¹ Henaga mani muki ya-a eno afole hutegeno, naga agogeno alu agelo-mo'a eno malaga hiye koguna-teti. Aga elime lokaeno ala lokia ae inagi aga hale ya-amo'a maya huno kani ae inagi alave hiye muki aupilaga mopafi. ² Aga avaya aka inagi lokia waino ke-ae inagi ke hiye maya huno. Ala kuma Babiloni, aga haviya hiye inagi haviya hiye ago! Aga afole aiye apaga havi avamu mogi no kuma, inagi fala negi muki havi avamu mogi , lokaeno muki havi namago. ³ Muki nofi vealave mopafi waeni ago na'e mani amo kumai kava ha'e mani a-e lokae'a. Apaga mani mopafi yo vemogi ago alope'a ala ha'e mago'e yo leti inagi kago leti mani amo yateti. ⁴ Inagi naga afuve alu magoke ege ke ae koguna-teti mage hiye maya huno, lapaga mani a ataleta inagi eta malaga hiyo, lapaga muki vealave-niye naga. Ina-ausigeta lapaga kanaya oalisa'e faipaya-a amo aga. Inagi lapaga oalisa'e havi kanaya lokaeta mani a-e. ⁵ Nayafene, mani amo faipaya amo'a havaiteno uno anale haiye maya huno koguna atafa husi ya huno inagi God-ti-a agesa afiye muki havi kava-ae aga. ⁶ Aliga haviya huto mani a magoke kava huga maya huga aga ago apaga alu nofi alino haviya huni, inagi aga kanaya amiyo mago'e huga tole kanale muki havi kava aga ago huni. Inagi aiga afelo waeni kanaya alisi yafe tole kanale mago huno kapumo agotofule aga ago aino afeleni apaga vayamogi ya. ⁷ Aga agi alino asaga nehiye aga uno nehaiye inagi amuse nehiye alagepa faimai yafe agai-a, ina-aigeno aga ala kanaya amiye lokaeno agai-a agafu yaefe. Aaga mage hiye maya huno agai-a aipamo aguafinaga, naga faimai no'e maya huna mago kuwini kanagana huna. Naga a nomane, anaunimo'a ago faliniye inagi naga maiguve lokaena nahu husa ya'e nagesa afifi ya'e! ⁸ Mani aepaleti, muki alugufa kanaya agaite egaiye. Ala apagate ya'e, apagafu ya'e, hapau husa inagi fali yamo'a agaite egaiye inagi atamo'a aga ale gaiye muki-a God-ti Ala-ne, la-a aga kanaya amigiye muki loki-a haneni." ⁹ Apaga kini mogi mani mopafi lagi kumai kava agai'e lokae'a nehusa aviya huga'e inagi aga hapau hutega'e apaga agesageno mani halina atamo'a aga alesi yana. ¹⁰ Apaga apamoya aiga'e mani havi yafena inagi heti-a afagi hua maine'a agaite inagi apaga mage huga'e maya hua, lahau hune inagi mago'e lahau hune ala huteno lokiya agege kuma aga Babiloni! Kaga ala kanaya aline aise kana-amo agusafinaga." ¹¹ Inagi apaga yo vemogi mani mopafi salimi neha'e muki ya-api agaite, aviya nehuno inagi hau hiye. Nayafene, omainiye mago vega muki kago ya-api miya husaya'a alu'e apaga. ¹² Muki ya-a maya huno, goli yafe, inagi yafa aeno agaseni yafane, inagi wasesu aeno agaseni, hailo huno waeti lavolavo, pepoli augosa'e kugena, kugena lavolavo haino aeno agaseni, haesa lavolavo , silikihaesa lavolavo, yosa halegu amo'a alagepa atu'a haneni brons, aeniye, mabolo yafane, ¹³ Yosamo'a haleti ya-amo'a alagepa atu ya-a haneni, muki neyamo'a alagepa atuya haneni, muki yamo'a alagepa atuya haneni, atu oeli-mo yosa-amo, yosa-mo pauda-amo atumo, waeni, oeli, alagepa falawa, waiti, kao afu, sipsipi, hosi, muki apavalelino neviya, apaga afa aliya vaya inagi apaga vemogi laefi apiena. ¹⁴ Mani neyana kaga ago yagai nane aligefe lokaega lokiya ka'e kaga, muki-a ua hano hute'a. Muki alagepa ya-a inagi alagepa vilasi ga kaga uno hano hute, inagi kaga alu'e kauya osu gane. ¹⁵ Apaga bisnisi vemogi lagi agaite salimi ha'e muki ya inagi ala yo ve afole aiye, apaga agaite afagite maiga'e. Nayafene, apaga apamoya aiye aga havi kanaya alsi yafe. ¹⁶ Apaga aviya hua inagi mage ha'e, lahau huta inagi lahau hune ala kuma-mo vilasi hiye lokaeno alagepa lavolavo leti, pepoli, haesa kugena inagi vilasi fatago huno humale lokaeno goli yafe teti. Muki yafa aeno agaseni lokaeno muki ani hagefi yaveyave ya'e! ¹⁷ Aise kanamo aguafinaga, muki alagepa ya-a haviya huteno inagi fanane hute gaiye." Muki sipi-le kepteni-gi inagi apaga ve sipi-mo analaga aliya neali inagiapaga ve bisinis si ani hagefi nehaya vegi, apaga afagite maiga'e mani ala kuma-mo. ¹⁸ Apaga aga'e atamo halina-mo mani a-ale ya-a inagi apaga aviya ha'e inagi mage ha'e, hana agufa alu ala kuma-mo'a magoke kava huniye maya huno mani ala kuma-pi?" ¹⁹ Apaga mumu sopa aliye inagi apaga apageno-pale mala'e inagi aviya ha'e lokae'a apagesa afifi hua inagi mage ha'e maya hua, "lahau hune inagi lahau hune, mani kuma-mo'a apaga sipi malena ve ani hagefi ala yo ve afole neaiye muki kago yamo agotofule mani amo aise kana-mo aguafinaga, aga haviya hute gaiye." ²⁰ "Lapaga muki kogunate nofi-ne, apaga aposoli gi inagi apaga apametiti velave gi inagi apaga apaune ve gi, lapaga amuse hiyo. Nayafene, God-ti-a alu'e miya apamiye aga kanaya lapaga lapami yatefe." ²¹ Haine, magoke lokiya agelo-mo'a alino mago leni yafa inagi yaga aigeno viye ani hagefinaga inagi mage hiye maya huno, magoke ka-ato alene, God-ti-a alino atesigeno ala kuma Babiloni ala kanaya-mo aguafinaga uno haigiye inagi mago'e omaigiye. ²² Mago vega omaigiye gita yogalo lesi vega, apaga nofi musiki lesa inagi omaiye ve flut tile lesa inagi ufe kete'e omaigiye afifi ve muki ya talo husa inagi inagi omaiga'e ve higaru ke afisa muki masini mogi yosa lagausa. ²³ Inagi lamu-mo'a ogamigiye kaniya alu'e kaga. Inagi ha-ao mago vegamo'a amuse higaru ke oafigiye alu'e apaga ve-gi inagi ane lagi mareti hugefe. Nayafene apaga bisnis si ve tapi mogi mani mopafi nehaya hua. Inagi saguma kava-mo'a kaga kapaloke hiye muki aupilaga nofi vealave. ²⁴ Apaga apaune vemogi kora-ne, apaga apametiti ve-gi inagi apaga falina ve-ai kora-api mani mopafi kamaeno hane gaiye kagai-pi."