¹ Natepi goarino haorini'gea,agenopa pristi gi aropa waya nagi lote afiya arina waya e mugi Ju waya ai kansol aria aruaitea Jesu na awale ua Paileti ayapi atae. ² Paileti Jesu na make huno afige,"Kaga Juda waya'ai kini mainano?"Jesu make huno aga hapaiye,"Kaga hai hane." ³ Agenopa pristi mogi Jesu'fe havi ya hailaga kanale nehiye hua hutae. ⁴ Paileti a harate Jesu na afige,"Kaga ke anona'a napaigapi naopaigane?Kaga agenano hairaga ke kagaife hunegata'yana!" ⁵ Hiyana Jesu a ke anona'a Paileti na haopaiye,mani ya hiya yamo Paileti hairaga agesa afiye. ⁶ Ara nesaya nea amuse kase neha kana egeno,Paileti mugi afina makoge kalavusi vega awaleno maraga huno neapamie,apagai'api hapaiya kalavusi vega. ⁷ Inagi mago vega Barabasi ae huno kalavusi mainiye,mago waya ae apaga gamani laga ke waia keme hutea waya hea kipatena wayae. ⁸ Hairaga waya mogi ea Paileti na afigae nehana ya huo hua. ⁹ Paileti ke anona'a make huno apaga hapapaiye,Naga Juda waya'ai kini awalena lapamisu yafe lapauni'fiye?" ¹⁰ Agenopa pristi mogi havi apaipa aga ageno hale,nayafene apaga Jesu na awalea amie. ¹¹ Hiyana agenopa pristi mogi hailaga ve ane ai apaipafi fai gea apaga keae a Barabasi na awalega maraga huo hae. ¹² Paileti ke anona'a apaga make huno hapapaiye,"Juda waya'ai Kina naga naya hutegaue?"Apaga harate keae a make hae,"Jesu na yofo nosale hega kito!" ¹⁴ Paileti make huno apaga hapapaiye,"Aga na aepa mare yamo haviya hunie?"Hiyana apaga magoe keae make hae,"Jesu na yofo yosale hega kito." ¹⁵ Paileti a ve ane ai apaipale eteno Barabasi na awaleno maraga huno apaga apamie.Aga Jesu na awaleno ami ati waya aina apami gea sefu amitea yofo yosale hea asaiye. ¹⁶ Ami ati vemogi Jesu na awalea gaman'mo kegiya wego faga haigea hailaga ami ati waya mogi aiyaga waiye. ¹⁷ Apaga pepol kugena aria Jesu na hagare atea,inagi aufe yofi teti agenopale gia kagitae. ¹⁸ Apaga Jesu na hua agaya haea make hae,"Juda waya'ai Kine!" 19 Apaga yofi kayoteti Jesu na agenopale neamagia apawenatuna hetae.Apaga aigofe ya hua agaite apareya faiye. ²⁰ Inagi Jesu na hua agaya haetea,pepol kugena agufaleti hatowa hutarea agaia kugena hua atea awalea yofo yosale hea asaige wae. ²¹ Mago vega,Saimon a Sairini kote vegae,aga Aleksenda e Rafasi gani afoanimo ae.Apaga maripu yofo yosa Jesu teti aria aga amigeno arie. ²² Ami ati waya mogi Jesu na awalea Golgotae neha kote wae.Mani kemo aepa'a "Waya apagenopa kumane." ²³ Apaga waini ani aria mir e yugu hutea aga ami'yana, aga one. ²⁴ Apaga Jesu na maripu yosale nili hea asaitea,ami ati mogi agai kugena atalagaua kasiya hua ariuea hae. ²⁵ Natepi nain kilok Jesu na maripu yosale hea asaiye. ²⁶ Mago yosa atupale Jesu'fe apaga make hua awo kaemarae,"Juda waya'ai Kinine." ²⁷ Jesu e tole kumaya vegala hea asaiye,mago vega naya lamagae,mago vega naya hogae. ²⁸ Inagi mono vugufi haneni ke nesaya a afole aiye,make hunie,"Aga faipa wayae aria magopi atenae." ²⁹ Kate aniraga uea'ha waya mogi agaya ke aga haua make hae,"Aha!Kagaige hugaemo mono no hena karatena tole-e magoe kanafi arina hetitegaue, ³⁰ Kagaiga hamaega maripu yosaleti emieno!" ³¹ Mago ke hua,agenopa pristi e lote afiya arina wayae aga agaya ke haua make hae,"Aga mago waya hapamae'teno,aga agaia haomae. ³² Ategeno Kristo,Juda waya'ai Kini,marupu yosa'leti emie'nageta,age'teta lagaie agaite lametiti hino."Yofo yosale tole kumaya vegala mogani ena aga agaya ke ha'ae. ³³ Twelv kilok,tusi hani mugi mopale hume uno une tri kilok hiye. ³⁴ Inagi tri kilok Jesu ke aeno make hiye,"Eli,Eli,lama sabaktani?"Mani kemo aepa'a maya hunie,"God'tinie,God'tinie,naya hikega naga natalane?" ³⁵ Mago aupate hetia maina waya mogi mani ke afitea make hae,"Ageo,aga Ilaisa taga ke neae." ³⁶ Mago vega moa naguaeno eno atuofa waini matres atupale aeteno yatala kayote maleno Jesu nesie huno amiteno make hiye,"Laga age-getao,Ilaisa eno hamae'siae." ³⁷ Inagi Jesu alayate ai aeteno farie. ³⁸ Mono nopi lawolawo anaga atupa leti apage'aime afe atupale lamie. ³⁹ Inagi ami waya mogi kawa apimoa age-geno Jesu mani agufa ya huno farigeno,aga make hiye,"Lamake ma'vega God'ti mafane." ⁴⁰ Inagi mago anea afagite mainea mani ya haya ya'a agea maie.Mai folagapaga Meri Magdalin agi Maria aga Jemsi e Joses gani ita'animo e Salome apaga maie. ⁴¹ Aga kalili maini geaemo,apaga aiyaga waitea aragepa ya hua neatae.Inagi mago ane ena aga aiyaga waia Jerusalem wae. ⁴² Une hati gea,Sabati leya aria aloala husa kanae. ⁴³ Josep aga Arimatia vega anilaga e.Aga mago alopa kansol vegae.Aga uno Paileti'fe Jesu agufa namio huno afige. ⁴⁴ Jesu fari yafe Paileti fanagu huteno,ami kawa vega afige,Jesu ago farinifie huno. ⁴⁵ Inagi Paileti afino aemo Jesu ago farinie hageno,aga agufa'a arino Josep na amie. ⁴⁶ Josep a lawolawo miya huteno,Jesu agufa yofo yosa leti arino emieno lawolaow'fi arino hayae,inagi saufa matmati'fi kiteteno ala yafa arino matmatimo awayale aino aganite. ⁴⁷ Maria Magdalin e Maria aga Joses ita amo anaga Jesu na kita kuma a aga'ae.