake aene,inagi aga mugi ya afole ai ya'a agenie. ³ Mani vugufi apaune ke hua haletea afia aiyaga waisa waya aina God'ti asumi hupategaie,nayafene ani kana ago eno aupa hie. ⁴ Mani awona,Joni kaeno Efesas kotaga seveni a siosi'le atalenie.Hau ya'amoe aipa faru ya'amoe lapagaie haneno.Inamona God'ti tagati enie,Aga meni maiteno,Aga ageyawaga maiteno,Aga egaie,inagi seveni awamu apaga God'ti sauwe sia amo aulagale hetia mainae, ⁵ inagi Jesu Kristo tagati egaie,Aga lama witnesi mateno aga hogoteno fariteno hetinie.Aga mopafi sauwe waya aite uno hogotenie.Aga lagaife magoe ala yate hauteno faipa yapati kola aleti tawaleno maraga hunie. ⁶ Aga mugi we ane'aite yagaiteno arino God'ti pristi hamale pategaie,inagi Aga Afo apimo maigie.Husigeno Aga maige maige hareya e logiyae arigie.Lamake. ⁷ Ageo,Aga hiyapi ne-e;mugi apaulaga moe haopafi faina waya mogie Aga akegae.Mugi ve ane mogi hapau hua aviya hugae.He lamake. ⁸ Ala God'ti make hie,"Naga hogotetena henaga mainoe,Naga akeyawati maime ena meni mainoe,inagi Naga egaue,Naga ala logiya God'ti nae." ⁹ Naga Joni nae,naga kogana tapimonae,lapaga God'ti agile kanaya ariya huna nagai'ena nearue,inagi mani kanayapi lapagaie maime uta atupa hegaune.Nayafene laga Jesu na aiyaga newaune. ¹⁰ Naga Awamute Ala nemo kanale maue.Inagi naga ala keyake ufe kemo awamete ke afue. ¹¹ Inagi Aga make hie,"Kaga mugi ya agana ya'a vugufi awo kaega seveni a siosile atalo.Ma siosiale vino: Efesas,Simina,Pegamam,Taiatira,Sadis,Filadelfia,Laodisia." ¹² Naga maina ataginena nala'a nagaife kenefi ya'a auruhoe,inagi auruhoana,seveni a gol'mo kayopi lam agoe. ¹³ Mani seveni a kayo lamu'mo folagapi Vemo Mafane agufa vega agoe.Aga yatala kugena waitalegeno aiyale lamie,inagi haifiyalaga gol kugena hie. ¹⁴ Agai agenopa agoragefa moa sipsip'mo agoragefale ya huno yaweyawe huteno,komopa'mo nehi ya huno yaweyawe hiye,inagi Aga aulaga moa atayumo nehiya hie. ¹⁵ Agai aiya moa brasi yafa logia atafi kaea konari ya humarena ya hie.Inagi Agai kemoa hailaga ani moa haya asagaua neaia neha ke hie. ¹⁶ Aga seveni a kanefi aya lamaga arinie,inagi mago painati naipe tole aupariga awe nene naipe awaya'fati eno maraga hie.Inagi Aga augosa moa yage moa logia waino nele ya hie. ¹⁷ Naga mani vega agetena,agai aiyafi asagauna aina farina waya mogi neha ya hue.Aga aya lamaga nagai nagufale ateneno make hie," Kaga kori osuo.Naga hogotetena henaga mainoe ¹⁸ inagi Naga mainoe.Naga ago farinoe,hiyana ago,Naga maige maige huna maigue!Naga fari yate ki aritena inagi fari waya'ai kumate ki arinoe. ¹⁹ Inayafe kaga mugi agana ya'a awo kao,meni yae,inagi mayamo agameraga henaga afore aisi yae. ²⁰ Inagi seveni kanefi naya lamaga hanete,inagi seveni a gol kayote lamu agana yamo ke aepa amo maya hunie:Seveni a kanefi'na apaga seveni siosi'le ageloe,inagi seveni a kayote lamu inamona seveni siosie."