¹ Inagi Jesu a aepa'faino meto kefati apaga arino apaya hiye.Aga make hiye,"Mago vegamoa vaini hoya waiye,ani waini hoya kegiya huno wego hiye,inagi waini ano'rapaino ania arisi keri kafiye.Aga kawa yagaisa no waini hoyale giteno waini hoya newai waya'aife yagainateo hiye.Inagi aga ataleno mago kotaga viye. ² Waini'mo nesaya arine'atefi kanare aga arino ariya mafanea atale-geno waini hoya'ale yagaina waya aitaga viye mago waini'mo araga'a kamina'kega ariga eno huno. ³ Hiyana apaga awalea,aga sefu amitea aya'age atala'geno viye. ⁴ Aga harate mago ariya vega'a arino atale'geno hoya kawa waya'aitaga viye,inagi apaga agenopa'fi kola kayo hua'atea aria haviya hua aga awakage ya aria amiye. ⁵ Aga harate mago vega arino atale-geno viye,inagi apaga mani vega amagia kitae.Apaga aniya hua magoa aria haviya hupatae,magoa kuyafa neapamagia magoa apamagia kipatae. ⁶ Agaie mago vega maini'yanageno harate arino atale'nageno ugiye,agaia hauni mafane.Hano hutegeno aga makoge maini mafanea apagai'taga arino atale.Aga make hiye,'Apaga mafaneni'gea aria alagepa hua ategae.' ⁷ Hiyana waini hoyale yagaina waya mogi apagai'apifi mage hua huge afige hae,'Mona mafane ageno mugi afo'amo ya arigiye.Egeta aga amagita kiteno,inagi mugi ya lagaiya hamale'gaiye.' ⁸ Inagi apaga atafaua,aga amagia kitetea awalea waini hoyafati malaga atalae. ⁹ Inayafe,waini hoyamo afo'amo naya hugiye?Aga eno waini hoya kawa waya arino haviya hupateteno mani waini hoya arino alu waya apamigiye. ¹⁰ Inagi make God'ti vugufi haneni ke lapaga mago aparita agafi oagenae?'Mago yafa no'negi waya mogi aria atala yafa moa aga logiya waiteno nomo agenopa yafa hamale. ¹¹ Mona Ala nemo aliyane,ani yana lagai laulaga'le alagepa huniye." ¹² Inagi Juda sauwe waya mogi Jesu'na atafauge hauya hae,nayafene aga apagaife meto ke higea afia halete'aene.Hiyana apaga waya'aife kori hutea aga atalageno viye. ¹³ Inagi alopa vemogi mago Farisi waya e Heroti waya e aria apatala gea Jesu'na keleti a'a awatagauge ae. ¹⁴ Apaga eaemo,agaife make hae,"Tisae,laga ageta hale'taemo kaga mago mogi apagu apagesa ari yafena ogauniye,inagi mago vegae maiga hapaiga nomaine.Kaga lamake ve ane aina God'ti ke ariga apaya nehane.Inagi kanale Sisa taga takis amigupi oamigune?Laga amigupi oamigune?" ¹⁵ Hiyana Jesu a aigofe keapi ageno haleteno make huno apaga hapapaiye,"Lapaga naya higeta naga ata'nenawatagae?Mago mone araga'a ariteta namigena ageno." ¹⁶ Apaga mago mone alaga a ariea Jesu'na amiye.Aga make huno apaga hapapaiye,"Mona nala ame-e agie mani mone'le haneniye?"Apaga huaemo Sisa ae hae. ¹⁷ Jesu make huno apaga hapapaiye,Sisa yana Sisa na amiyo,inagi God'ti yana God'ti na amiyo."Apaga Jesu hiya ke fanagu hae. ¹⁸ Inagi Sadusi waya Jesu taga ae,apaga huaemo faritea heti ya omareniye nehae.Apaga Jesu na make hua afigae, ¹⁹ "Tisae,Moses make huno awo kaeno laminiye,'inagi mago vega moa kogana amo mafane oarino a'a ataleno farisiyana,inagi kogana amoa kogua ariteno agai agile mafane ariteno.' ²⁰ Mago seveni a kogana mainae;hogote vega moa agano arineno mafane oarino a'a ateno fariye. ²¹ Inagi agamelaga vega moa nepuamo kogu arineno mafane oarino ateno fariye,foragate vegamoa makoge ya hiye. ²² Inagi seveni kogana