¹ Inagi Jesu a mono no ataleno nevigeno,mago agame mafane moa agaife make hiye,"Tisa,ago alagepa yafa'gonagi alagepa no'gonagi!" ² Jesu aga make huno hapaiye,"Kaga mani ala nogo agapie?Mago yafa'mo agotofule mago yafa ohanegaie.Mugi yafa'a aino karateno asagauno aigiye." ³ Jesu Olivi Agoyale faimaiye,mono nomo makogaga,inagi Pita,Jemsi,Joni,Endru apaga make hua Jesu'na afigae, ⁴ "Laga lapaiyo,na afina maniya afole'aigifi?Na awameya afole aitesigeno aniya egaiye?" ⁵ Jesu aepafano make apaga hapapaiye,Lapaga aluya huta maiyo."Hawigu mago moa lapawaleno alu kapi ugiyanagi. ⁶ Hailaga wayamogi nagai nagile ea make hugae,'Naga Kristo nae,'inagi apaga hailaga waya apawalea alu kate ugae. ⁷ Inagi lapaga ala kame hae ke afige,kame hae hua yasi ke afige hutapaemo,lapaga afita lapaipa kanaya osiyo;ani yana afole aigiye,hiyana atupa kana eogeniye. ⁸ Mago kantri moa mago kantri kame hutegaiye,mago no wayamogi mago no waya kame hupate gae. Hailaga kote imima arigiye,inagi tusia apagaya egaiye.Mani mona anemogi mafane aritege aepa faino apagafu negi ya hugiye. ⁹ "Lapaga kawa yagaiyo.Lapaga lapawalea kansol waya apamisagea apaga mono nopi kayo lapamigae.Nagaife hutea gavana waya'aite sauwe waya aite lapawalea koti hulapate gae,husigeta nagai nagi apagaite huta haregae. ¹⁰ Hiyana hogoteno nagai nagi nawage moa mugi kote uno awaya'aeno. ¹¹ Inagi lapaga lapatafaua apami'sayana,lapaga nayane huguneta lapaipa kanaya osio.Ani afina kaga husana ke God'ti kamigie,kaga ani ke osugapa,Awamu moa hugiye. ¹² Kogana amo mago kogana amona awaleno waya apamisigea amagia kitegae,inagi afoamo mafanea aniya hugiye.Mafane mogi ita afo apimogina kame hupateme usa yamo farigae. ¹³ Mugi waya mogi lapagaife lapaini hugae,nayafene nagai nagile lapametiti neha yatefe.Inagi nalamo ametitile logiya waino maime uno atupale esiyana,aga alagepa nomaiya aligie. ¹⁴ Lapaga mago agesageno haviya moa kanaya alino esi ya omaisa yate hetinemo,"[mani ke apari'sana vega moga afiga halo] Judia mainesa wayana lapaune heta agoya'laga haiyo, ¹⁵ mago nogatomu'laga mainesi vega lamino noafati mago ya oarino, ¹⁶ inagi hoyafaga mainesi vega harate uno kugena'a oarino. ¹⁷ Hiyana hapau huta apateo,apaipague ane-e mafane inamu nu neapamisa ane aina ani afina! ¹⁸ Go'aino komopa hesi afina ani ya afole osusie huta nunamu hiyo. ¹⁹ Nayafene ani kanalaga tusia kanaya hanegaie,ani kanayana God'ti mopa talo huni teti ohaneno eno meniye.Inagi henaga mani agifa kanaya wayu osugie. ²⁰ Inagi Ala Nemoa ani kana mago arino aupa osinemo,mugi ve ane harawa negae.Hiyana Ala Nemoa legana paimaleni waya'aife agetafo huteno,ani kana hatagauno aupa hiye. ²¹ Inagi mago vega moa make lapaife hinemo,'Ageyo, Kristo male mainiye!'o ageyo umalaga aga mainie!'Lapaga ani kele lapametiti osio. ²² Nayafene aigofe Kristo'gi, aigofe apaune waya ea afole ainea apaga keoge aigofe awame ya ve ane aite hugae, inagi apaga kanale hune aemo,God'ti legana paimaleni waya aina aigofe ke hapapai'gae. ²³ Lapaga yagaita alagepa hiyo!Naga mugi kea henaga afole aisi yamo ke lapapaue. ²⁴ "Hiyana ani kanaya'mo akamelaga ani afina,yagemo arino hani husigeno,kai moa an'haolegaiye. ²⁵ Koguna tagati kanefi anaga asagaua aigae,inagi koguna taga logiya ya hanenesi yamoa arino kanage hugiye. ²⁶ Inagi apaga akegae Vemo Mafane ala logiya ae hale ya'ae hiyatati esigea. ²⁷ Inagi aga agelo anaga'a arino apatale nagea mugi foa mopa atupaleti apawaleno arino manu agaiye,mopa atupa'letie koguna atupa'letie. ²⁸ Lapaga afiya ariyo figi yosa'leti awame ya.Inagi figi yosa akopa moa arino haigafa huno anupa mare kegaemo,lapaga agetapaemo yage legasie nehae. ²⁹ Ani ya huno,mani agufa ya afole ainemo,Aga ago eno aupa hiye huta ageta hareo,kipate eno aupa hiye hiyo. ³⁰ Naga lamake lapapaue,meni maina wayana ofari'nesageno mani mugi ya'a afore aigie. ³¹ Koguna e mopa e hano hugie,hiyana nagai kemo hano osugie. ³² Hiyana mago vegamoa Vemo Mafane esi kana afina ageno haolenie.Koguna taga Agelo waya mogi e God'ti Mafane'mo ena ageno haolenie,hiyana God'ti Afo aga makoge moa ageno helenie. ³³ "Lapaga alo ala huta yagaiyo!Nayafene aniya na'kanale afole aigifi ya'a lapaga ageta afita haolenae. ³⁴ Magufa ya huno mago vega moa noa ataleno afagi kate uge ariya waya'a noale arino yagaipate.Aga ariya arino fago huno apamiteno,kipate kawa vegae aruya huga ohawaga yagaio hiye. ³⁵ Inayafe lapaga kawa yagaita maiyo,nayafene lapaga nomo afoamo esi kana ageta afita haolenae.Hawigu une egaie,o hanininaga folagu'no,ve kokore moa age aisigeno'ao,o natepino. ³⁶ Aga maragea eno aemo,kaga hawae'nageno eno okageno. ³⁷ Naga nayane huna kaga hapau'mona,mugi waya'ae hue:Mugi amogita kawa yagaio."