¹ Henaga muki mani ya-ale naga agove mago kipa kogunateti yagi-ye. Mago ke ae ke naga ago afuve hogote kanale nagai-fe mage hiye maya huno ufegemo'a agenai ya huno, inagi mage hiye, Kaga malaga haieno analaga inagi naga kaveliguve kaga naya henaga afole aisiya muki mani ya-a." ² Magale'a God-ti avamumo'a naulaga alino ayage naga inagi naga agove mago vega faimaini gena anale mago kini siya koguna-te haneni. ³ Inagi vega la-a faimaini mani kini siyale, aulu heyamo'a aga maya huno jaspa kanagana yafane inagi haesa yafa kanelian inagi kanikani yamo'a aino megi huniye mani kini siyale inagi mani fuginamo'a yosaita yafa kanagana huniye aga haino agaseniye. Apaga agine-ae emiroli ye hua. ⁴ Mani magoke kini-mo siyale, inagi haneniye apaga 24'a kini-mo siya aino vego huni inagi apaga 24'a agenopa ve hulina'e yatala yaveyave kugena lokae'a kini-mo kagolita apaga apagenopale. ⁵ Hiyamo'a aino falo atigeno ala higalu ke inagi ala kani eno malaga huno viye mani kini siya fati. 7 ni-a alam kani leno haneniye kini siyamo augosale, muki mani 7ni-a alam-mumo'a 7ni-a God-ti avamu. ⁶ Kini sia-mo augosale mago ani hage haneniye maya huno glasi kanagana huno inagi haleniye inagi saeni huniye. Inagi folagapi mani kini-mo siyalena inagi aino vego huniye mani kini siya, 4-a afu anaga maina'e laefi ali-a inagi hailaga aulaga aino vego muki aupilaga apaugosa-fi inagi apaga-melaga ena apaga. ⁷ Hogote kafamo'a laefi haneni maya huniye laiyoni inagi naba 2 kafa laefi haneni maya huniye saufa kao'e inagi naba 3 kafa laefi haneni maya huno vaya augosa kanagana huniye inagi naba 4 kafamo'a laefi haneni maya huniye hagigi-mo'a nehale. ⁸ Apaga 4-a kafamo'a laefi haneni, magoke magoke apimo'a apaga 6 si-a hapagu haneniye, apaga hailaga apaulaga haneniye anale apagenopa-le nagi afepi nagagi. Hanilaga-gi yagefi nagi apaga mai-a falu nosa'e mage husa, "Asene, asene, aga asene huniye Ala God-ti-a muki loiya haneni, la-a ago alufina maini yane, meni mainiye inagi henaga egaiye." ⁹ Apaga mani kafa mogi laefi haneni ala agi amiye inagi agi ali-a asaga ha'e inagi amuse ke ha'e mani vega-le viye kini siyale faimaini la-a maige maige nehi, ¹⁰ Apaga 24'a agenopa ve ali-a apagenopa atageno nelamiye kini siyale nemai vega-le inagi apaga mono neafiye maige maige nehi vega-le. Apaga kini kagolita ali-a atalageno apaga lamiye mopafi, inagi mage ha'e. ¹¹ Ala gagi kagai yane, Ala tiye laga inagi God-ti tiye laga, kaga muki haleya'a aliyo, loki-a -gi inagi ala gagigi, kaga ago muki ya-a aliga afole hunane kaipale-ti inagi kaga afifi yaga leti inagi kaga ago muki ya-a talo hunane."