¹ Jesu a maini haopa'laga atareno ka aeno uno Judia kote wayu hiye,afagite Jodan ani haneni haopa'lagae.Inagi hairaga waya'mogi harate agaite ae.Aga harate arino apaga apaya hiye,aga nehi ya huno. ² Inagi Farisi waya'mogi ea Jesu na a-a awatakauge ke make hua afigae,"Lamake lo'mo huno aemo vemo a a'a hafaigiye huni fiyo?" ³ Jesu make huno apaga hapapaiye,"Moses nayane huno lapaga lapapainie?" ⁴ Apaga make hae,"Moses huno aemo, mago vega moa a'a atale'gemo,atalesa awo kaeno a'a amiteno atale'nageno vino." ⁵ Jesu make huno apaga happaiye,"Moses mani lo kaeniye,nayafene lapaga atapi hapafai lapaipa moa logiya wai yafene. ⁶ Hiyana aepa faino mopa aepa'leti God'ti ve-e ae taro huna teniye." ⁷ Ani aepaleti vemo a ita afo'amona atareno a'ae maigiye, ⁸ husige'ana anaga makoge anagufa hanegaiye.Anaga magoe tore omaina'ae,hiyana anaga makoge anagufae. ⁹ Ina yafe nayamo God'ti atafai'marenesi yamo,mago vegamoa arino apa oseno." ¹⁰ Inagi apaga nopi mainea,agame mafane mogi harate Jesu'na mani ke afigae. ¹¹ Aga make huno apaga hapapaiye,"Naramo a'a hafaitareno mago agano arisiyana,aga ani aganoe kumai ya hiye. ¹² Inagi agano moa anau amona atare-teno mago vegale maisiyana,aga kumai ya hiye." ¹⁴ Inagi agame mafane mogi haya ya Jesu ageteno,aga apagaife haiwai'teno make huno apaga hapapaiye,"Apategea aise mafane'naga nagai'taga eyo,lapaga arita oapatareyo,nayafene God'ti Kumana aise mafane'ai awamete waya'ai yane. ¹⁵ Lamake naga lapapaue,naramo aise mafane'ai awamete omai'siyana,aga God'ti Kumate ohaigiye." ¹⁶ Inagi aga aise mafane'naga ayapi apaware'neno aya ateno apaga asumi apamiye. ¹⁷ Inagi Jesu kataga nevigeno,mago vega moa nagu aeno eno Jesu aiyafi areya faineno make huno afige,"Kaga aragepa Tisae,naga naya hutena maige maige nomaiya arigue?" ¹⁸ Jesu make huno hapaiye,"Naya hikega aragepa tisae huga nagaife hane?Mago moa mopafi aragepa osunifa,God'ti makoge aga aragepa huniye. ¹⁹ Kaga lo ago akega afiga hunane:'Kaga waya hega kioato,kumai ya osuo,kumayaya osuo,kaga kaparo ke osuo,kaga mago waya'ai yate akega haye osuo,kaga itaga afogamo ke afiyo." ²⁰ Mani vegamoa Jesu'na make huno hapaiye,"Tisa,naga aise mafane mainena mugi lo a aiyaga waime neowe." ²¹ Jesu mani vega ageteno haiye.Aga make huno hapaiye,"Kaga makoge yafe kafu hunane.Kaga mugi yaga salim hutrega mone ariga kafukafa waya'aina apamiyo,ina ya hutega koguna tagati aragepa ya arigane.Inagi eno,kaga nagame huo." ²² Aga mani ke afiteno amuse osuno aipa kanaya huteno viye,nayafene aga hairaga ya'a haneteni yafene. ²³ Jesu a aulaga arino kawa rakaugeno agame mafane'aife make hiye,"Afiyo,hairaga ya'api hane'patenesi waya mogi God'ti kumate hai yamo tusi hoe huniye!" ²⁴ Inagi agame mafane mogi mani ke afitea fanagu hae.Hiyana harate Jesu make huno apaga hapapaiye,"Mafane nagane,God'ti kumate hai yamo tusi yate he-e huniye! ²⁵ Kamel afu moa kanare huno negaya'mo kapi haigiye,inagi mone a haneteni vega moa God'ti kumate hai yamo a he-e huniye." ²⁶ Agame mafane mogi mani ke fanagu hutea apagai'apifi huge afige hua make hae,"Ina ya husige aena,naragi maigemaige nomaiya arigae?" ²⁷ Jesu a apaga apageneno make hiye,"Waya'aitena he-e huniye,hiyana God'ti tena he-e osuniye.Nayafene God'ti tena mugi yamo he-e osuniye." ²⁸ Pita a make huno Jesu'na hapaiye,"Ago,laga mugi yati ataleta kaga kaiyaga newaune." ²⁹ Jesu a make hiye,"Lamake naga lapapauwe,inagi