¹ Ani kanafaga,harate hairaga waya aria ataru aiye,apaga nesa ya ohane.Jesu agame mafane naga ke higea ageno make huno hapapaiye, ² "Naga waya'aife nahu hupatoe,nayafene apaga nesaya onea tole-e magoe kana nagaie maime ae. ³ Inagi naga nesa ya apaga oapamina arina apatare nagea usayana,apaga katega apagafe farigae.Magoa afagiteti enae." ⁴ Aga agame mafane mogi make hua hapaiye,"Haiteti bredi maya mani mumusopa kumapati arita mani waya apamigune?" ⁵ Jesu apaga apafige,"Namagia bredi maya lapaga arinae?"Apaga hapaiaemo seven arinone hae. ⁶ Mopare maiyo huno mugi waya'aife aga hapapaiye.Aga seven bredi maya ariteno God'ti taga tagio huteno roaeno agame mafane naga apamigea apaga ve arave aipi waya gaiye. ⁷ Agame mafane mogi ena aise fisi mago arinae,inagi Jesu takio God'ti taga huteno agame mafane naga aife nesaya fago huta ve ane aina apamigea neyo hiye. ⁸ Mugi waya amogi nea apamupae.Inagi negea atara atupa ya'a kitua seven ku aia hawaitae. ⁹ Mugi waya a fo tausen agufa wayane.Inagi Jesu arino apaga apatale gea uea hae. ¹⁰ Marage ya'amo aga bouti'fi agame mafane nagae haitea Dalmanuta haoparaga wae. ¹¹ Henaga Farisi waya mogi ea aga ke waitae.Apaga Jesu'fe awame ya koguna tagati tawerio hua a'a awatagauge ke afigae. ¹² Jesu a logiya yasi awamu afi ariteno make hiye,"Naya higea meni waya mogi awame yafe nafinegae?Naga ramake lapapaue,mago awameya meni ve ane aite afore osugie." ¹³ Henaga mani ve ane apateno bouti'fi harate haino ani fariga viye. ¹⁴ Agame mafane mogi apakegania bredi maya hoga'a ari omae.Makoge bredi maya'to bouti'fi hane. ¹⁵ Jesu a ehe ke apaga make huno hapapaiye,"Lapaga kawa yagaita ehe lapagaitapile hiyo,Farisi e Herodi yisie." ¹⁶ Apaga agame mafane mogi make hua apagai'apifi ke huge afige hae,Aga mani ke hiyana nayafene laga bredi maya oarinona'geno aene." ¹⁷ Apaga haya ke Jesu ago afino hare.Inagi aga make huno hapapaiye,"Nayafe lapaga huge afige nehae oarina bredi mayae?Lapaga afita haorenao?Lapaga afiya oarinafi?Lapaga lapagu lapagesa omarenifi? ¹⁸ Kaga kaulaga haneni'yana,oagano?Kaga kagesa haneni'yana,oafino?Kaga mago kagetafo osano? ¹⁹ Naga faiv bredi maya faiv tausen waya'pi roao mona,namagia ku lapaga aita hawaitenae atupa bredi maya'a?"Apaga make hua hapaiye,"Twelv ae." ²⁰ Inagi naga fo tausen waya foragapi seven a bredi maya roao'wana,namagia ku atupa bredi maya aita hawaitenae?"Apaga make hua aga hapaiye,"Seven ae." ²¹ Jesu make hiye,"Lapaga mago afita haorenafi?" ²² Apaga Betsaida ae.Ani'laga waya'mogi mago auraga farigani vega aware ea Jesu'fe ameariyo hae. ²³ Jesu mani auraga farigani vega ayate atafau'teno,aware geana anaga mani kuma atarea wa'ae.Inagi aga awenatuna agai auraga'fi heteno aga aya auraga'fi ate,Jesu make huno aga afige,"Mago ya agapiyo?" ²⁴ Aga anaga auruhe'neno,make hiye,"Naga waya apagowana,yosa moa neukegana ya hiye." ²⁵ Harate aga aya agai auraga'fi ate,inagi vega auraga ageno ayage,aga auruhe ya'a eno noare higeno,inagi aga mugi ya'a ageno hare. ²⁶ Jesu a mani vega noalaga arino atare'teno make huno hapaiye,"Kaga tauni'fi uga ohaiyo." ²⁷ Jesu agame mafane nagae Sisaria Filipae kotaga wae.Kataga neua aga agame mafane naga apafige,"Ve ane mogi nagai'fena nara'ae nehae?" ²⁸ Apaga ke anona'a make hua hapaiye,"Mago amogi huaemo Joni Baptaisi ae nehae.Mago amogi huaemo Ilaija ae nehae,inagi mago amogi,Mago aune vegae nahae." ²⁹ Inagi Jesu a apaga apafige,"Hiyana lapaga hutaemo nagai'fena nara'ae nehae?"Pita a make huno hapaiye,"Kaga Kristo gae." ³⁰ Jesu logiya ke apaga hapapai noaemo mago waya nagai ke hapaopaiyo hiye. ³¹ Jesu aepafaino make huno apaga arino apaya hiye,Vemo Mafane hairaga kanaya arigiye.Inagi agenopa waya e hetprist waya e lo'te afiya arina waya mogi agameya amitea aga hea kitegae.Hiyana aga tole-e mago-e kana maino hetigiye. ³² Aga mani ke huno hare.Henaga Pita a Jesu na aote yataga awareno uno ke haiye. ³³ Hiyana Jesu a maino atagineno agame mafane naga apage'teno Pita na ke hauno make hiye,"Sataga kaga nagai nagame'laga eno!Kaga kagu kagesa moa God'ti yate ohanenie,kaga waya'mogi yate kagu kagesa haneniye." ³⁴ Henaga aga ke huno waya e agame mafane naga e arino aruaipateno,make huno hapapaiye,Inagi mago moa naga nagame hugemo,agaia akegani'teno,inagi aga yofo yosa'a ariteno naga nagame hino. ³⁵ Naramo agaia atafauno aragi husimona,aga harawa negaiye,inagi naramo nagai fenagi ke aragepa niye huno laifua atare'siyana,aga laifua kanare hanegaiye. ³⁶ Naya hamaesiya arigiye mago vegamoa mopafi mugi ya'a ariteno laifua atare'siyana? ³⁷ Aga naya amiteno harate laifua arigiye? ³⁸ Hai ve ane mogi nagaife'nagi keniye nagi apawakage meni husayana,inagi apaga ve ane mogi havi ya nehua apagameya nenamiye.Vemo Mafane moena apagai'fena awakage hugiye,Aga afoamo hare yate fatago agero wayae esiyana."