¹ Aga make huno hapapaiye,"Naga lamake lapaga lapapaue,mago a hetita mare maina amogita ofarita maineta God'ti kuma logiya ae esigeta akegae." ² Sigisi'a gana utegeno,Jesu a Pita agi Jems agi Jon agi apaware'no haini agoyalaga apagai'api ua haiye.Mainea Jesu agufa moa apagai apaulaga'le aino afereno aruya hiye. ³ Aga kugena amo hare teno tusiya huno yaweyawe hiye.Mopafi waya mogi mani ya hua kugena sese nosa awamete ya afore aiye. ⁴ Henaga Elaija e Moses e apaga maina yate ea afore aite'ana Jesu e kege ha'ae. ⁵ Pita a Jesu na make huno hapaiye,"Tisae,aragepa ya huta mare mainone,inagi laga tri no mare kigune,kagai nonagi,Moses nonagi,Elaija nonagi." ⁶ [Aga hiya ke agaia ageno haore ke hiye,nayafene apaga tusia kori huaene.] ⁷ Mago hiyamo eno apaga fino wego hupate.Inagi mago keya kemo hiya pati make hiye,"Mona naga makoge nahuni Mafane.Agai ke afiyo." ⁸ Marage ya'amo,apaga auru hea agayana,mago waya apagaie omainae,hiyana Jesu'ge makogage agae. ⁹ Agoya lagati eramie'aemo,Jesu logiya ke apaga make huno hapapaiye,lapaga afore aigeta agaya ke mago waya hapaopaita mainigeno Vemo Mafane kano aru lagati hetino. ¹⁰ Higea mani ke apagai'apifi hane,hiyana apagai'apifi huge afige hae mani kemo aepa'a"fariteno hetigie"na kemo hifi ya'a. ¹¹ Apaga Jesu'na afigae,"Naya higea lo nega waya mogi hu aemo Elaija hogoteno egaiye hae?" ¹² Aga make huno hapapaiye,"Elaija hogoteno eno mugi ya'a arino noare hugiye.Hiyana apaga na aepaleti kae aemo Vemo Mafane aga hairaga kanaya arisigea apaga aria afaya hamarete gafi? ¹³ Hiyana naga make huna lapapauwe,Elaija ago eniye,inagi apaga hapauni yamo aga hutenae,ago God'ti keafi agaife kaemarena ya hua." ¹⁴ Apaga agame mafane aitaga ayana,hairaga waya mogi faia wego hupatae,inagi lo nega waya mogi apaipa kanaya hutea apagaie hairaga ke hae. ¹⁵ Marage ya'amo apaga Jesu na agetea,mugi waya mogi fanagu hutea naguaea ea Jesu na amuse ke hutae. ¹⁶ Aga agame mafane naga apafige,"Nayafe lapaga apagaie ke newaiye?" ¹⁷ Waya'ai folaga pati mago vegamo ke anona a aga haaiye,"Tisae,naga mafaneni kagaitaga awarena owe.Agaipi havi awamu haneni'geno ani yamo aga ke noragaiye. ¹⁸ Aga logiya waino arino hawae'neate,inagi awanu moa awaya'fati huteno awe hanino aragi huno agufa'moa hatiti hunemaiye.Naga apafigoe, kagame mafane nagafe agaipati havi awamu arita atareo huana apaga aniya osae." ¹⁹ Jesu a ke anona'a hapapaiye,"Lapaga lapametiti omare vearave,namagi afina lapagaie maime owe?Namagi afina lapagaie mani ya nehue?Aga awareta nagaite eyo." ²⁰ Apaga mafane agaite aware ae.Inagi havi awamu moa Jesu'na ageteno,marage ya'amo mafane mopafi arino hawaete geno awanu moa awaya'fati asagauno aiye. ²¹ Jesu a afo'amona afige,"Namagi afina mani ya aga nehaye?"Afo'amo Jesu'na make huno hapaiye,"Aise mafane moae. ²² Hailaga afina mani mafane atafi asagauno yaga'autege anipi yaga'autege huno aga arino haviya husa ya nehie.Inagi kaga mago ya hugemo,laga hau hurate'tega rahamao." ²³ Jesu make huno aga hapaiye,"Inagi kaga kametiti hugae'mo?Mugi ya moa arino kate hugiye,inagi kaga kametiti husanana." ²⁴ Marage ya'amo mani mafane'mo afo amo ke aeno make hiye,"Naga nametiti hue!Naga nametiti osu yafe nahamao!" ²⁵ Jesu age yana hairaga ve ane apagai'taga nagu aea wageno,aga logiya