mago vega moa noa,kogana amogi,asala,ita'amona,afo'amona,mafane naga'agi,mopa a ataleno nagai e kenile, ³⁰ aga atalenesi ya harate handreti agaseno mopafi ya arigie:Magufa ya huno,noagi,kogana-asa'amogi,ita afo amoe mafane'naga'ae mopa api,inagi ve ane mogie God'ti keare apametiti hua kanaya arine'sayana,apagai'ena no maige maige ya arigae. ³¹ Husigea hogote'nesa wayana henaga husagea henaga hunesa wayana hogotegae." ³² Henaga Jesu agame mafane'naga Jerusalem nehai kataga wageno Jesu uno hogote.Jesu agame mafane'mogi fanagu hae,inagi apagame hua aya ve ane mogiena kori hae.Inagi Jesu a twev agame mafane'naga ke higea waya omai yataga ageno,naya agaite afore aisi ke apaga hapapaiye. ³³ "Lapaga ageyo,Jerusalem laga haigune,inagi Vemo Mafane awarea agenopa prisi waya'nagi lote tisa waya'aite apamigae.Inagi apaga awarea mago waya'ai apayate husagea amagia kitegae. ³⁴ Apaga igri ogre atea apawina hetetea kata kayo amagia aga hea kitegae.Hiyana tole-e magoe gana maino hetigie." ³⁵ Jemsi e Jon e anaga Sebedi mafane'lane,Jesu'te eana make hua afiga'ae,"Tisa,la'aga nayafe kafige'sua yamo,aniya hula'ato." ³⁶ Aga make huno anaga anafige,"Naga naya lanaga hulanate'gaue?" ³⁷ Anaga make ha'ae,"La'ategeta'a hare yagale kagaie faimaiano,mago moa lamaga kayataga mainageno,mago moa hoga kayataga maino." ³⁸ Hiyana Jesu make huno hapapaiye,"Lanaga afita haolena'a yafe naga nafiga'ae.Inagi naga nesu kapu anina lanaga nega'afie?Ifi naga kanaya arina ani faresu anina lanaga farega'ae?" ³⁹ Anaga make huana aga hapaiae,"La'aga ariguae."Inagi Jesu make huno anaga hanapaiye,"Inagi kapu ani naga nesu anina lanaga nega'ae,naga ani faresu anina lanaga farega'ae. ⁴⁰ Hiyana nara'a lamaga nayataga e hoga nayataga e faimisa yana nagai ya ohaneni yafe naga okamigue,hiyana Afo a agaia arino aroala hupateni waya apamigie." ⁴¹ Inagi mago teni a agame mafane mogi Jemsi e Jon e ha'a ke afitea,apaga hapaiwai'tea kenae anagaife. ⁴² Henaga Jesu a mugi agame mafane'naga arino aru aipateneno make huno hapapaiye,"Lapaga agenae nalagimo aru waya'aipi agenopa ya hua mainea yagaine'apatae ya'a.Inagi anale maina waya'mogi tusi ya hua aria yagaine'apatae. ⁴³ Hiyana lapaga inani aepa lapagai'tapifi omaleo.Naramo folaga'tapifi ala maigemo aga ariya vega'tapi maino, ⁴⁴ inagi naramo folaga'tapifi hogote'gemo,aga ariya vega'tapi maino. ⁴⁵ Vemo Mafane namaeyo huno omeniye,aga lapamae'gaue huno eniye.Aga agaia agufa'leti miya huno mugi waya apawale'gene." ⁴⁶ Apaga ea Jeriko wayu hae.Jesu agame mafane nagae Jeriko atarea newagea hailaga waya'mogi agame hae.Apaga Timausi mafane,Batamiusi,aga aulaga farigae'nigeno ka haigile maineno mone augayu nehiye. ⁴⁷ Aga afino'aemo Nasareti Jesu'ae hae,aga keaeno make hiye,"Jesu,kaga Deviti mafane,kaga hau hunato!" ⁴⁸ Hailaga waya'mogi aulaga farigae'fa vega ke hautea ke osuo hae.Hiyana aga magoe alayate keaeno make hiye,"Deviti mafane,kaga hau hunato!" ⁴⁹ Jesu uno hetineno mani vega ke higeno eno hiye.Apaga aulaga farigaefa vegae ke hua make hae,"Kaga kori osuo!Hetio!Aga kagaife keneae." ⁵⁰ Aga saketia asagino mareteno,maragea hetino Jesu taga viye. ⁵¹ Jesu make huno afige,"Kaga naya hunato hugae nagaife hane?"Inagi aga make hiye,"Tisae,naga naulaga age yafe nahaie." ⁵² Inagi Jesu make huno aga hapaiye,"Uwo.Kaga kametitit yamo kanare hane."Marage ya'amo aga aulaga ageteno Jesu viya kataga aiyaga waiye.