¹ Meni pasova esi kana tole kana hane,inagi breti maya moa yisi omareno waya mogi ataru'aia amuse kase kanae.Agenopa prist wayae lote afiya api haneni wayae ke hua afitea Jesu na atafaua hea kitege sae. ² Apaga make nehae,"Mani yana waya ataru aia amuse kase husa afina afole o'aigie,nayafene waya mogi apagai'apifi kewaia kaweta osugae." ³ Jesu a Betani leprosi vega Saimo nopi maineno efu taga maino faru nehigeno,mago amo sanda masawe ala monele ya arino agaitaga e.Inagi aga mani masawe kemo awaya a yagi teno Jesu agenopafi masawe lagite. ⁴ Hiyana mago waya amogi hapaiwaiye.Apaga folaga apifi ke huge afige hutea make hae,"Na aepaleti ma'amoa mani sanda masawe ragino asole nehiye? ⁵ Mani sanda masawe aga tri hantred kina'le salim huno kafuna waya aina apami saya huniye."Higea mani agano ke hae. ⁶ Hiyana Jesu make hiye,"Lapaga ategeno maino.Lapaga nayafe aga kana arita neamiye?Aga alagepa ya naga hunate. ⁷ Mugi afina lapagaie kafuna waya nemaiye,inagi na afina lapaga lapaipa faruya aritapaemo apaga arita alagepa hupategae,hiyana lapaga nagaie mugi afina omaigae. ⁸ Ma aganomoa nagaite husaya hiye.Aga masawe nagufale lagino fariyani leganapaiye. ⁹ Naga lamake lapaga lapapaue,mopale hai kotemo Jesu fariteno hetini mono huaemo,ma amo huniya kemo hua halegae,inagi agaife apagesa afigae." ¹⁰ Inagi Judas Iskarioti twelv agame mafane'fati aga magoapiye,aga uno agenopa ya hua maina pristi waya e gege huteno Jesu na awaleno apagai apayapi ategesiye. ¹¹ Inagi agenopa pristi waya mogi mani ke afitea,apaga amuse hutea kasake hua hapaia mone kamigune hae.Judas a Jesu na hai katagati awaleno apaga apamisi kafe hauya hiye. ¹² Bredi maya moa yis omale kana aipa faino egea,apaga sipsip afu ana'au hea pasova salamana kae,apaga agame mafane mogi Jesu'fe make hae,"Kaga lagaife haite uta pasova nesaya arita aloala higena neno huga nehane?" ¹³ Jesu tole agame mafanela kayo anateno make hiye,"Lanaga ala kumate viao,inagi mago vega ala botole'fi ani hefino arinesi vegae fotu hugae.Aga agame hiao. ¹⁴ Aga hai nopi hainemo,lanaga aiyaga waitana ani nopi haitana nomo afoamofe make hiao,'Tisa timo make hiye,Nagai rumu haite hanenie,nagame mafane-e pasova nesaya negesugi?" ¹⁵ Mani vegamo lapaga lapaweri'giye anale ala rumu aria aloala humalena rumu.Lapaga pasova nesaya anifi arita aloala hiyo laga nesuna ya." ¹⁶ Apaga agame mafane naga atalea ala kumataga ua mugi Jesu hapapaini ya agae.Inagi apaga pasova nesaya aria aloala hae. ¹⁷ Inagi yage lamigea,Jesu a twev agame mafanenagae ae. ¹⁸ Apaga tebole mainea nesaya nenageno,Jesu make huno apaga hapapaiye,"Lamake naga lapapaue,mago tapimo nagaie nesaya nene vegamo naga nawaleno kame waya'ai apayapi ategaie." ¹⁹ Mugi amogi hapau hutea mago mago mogi huaemo,Lama'a nagaomane?" ²⁰ Jesu ke anona'a apaga make huno hapapaiye,"Lapaga twelv nagame mafane'fati mago tapimoae,aga bredi maya magaie lapepi aegaie. ²¹ Apaga Vemo Mafane awalea kame waya'ai apayapi ategae,God'ti ke amo huni kate.Hiyana Vemo mafane awaleno kame waya ai apayapi atesi vegaena tusiya huna naga nahu huwe!Kanare hiyesine aga ita amo arioate aresina." ²² Apaga nesaya nenageno,Jesu bredi maya