mafane oariya fariye.Atupalaga mani aganoe fariye. ²³ Hetigae,apaga hetisa afina,nala agano maigiye?Nayafene mugi seveni kogana mogi makoge agano arinae." ²⁴ Jesu make huno apaga hapapaiye,"Mani aepamo lapaga huosu ya hae,nayafene lapaga God'ti vugufi haneni ke ageta haoleta God'ti logiya ena oagena'fi? ²⁵ Apaga farina yapati heti aemo,apaga mariti osua mariti aepanapaya ohanegaiye.Hiyana apaga koguna taga agelo waya mogi aepale maigae. ²⁶ Hiyana farina waya heti ke,Lapaga Moses vugufi mago aparita oagenao,haufaga afole aini ke,haiya huno God'ti agaie kege huno make huniye,'Naga Abraham God'ti nae,naga Aisaki God'ti nae, naga Jecobu God'ti nae?' ²⁷ Aga farina waya'ai God'ti aomane,hiyana apaulaga agea maina waya'ai God'ti ae.Lapaga havi ke-e wayane." ²⁸ Mago lo negae vegamoa eno apaga haya ke afiyana,Jesu aragepa huno ke anona api apaga hapapaiye.Aga make huno Jesu na apafige,"Mugi lo afati hai lo'mo kanale huniye?" ²⁹ Jesu ke anona'a make hiye,"Kanale huni yana,'Afiyo Israel,God'ti aga makogene. ³⁰ Lapaga God'ti Ala tapi lapaga lapaipa'fati e awamu tapileti e logiya tapileti e haino.' ³¹ Inagi God'ti lo anile maya huniye,'Kaga no haopa mofena kagaigae nagahai ya huno haino.'Mago lo amoa tole lo'tala oanagase'niye." ³² Inagi lo kae yate afiya'a haneni vegamoa make hiye,"Kanalene,Tisa!Kaga God'ti makoge mainiye huga lamake hane,inagi agai agamelaga mago omainae. ³³ Agaife kaipa'fati hau yanagi,kagu kagesa fati agi,mugi logiya kaleti agi,inagi kagaiga nehai ya huno no'haopamofe haino,mani tole kemo magoe ala huteno atafi mugi salamana nega ya osuniye." ³⁴ Jesu ageno'aemo alagepa ya huno ke anona api hapapaiye,Jesu make huno aga hapaiye,"Kaga God'ti kumamo afagite omainane."Anileti,mago mogi Jesu na magoe logake afiogae. ³⁵ Jesu mono nopi ve ane arino apaya huno make hiye,"Haiya higea lo kae yate afiya arina wayamogi huaemo Kristo a Deviti mafane nehae?" ³⁶ Fatago Awamu moa Deviti'pi haneni'geno,aga huno aemo,Ala nemo a Ala' niye huno aemo,"Naya lamaga faimime uga ani afina naga kame wayaga arina kaiyafi ategaue." ³⁷ Deviti agai-age Kristo ga'e huno agi aeniye.Inagi haiya hinageno Kristo aga Deviti mafane?"Hailaga wayamogi amse hua agai ke afiye. ³⁸ Jesu ve ane arino apaya huno make huno hapapaiye,"Lote afiya arina waya'aife ehe hiyo,apaga yatala kugena hutea maketi kumataga wagea wayamogi ke apamae yafe hapauniye, ³⁹ inagi apaga mono nopi alagepa siale faimitea inagi mago ala ataru hanegea nesaya ne afina e-ne. ⁴⁰ Inagi apagai ena kogu ane'ai no'api aria haviya nehae.Inagi apaga wayamogi lagesae hua yatala nunamu nehae.Mani wayamogi apaga lusia kanaya arigae." ⁴¹ Henaga Jesu mono nopi haino ofa nemala bokisi'mo amete faimaiye;haiya hua wayamogi mone ariea ofa bokisi'fi atala'fi ya'a aga ageno maiye.Hailaga mone wayamogi ala mone atalae. ⁴² Henaga kagemiya'a omale kogu amoa eno tole mone alaga male,wan toa agufa yane. ⁴³ Aga agame mafane'naga ke higea ageno make huno apaga hapapiye,"Naga lamake lapapaue,mae afeno ya'a omale kogu amoa mago ofa atalena waya'a ano'apagaseno aga ala mone ofa bokisi atale. ⁴⁴ Apaga mugi amogi hailaga mone hanepateni yapati malae.Hiyana ma kogu amoa hane'oateni yapati aga amefe maleni mone ofa male."