¹ Naga afuve ala keya ae ke ena malaga hiye mono nopati inagi apaga hapapaiye 7ni-a agelo anaga, lapaga uta inagi 7ni-a uyapa God-ti haiya'a haneni aita lagiyo, mopamo agotofule." ² Hogote agelo-mo'a viye inagi aga uyapa'a aino lagiye mani mopa-fi, inagi havi apamu apale, lokaeno ala apakafu ya'e, afole aiye apagotofule apaga valava lagi afela kafamo naba alina, aga apaga nofi lagi aga kapalo god-ti ame-ale mono neafi. ³ Naba 2 agelo-mo'a aga uyapa'a aino lagiye ani hagemo aguafinaga viye. Inagi ani hagemo'a kola hamale, falina vaya-ai kola kanagana huno, inagi muki ya-a laefi alite'a maina ani hagefinaga faliye. ⁴ Inagi tole'e tole'e agelo-mo'a aga uyapa'a aino lagigeno muki ala animo aguainaga haiye inagi aise anipi-e. Mani muki animo'a kola agege hiye. ⁵ Naga afuve agelo-mo'a anite neyagai mage hiye, o God-ti ga'e, kaga fatago hunane, kaga ago alufina maitega inagi meni mainane. Kagai kagege kaga asene hunane. Inaya higega kaga aliga fago huga agenane apaga ve inagi apaga miya-api apamiyo. ⁶ Nayafene apaga ago kola-api ai-a lagina'e apaga apametiti vealave inagi apaga apaune ve, inaya higega inagi kaga apamine apaga kola ani na'e. Aga kanare huniye apaga ani nega'e havi kavamo agotofule apaga." ⁷ Naga afuve mago vegamo slamana leti ke nona'e mage hiye maya huno, he God-tiyo, kaga Ala God-tiye muki lokia alinane, kanaya kaga apamiyo apaga vealave, aga lamake inagi fatago huniye muki ale." ⁸ Inagi naba 4 agelo-mo'a gi uyapa'a aga aino lakiye yagemo agotofule. Inagi aga yage lokiya amiye waya ata apalesi yafe lokia atamo amugo leti. ⁹ Inagi alu gufa ata amugomo apaga apale haviya tafa huno. Inagi apaga ke hua agaya ha'e inagi God-ti agi ali-a haviya ha'e. ¹⁰ Inagi naba 5fu agelo-mo'a uyapa'a aino lakiye aga sauve vegamo siya afela kafamo agotofule inagi ala haniya-mo'a aino atiga'e muki nokuma aga yagaini. Afela kafamo'e lokaeno muki vealave agai afepi nemai apaga apavefuna haniye nayafene apaga ala apagafu ya aliye. ¹¹ Apaga ke hua haviya hulate'a inagi agi ali-a haviya ha'e koguna-te God-ti'a, mani apagafu yanagi inagi muki apamu apale yafe. Inagi apaga apaipa ai-a afeola'e apaga havi kava haya kavapati. ¹² Naba 6si agelo-mo'a aga uyapa'a aino laki geno Yufretis si anipi viye. Inagi animo'a muki'a hau hute, inagi ka alino talotala hiye apaga kini yage haine'e yatagati esayafe. ¹³ Naga agove 3'a havi avamu eso kanagana huno eno malaga hiye ala sata mo awaya fati, afela kafamo agi inagi kapalo aune vega. ¹⁴ Aga apaga havi avamune apaga keoge avame ya neha'e. Apaga uta'e apaga kini aite muki atupa mopalaga, apaga ali-a atalu aipate ga'e lokae'a ala lalefe, aga afole aigiye God-ti ala kanale muki lokiya haneni. ¹⁵ Afiyo! Naga egauve kumaya vega kanagana huna! vega la-a alagepuno yagai siyana, inagi aga kugena alino husi yana amuse hugiye. Aga afa'a ougiye agufa alaga agege, inagi aga avagage ya omale gaiye apaga ve-ai apaulagale." ¹⁶ Apaga 3'a havi avamu mogi ali-a atalu aipata'e muki kini magoke kumate, Hibru apage fatina, agineae Amagedon niye hua. ¹⁷ Inagi naba 7ni agelo-mo'a agai-a uyapa aino laki geno yasi laga viye, inagi mago ala ke ya aeno malaga hiye kini-mo sia fati mono nomo aguainaga-ti inagi mage hiye, Aga hano hiye!" ¹⁸ Inagi muki kanimo kani yamo'a aino sawali huno uteno e. muki ala higaluge afole aiye, nagi hiyamo'a aino falo hiye inagi ala himima afole aiye, maini agufa himima alufina ago afole oaini yane ve anaga mopafi ago maina kanale eno mani meni. Mani himima-mo'a ala mone. ¹⁹ Mani ala himima mo'a lo-ae ala kuma hani tole'e mago'e aupilaga, inagi muki ala kuma hani muki hailaga kumate asaga hua aiye mopafi, mani waeni aga God-ti hai yane. ²⁰ Muki aise kuma-mo folagapi mopa'e inagi muki agoya mago'e omale. ²¹ Inagi muki ala ani aesimo'a, kana-amo'a aga maya hiye 34'a kana huno asaga huno aiye hiya tagati apaga vealave apagotofule. Apaga vealave mogi mage ha'e havi yafe God-ti tagati afole aigiye, nayafene mani kanaya ala mone.