arino nunamu huteno agayahe.Jesu apaga apamiteno make hiye,"Mamo ariyo.Mamona nagaini nagufae." ²³ Aga kapu arino God'ti taga huno amuse huteno apaga apamiye,inagi mugiamogi mani kapufati nae. ²⁴ Jesu make huno apaga hapapaiye,"Mona nagaini kola teti saufa yofi aina atafaue,mugi ve ane aitefe mani kola ragiye." ²⁵ Naga lamake lapapaue,wain yosa aragamo ani naga magoe lapagaie onena maime una ani afina saufa God'ti kumate negaue." ²⁶ Inagi apaga yoge hutea,Oliv Agoya atalea wae. ²⁷ Jesu apaga make huno hapapaiye,"Mugi amogita naga natalegae,nayafene mono vugufi hanenie,'Naga kawa vega hena kitenagea sipsip afunaga apaune hea uea hugae.' ²⁸ Hiyana naga henaga hetinaemo,naga Galili una lapaga hogote'lapategaue." ²⁹ Pita Jesu'na make huno hapaiye,Inagi mago amogi katalea usayana,naga katalena ougue." ³⁰ Jesu Pita'na make huno hapaiye,"Lamake naga hapaue,meni hanipi kokore'mo tole afina ake o'ainesikega kaga tole-e magoe afina nagaife oagenoe hugane." ³¹ Hiyana Pita make hiye,Inagi kagaie fariguae hunae'na,kagaife oagenoe huna osugue."Inagi mugi amogi makoge agufa kasake hua Jesu'na hapaiye. ³² Apaga Getsameni ye hua aginea kote ae,inagi Jesu a agame mafane'aife make hiye,"Lapaga mare mainigena naga una nunamu hino." ³³ Jesu a ke huno Pita agi Jemsi agi Joni e apawale viye.Apaga ea wayu huaemo Jesu a tusia aipa kanaya hiye. ³⁴ Jesu make huno apaga hapapaiye,"Naga nagu mafane moa tusi yate kana ariye,naga farisa kate uwe.Lapaga mare maineta kawa yagaio." ³⁵ Jesu mago apataleno afagiare uneno mopafi areya faino make huno God'ti taga nunamu hiye,kanale huninemo mani kanaya atalegeno naga nagaseno. ³⁶ Jesu make huno nunamu hiye,"God'ti Afo,mugi yamo kagaitena waiorinie.Ma kapu nagaiteti ariga ataro,nagai nagu nagesa aiyaga owaiga,kagaiga kagu kagesa aiyaga waiyo." ³⁷ Jesu harate eno apaga apageyana hawaenae,inagi aga Pita'fe make hiye,"Saimoni, kaga hawaega mainapiye?Kaga mago kana'a hetiga kawa oyagaigapie? ³⁸ Lapaga ano'kawatagauge yapi asagauta oaisupi huta kawa yagaita nunamu hiyo.Awamumo nehai yana,amega lapagufamo logiya a nohane." ³⁹ Harate Jesu uno nunamu huno huni ke harate hiye. ⁴⁰ Harate Jesu eno apaga apageyana hawaenae,nayafene apaulaga moa kana higeae.Apaga nayane hua Jesu na hapaigupi ya'a afia haolenae. ⁴¹ Jesu tole-e magoe afina ena apaga make huno hapapaiye,"Lapaga hawaeta'ge maineta maita haganelafiye?Haine!Ago mani gana e.Ageyo!Vemo Mafane awalea a faipa waya'ai apayapi atagae. ⁴² Lapaga hetigeta vino.Ageyo,aga nawaleno apamisi vega eno aupa hiye." ⁴³ Jesu apagaie maino kenelagai'geno,Judasi,twelv afati mago apimo eno wayu hiye.Inagi hailaga waya naipe kayo aria agaie ae,agenopa pristi wayae lote afiya arina wayae agenopa ya hua maina waya mogi apaga aria kayo apatagea ae. ⁴⁴ Inagi Judasi mago awame ke huno apaga hapapaino make hiye,"Naga haena nesu vega ani vegae.Aga atafauta yagaita awaleta viyo." ⁴⁵ Inagi Judasi eno wayu huteno,marage ya'amo Jesu'fe uno make hiye,"Tisa,"huteno aga haeno ne. ⁴⁶ Inagi Jesu na apaga atafautea awalea wae. ⁴⁷ Harate mago apagaie hetino mai vegamoa naipe yaga'auno alopa pristi vegamo ariya vegamo agesa hatagaiye. ⁴⁸ Jesu make