¹ Inagi apaga Jerusalem ea wayu hutea,apaga Betpeisi kote-e Betani kote ea aupa hae,Oliv agoya'laga.Jesu tole agame mafane'la arino kayo anateno ² make huno hanapaiye,"Laga mainona'teti mukaga nokumataga viao.Inagi ani kumate wayu hutanaemo,lanaga saufa donki afu akega'ae,mago waya mogi agotofule faiomaina afu.Aetena yofi agaru hetana awareta nagaitaga eao. ³ Inagi mago vegamo make hinemo,'Naya hikega maya nehane?'kaga make huo,Ala nemo aliya amiteno malagea atale'sigeno manile egaiye." ⁴ Inagi apaga ua agayana mago saufa donki afu ka alamo kipate yofi aetenae,inagi apaga yofi agaru hetae. ⁵ Mago waya anile hetia mainea apagaife make hae,"Lapaga naya huge donki afumo yofi agaru nehae?" ⁶ Apaga Jesu hapapaini ke apaga hapapaiye,inagi mani waya'mogi apaga apatagea wae. ⁷ Inagi tole agame mafane'la donki afu awale'ana Jesu taga a'ae.Apaga kugena' api donki'mo agotofule marae, Jesu faimineno arino usuye huae. ⁸ Hailaga waya mogi kugena api aria kapi yagaie,inagi mago amogi yosa agopa sao fagati loaea marae. ⁹ Inagi Jesu na awagi hua aria folagapi atea ua hogota wayae henaga a wayae make hua keae,"Hosana!Asumi vega aga Ala nemo agile ne-e. ¹⁰ Asumi yae ne-e sauwe nemo kote afotimo Deviti a!Hosana muga anafi!" ¹¹ Inagi Jesu Jerusalem uno tempol mono nopi haineno mugi ya ageno unena hiye.Hani ya egeno aga twelv agame mafane-e Betani wae. ¹² Ega'a kotigea Betani atale neua,aga agate. ¹³ Aga afagiteti ageyana figi yosa moa haita haneniye.Aga uno mago yosa araga aenesi'ae age,inagi aga eno aupa huneno ageyana araga omareno haita'age haneniye,nayafene figi yosa moa araga noae ganarene. ¹⁴ Aga make huno mani yosae hiye,"Mago waya mogi kagai araga magoe onegae."Inagi agame mafane mogi aga hiya ke afiye. ¹⁵ Apaga Jerusalem ea wayu hae,inagi aga God'ti mono nopi haineno maketiya hua miyaya haya waya hapafaiye.Mone a'afenera waya'ai efu nagi faiminea nama salim neha sia aga arino atagufae'tale. ¹⁶ Inagi aga mago vega ategeno haino God'ti mono nopi maketi ya osiye. ¹⁷ Aga arino apaya huno aemo make hiye,"Make hua awo kaemalenae,'Nagai nona nunamu none hua mugi kotagati hugae.Hiyana lapaga arita kumaya wayai no hamaletae." ¹⁸ Inagi agenopa pristi wayae lo nega wayae aga hiya ke afitea apaga hea kitesa kafe hauya hae.Apaga kori agaife hae, nayafene mugi waya mogi Jesu ke afitea fanagu hae. ¹⁹ Haniya ekea apaga ala taun atalea wae. ²⁰ Apaga natepi ka neua agayana figi yosa awoya'lagati lamino aepafi farute. ²¹ Inagi Pita a agetafo huteno make hiye,"Tisae,ago!Kaga ke hana figi yosa farute." ²² Jesu ke anona'api make huno hapapaiye,"Lapaga God'tite lapametiti hiyo. ²³ Naga lamake lapapaue,inagi mago vegamoa ma akoyae huno aemo,'Hetiga kagaiga hage anipi asakauga aiyo,inagi aga tolefi osuno aga hiya ya afore aigiye huno ametiti husiyana,ani yana God'ti hugiye. ²⁴ Ina-yafe naga make hapauwe:Mugi yafe nunamu huga afige'gemo,kaga kametiti hugaemo ago arinoe huo,inagi aniya afore aigiye. ²⁵ Kaga hetiga nunamu hugaemo,mago moa haviya hugatenesi yana faipa ya'a ataleto.Inaya husigeno koguna'taga Afogamo kagai'ena faipa yaga atalegate'gaiye. ²⁶ Inagi lapaga mago waya'ai faipa ya'api otale'sayana,inagi kogunataga maini Afotapi'moa lapaga mugi faipa yatapi atale'olapate gaiye. ²⁷ Apaga harate Jerusalem ae.Inagi Jesu a mono nopi nehai'gea,agenopa prisi waya e lo neka waya e sauwe waya apaga agaite ae. ²⁸ Aaga make hua hapaiye,"Kaga nala logiyaleti maniya nehane,inagi nala'a logiya kamigega maniya nehane?" ²⁹ Jesu make huno apaga hapapaiye,"Naga mago ke lapafige'gaue.Lapaga napaigena naga na logiyaleti mani ya nehufi ya'a lapapaigue. ³⁰ Inagi Joni mono ani fareni yana,koguna'teti enifi waya mogiye?Ke anoma'a napaiyo." ³¹ Inagi apaga apagai'apifi ke huge afige hutea make hae,"Laga hutaemo, 'koguna'tagati ae,'aga make hugiye,Naya higeta lapaga agaife lapametiti osae?' ³² Inagi laga make husunana,'Waya mogi teti ae,"Apaga waya'aife kori hae,nayafene mugi waya mogi huaemo Joni aga mago aune vega hunae. ³³ Inagi apaga Jesu na ke anona'a make hua hapaiye,"Laga afita haole'none."Inagi Jesu make huno apaga hapapaiye,"Nagai'ena lapaopaigue,nala logiya'leti mani ya nehufi ya'a."