¹ Mago apimo'a 7ni'a agelo mogi lagi ago 7ni'a uyapa atafa hulina ea inagi napaiye naga maya hua, egena inagi naga kaveliguve kaga na kateti na alina haviya huguve mani kuma ana faimaini analaga muki hailaga anite, ² Apaga mopafi kini mogi kumai ya agai'e lokae'a ha'e apaga vealave muki mopa aupilagati nete'a inagi spaki ha'e lokae'a waeni'e kumaya husa yafe." ³ Henaga mani agelo-mo'a navale God-ti Avamumo aguafinaga viye mago kumate mago ya omale-ni yate, inagi naga agove mani a-a faimaini agotofule mago haesa afela kafale havaiteni lokaeno keoke havi agigo. Mani afela kafamo'a 7ni-a agenopa haneniye inagi 10ni-a komu kayo haneniye. ⁴ Mani amo'a ago huliniye pepoli-gi inagi haesa kugena. Inagi aga goli yafa'e lokaeno vilasi hiye. Muki yafa afate huni lokaeno muki yaveyave ya'e ani hagefati. Aga ago atafa huliniye mago kapu goli yafa havaiteni lokaeno keoke atu ya'e inagi muki haviya- mo kumai kava-amo'a aga. ⁵ Mani amo agenopale-na, mago agi haneniye. Mani agi mo'a falagi ke haneniye.' Aepa'a mani agimo'a maya huniye." Babilon-ni aga lokiya'e, apaga kumai nofi vayamogi ita apimo ae inagi keoke havi kavamo mani mopafati." ⁶ Naga agove mani a aga ago psaki hiye lokaeno kora'e apaga apametiti vealave-ai lokaeno apaga vealave-ai kora lagi kanaya aliyana apaga Yesu mono haya kanale. Naga aga ago kanale, naga havi fanagu huve. ⁷ Higeno agelo mo'a napaiye naga maya huno, naya higega inagi kaga havi fanagu hane? Naga kapaiguve kaga aepa'a mani ke-mo'a mani amo inagi mani afela kafamo aga aliyeno maini. Mani afela kafamo'a aga 7ni-a agenopa inagi 10ni-a kemu kayo haneni. ⁸ Mani afela kafa kaya aganana ago alufina teti mainiye, mago'e omaiye meni. Inagi aupa kanale aga eno malaga hugiye kelifati aga uno atupa'a omale kelifati. Inagi aga ugiye vealave alino haviya hugefe mani mopafi mainesa inagi apaga vealave apagi api apaga laefi ali-a maisa vuku-fi omaleni siyana mani mopamo aepa fainesi yateti. Apaga havi fanagu huga'e apaga mani afela kafa agesa ya kanale aga ago alufina maini yane, Inagi aga mago'e omainiye meni aupa kanale aga egaiye. ⁹ Apaga ve mogi alagepa apaguapagesa aliga'e inagi agea halega'e mani muki ya-a. 7ni-a agenopa, aga lekanapai maleniye 7ni-a agoya'e mani amo'a haino faimaini agotofule agaite. ¹⁰ Aga 7ni-a kini lekanapai maleniye mago'e, 5fua kini ago falina'e, mago kini'a mainiye laefi alino meni inagi alu mago kini eno afole oainiye. Aga esi kanale-na, aga aise kana to-ale maigiye. ¹¹ Mani afela kafamo'a aga ago alufina mainiye, higeno meni aga mago'e omainiye. Mani afela kafamo'a aga mago-apimo ae apaga 8ti afati. Inagi aga mago apimo ae apaga mani 7ni-a kini fati, inagi gog gi-a alino haviya hute gaiye aga. ¹² 10ni-a komu kaga aganana aga 10ni-a kini kayo ae maleniye la-a mago kumate oyagaini. Inagi apaga loki-a oliga'e maya hua kini mogi nehaya hua vealave yagai patesa yafe lokae'a mani afela kafa'e aise kana-ale. ¹³ Apaga magoke apaguapagesa alina'e inagi apaga amiye himamu-gi inagi lokiya apigi apaga viye mani afela kafalaga. ¹⁴ Apaga la ali-a hetiga'e lokae'a mafane sipsipi'e husigeno mafane sispsipi-mo'a mani la aenogase gaiiye, nayafene agai agege aga Ala-ne muki ala aite inagi kini-ye muki kini aite. Apaga nofi lokae'a agai'e maina, aga nofi aga ago ke aeni apaga, apaga lekanapai maleni, inagi apaga nofi lagi apametiti huna lokiya ale aga. ¹⁵ Mani agelo-mo'a napaiye naga. Muki mani ani kumai a faimaini agotofule inagi kaga ago agane, aga lekana painiye apaga hailaga vealave aite, inagi hailaga keoke no kumate inagi apaga keoke apagele. ¹⁶ 10ni-a komu kaga ago agane 10ni-a kini lefe lekana-painiye. Apaga mani kini gi lokaeno afela kafa'e, apaga kame hutega'e mani kumai ate. Apaga muki kugena'a ali-a asagitale ga'e aga inagi apaga agai agufa nega'e. Inagi apaga ata kaega'e aga muki-a atafi. ¹⁷ God-ti-a apaipa alino hetiye apaga agai aliya alisa yafe God-ti-a alino hetiye apaga himamu api apaga amisageno usi yafe afela afulaga husigeno God-ti ke-mo eno afole husi yafe. ¹⁸ Mani a kaga agana, aga lekana paini mani ala loki-a kuma alino yagaini apaga kini mani mopafi."