¹ Sabati kana atupa hegeno,Maria Magdalin e Jems ita'amo Maria agi, Salome e apaga haga atu neai masawe aria matmati'laga ua Jesu agufale faretege hae. ² Sotamo hogote kanale,natepati yage haine-egea apaga matmati'taga wae. ³ Apaga apagai'apifi make hae,"Nara a matmati kipate yafa arino atale rategaie?" ⁴ Inagi apaga agayana,kipate yafana ago aria herawe hua atalenae,ani yafana ara yafane. ⁵ Apaga matmati kerifi haia agayana,mago neya mafane yaweyawe huno yatara kugena huteno naya ramaga faimie,higea apaga fanagu hae. ⁶ Inagi aga make huno apaga hapapaie,"Lapaga kori osio.Lapaga Nasareti Jesu'fe hauya nehae,apaga maripu yosale aga hea asainae.Aga ago hetinie!Aga mafi omainie.Ageo,apaga hawaetena sipale. ⁷ Inagi lapaga uta Pita e agame mafanenaga make huta hapapaio,Aga ago Galili uno hogote.Lapaga aniraga aga akegae,ago aga lapapainie." ⁸ Apaga matmati'fati ea maraga hutea naguae,nayafene apaga fanagu hua kori hutea mago wayae kege osae. ⁹ Natealapi hogote kanamo kana-fina, Jesu'a matmati'fati hetino hogote ya'a Maria Magdalin'te uno wayi hie,agaipati Jesu seven a havi awamu hafaini ane. ¹⁰ Aga uno Jesu e nemai waya aina hapapaie,apaga hapau hua awiya nehageno. ¹¹ Apaga afi aemo Jesu aulaga ageno mainigeno Maria age hae,hiyana apaga ani kere apametiti osae. ¹² Hogoteno maniya afole aitegeno Jesu a aru agufae uno agaia tole agame mafane late wayu hie,anaga kataga newa ageno. ¹³ Anaga uana mani ke mago agame mafane aina hapapaie,hiyana apaga anagai kele apametiti osae. ¹⁴ Ileven a agame mafane tebole mainageno Jesu a henaga apagaite eno wayu huteno logiya ke hapapaie,nayafene apaga apaipa moa logia waiteno apametiti osae,nayafene mago amogi Jesu fariteno hetino apagaite wayu higea aga ke apaga apametiti osae. ¹⁵ Aga make huno apaga hapapaie,"Lapaga mugi kuma'ale uteta huta ve ane aina aragepa mono ke hapapaio. ¹⁶ Naramo ametiti huteno ani faresana,God'ti awalegaie,inagi naramo ametiti osusiana aga kotile hetigie. ¹⁷ Mani aragena yana apametiti wayae ugie:Nagai nagile apaga havi awamu hafaigae.Inagi apaga saufa ke lagaugae. ¹⁸ Apaga sata apaya teti atafaugae.Inagi apaga anarisa nesayana, apaga arino haviya osugie.Apaga kari waya'aite apaya atesagea kanare hugae." ¹⁹ Ala Nemo mani ke apaga hapapaiteno henaga kogunataga haino God'ti aya ramaga'a faimie. ²⁰ Apaga agame mafane'mogi ate ua mugi haopalaga mono hae,inagi Ala nemo apaga hapamae gea apaga awame yae hae.