huno apaga hapapaiye,"Lapaga mare ayana,kumaya vega atafauge ao,ifi naipe kayo arita naga natafauge ae? ⁴⁹ Inagi naga mugi afina lapagaie mono nopi mainena arina lapaya nehuwana,lapaga nonatafae.Hiyana lapaga meni haya yamo mono vugumo nagaife huni ke arita logiya newaiye." ⁵⁰ Mugi Jesu'e maina waya'a atea apaune hae. ⁵¹ Mago neya mafane,yatala kugena agufale hagale teno Jesu na aiyaga waiye,kame waya mogi aga awalea wageno. ⁵² Aga yatala kugena ana'hateno neateno agufa araga'age aunehe. ⁵³ Apaga Jesu na awalea agenopa pristi'le wae.Mugi agenopa pristi gi,agenopa ya hua maina vegi,lote afiya api haneni vegi mugia aruaia mainae. ⁵⁴ Inagi Pita a afagiteti Jesu na aiyaga waime uno agenopa pristi vegamo vanisile viye.Aga vanisi kawa wayae maino atale loto hiye. ⁵⁵ Apaga agenopa pristi e Ju waya'ai kansol e apaga ke hauya hua Jesu na hea kitege hae.Hiyana apaga Jesu'pi mago havi ya'a agea waotae. ⁵⁶ Hailaga waya mogi Jesu'fe aigofe ke ariea hutae,hiyana apaga mugi ke apimoa makoge kate osae. ⁵⁷ Mago waya amogi hetia aigofe ke Jesu'fe hua make hae, ⁵⁸ "Aga make higeta laga afinone,'Naga hena halagape aigue mani apaya teti kimalena mono nona,inagi tole-e mago kanafi naga mago mono no arina hetite'gaue,waya apaya teti ogi no." ⁵⁹ Apaga mani Jesu'fe huta kemoa agufa'a amare ke hae. ⁶⁰ Agenopa ya hua maina pristi mogi waya'ai folagapi mainea make hua Jesu na afigae,"Kaga mago ke anona'a osugano?Naya higea ma vemogi kaga ke hunegatae?" ⁶¹ Hiyana Jesu a apagai kele mago ke osie.Agenopa pristi'mo halate Jesu na akenoga heno make huno afige,"Kaga Kristo gafie,God'ti mafane?" ⁶² Jesu make hiye,"Nagae;inagi lapaga akesageno Vemo Mafane logiya ae God'ti aya lamaga'a faimineno koguna tagati hiyapi egaiye." ⁶³ Agenopa pristi moa kugena'a ano'neataragauno make hiye,"Laga magoe ke hua haresa waya aife hauya hugupiye? ⁶⁴ Ke huno haviya husa ke lapagaitapi afiye.Lapaga nayane hugae?"Apaga mugi amogi hu aemo havi aepa marenesi vega farino hae. ⁶⁵ Mago amogi Jesu na apawenatuna hea neatea augosa aia atigae tenea neamagia make hae,"Nara'a kaga kamagi'figi kaune ke huo!"Inagi ariya waya mogi awarea aga amagie. ⁶⁶ Pita a afaga agenopa pristi mogi gumate mainigea,mago agenopa pristi'mo ariya afane agaitaga e. ⁶⁷ Aga ageyana Pita'a atale loto nehigeno,aga Pita na ageno alagepa huteno make hiye,"Kagai ena Jesu Nazaretie nemaine." ⁶⁸ Hiyana Pita a huno faragino make hiye,"Naga afina akena haoreno ke kaga nehane."Henaga vanisimo kipataga aga nevigeno kokore moa age aiye. ⁶⁹ Hiyana agenopa pristi mogi ariya afane moa aga ageteno make huno amete hetia maina waya hapapaiye,"Ma vega aga mago apie!" ⁷⁰ Hiyana Pita a harate huno faragino Jesu na naga oagenoe hiye.Aise maigea anire hetia maina waya mogi Pita'fe make hae,"Lama a kaga mago apie,nayafene kagaiena Galili vega." ⁷¹ Hiyana Pita a agaia huno haviya huke huno make hiye,"Naga vega oageno vegae lapaga nehae." ⁷² Marage ya'amo ve kokore moa harate tole afina age aiye.Inagi Pita a agetafo hiye Jesu a hapaini ke: "Tole afina kokore moa age oainesikega,nagaife oagenoe huga tole-e mago afina hugane."Inagi Pita a awiya hiye nayafene aigofe ke huno aene.