ke huno havi awamu hapaiye,"Kaga ke ariga atagaega aifo awamune,naga logiya ke hapauwe,agaipati ega maraga huo,inagi magoe agaipi uga ohaiyo." ²⁶ Havi awamu moa ke aeno mani mafane arino tusi atete yate ateteno,inagi aga eno maraga hiye.Mani mafane moa farina waya mogi neha ya higea hairaga waya mogi make hae,"Aga fariniye." ²⁷ Hiyana Jesu a agai ayate arino hetite geno mani mafane hetie. ²⁸ Inagi Jesu nopi haigea,aga agame mafane mogi apapaiapi mainea aga afigae,"Naya higeta mani havi awamu laga haofaune?" ²⁹ Aga make huno hapapaiye,"Magufa yana hafai yamo he-e hugifa nunamu tetige hafaigane." ³⁰ Apaga ani haopa'laga atarea Galili aupariga wae.Mago waya mogi agea apaga inaraga wae ya'a afi yafena Jesu ohaiye, ³¹ nayafene aga agame mafane'naga arino apaya nehuno'aene.Aga make huno apaga hapapaiye,"Vemo Mafane waya mogi apayapi aria atesagea amagia kitegae.Tole'e mago'e kana maiteno harate hetigie." ³² Hiyana apaga mani ke afia haorae,inagi apaga kori hutea aga afiogae. ³³ Henaga apaga Kapanaum kumate wae.Aga nopaga haiteno make huno apaga apafige,"Lapaga nayafe kataga huge afige hume ae?" ³⁴ Hiyana apaga keosae.Nayafene apagaiapifi nara'a ara mainifi hua kataga kewaime eaene. ³⁵ Inagi Jesu faimiteno,aga twelv agame mafane ke higea ageno make huno hapapaiye,"Inagi mago moa hogote'gemo,mugi'afati aga eno henaga huteno aga mugi waya'ai ariya vega maino." ³⁶ Aga aise mafane awareno apaga foraga'apifi ate.Aga mani mafane ayapi aware'teno make huno apaga hapapaiye, ³⁷ "Naramo magufa mafane nagai nagile aware'siyana naga awarae;naramo naga nawareno'aemo,naga makoge nonaware,hiyana naga arino natare'gena eno vega aware." ³⁸ Jon make huno aga hapaiye,"Tisa,laga agonana mago vega moa kagai kagile havi awamu arino ataregeta laga ha'ao hutone,nayafene aga lawagi nosiye." ³⁹ Hiyana Jesu make hiye,"He-e huta aga huoateyo,nayafene mago omainae,aga nagai nagile tusi aliya ariteno henaga havi nagi nawage hugiye. ⁴⁰ Nalamo kame lagaie osusiyana,aga lagaie mainiye. ⁴¹ Nalamo kapu ani no huno nagai nagile kami'siyana,nayafene kaga Kristo'pi mainane,naga lamake hapaue,aga miya'a oatale gaiye. ⁴² Aise amogi nagai'taga apametiti nehusa'geno,mago moa husigea apaga asagaua aisayana,aragepa hugiye,agai rugopi ala yafa aetea hage anipi atesageno lamisi'yana. ⁴³ Inagi kaya'mo husikega faipa yapi asakauga aigaemo,hatakauga atalo.Alagepa yamo makoge kaya ariga God'ti kumate haiyo,inagi tore kayae ariga ata kumapi usana yamo hao osugiye,ani ata asuose atae. ⁴⁵ Inagi mago kaiyamo a hinakega faipa yapi asakauga aigaemo,hatakauga atalo.Alagepa yamo God'ti kumate kaga makoge kaiyae haisanana kanare hugiye,hawigu tole kaiyamo husi yamo kawarea atafi yaga'au kategae.Ani ata asuose atae. ⁴⁶ Ani atafi kagufafi kanagi moa ofarigie,inagi asuose atae. ⁴⁷ Inagi kaulaga'mo hinakega faipa yapi asakauga aigaemo,kaulaga ariga katitaro.Makoge kaulagae God'ti kumate kaga hai yamo alagepa huniye,hawigu kaga kawalea atafi tole kaulagae kategae. ⁴⁸ Anifina kanagi moa ofarino,inagi asuose atae. ⁴⁹ Nayafene God'ti mugi waya a atafi kaegie,hage nesayapi neai yahuno. ⁵⁰ Hage aragepa yane,inagi hage moa haga'a atare'siyana,hai ya huga haga a ariga egane?Hage lapaga foraga'tapifi haneno,inagi lapaipa faru yae mago moe maiyo."