¹ Mago Farisi e lo kae yate afiya alina waya e Jerusalem'ti ea Jesu na faia kuaitae. ² Apaga akagea Jesu agame mafane mogi fipiya apayateti bredi maya nae,ina mona, apaya sese osunae. ³ [Apaga Farisi e mugi Juda waya e apaya sese humarene aege nesaya nenae,nayafene apaga alopa apimogi aepa atafauli nae. ⁴ Inagi Farisi waya mogi maketi lagati eaemo,apaga nesaya onenea ani fare tea nenae.Mago hailaga aepa napa ya-api atafaua alagi hunae,maya huno,kapu,kuyi,copa leti taro humalena ya sese nahae,inagi nesaya nena hitaramu ene.] ⁵ Farisi waya e lo kae yate afiya arina waya mogi Jesu make hua afigae,"Naya higea kagame mafane mogi aiyaga nowaiye,lakinago mogi e alopati mogi aepanapa ya,apaga apaya sese osunea nesaya nenae?" ⁶ Hiyana aga make huno hapapaiye,Aisaia aune ke huno lapagaife tole lapawayae wayane huniye.Aga kaeno make huniye,'Ma waya mogi apawaya'leti nagai nagi aria neasagae,hiyana nagaite apaipa moa afagite haneniye. ⁷ Nagai'taga agufa'a omare mono neafiye,inagi apaga waya mogi kemo God'ti ke hua aria apaya nehae.' ⁸ Lapaga God'ti lo a ataleta lapakinago mogi aepa atafauta alagi hunae." ⁹ Aga magoe make huno hapapaiye,Lapaga God'ti lo a arita atagaeta aiyaga nowai wayane,higeta lapaga lapakinago mogi afiyate atafauta alagi huta mainae! ¹⁰ Moses make huniye,Lapaga ita'tapi afo'tapimogi ke afiyo;inagi,Naramo ita afo amona huno haviya husiyana farigiye.' ¹¹ Hiyana kaga make hane,Inagi mago vega moa make huno ita afo amona hapaisi-yana,Na agufa ya naga hamae'nowana,inamona salamana agufa ya God'ti kaminiye,[ina mona make huno huniye,'God'ti na amue']. ¹² Inagi kaga ategeno aga ita afo amona keoge ya huno ateno. ¹³ Lapaga God'ti ke alita afaya hamalae, lapakinago mogi aepa napa yateti,lapaga ani agufa aepa napa ya neapamiye.Inagi ani agufa aepa napa yana lapagai'tapi nehae." ¹⁴ Aga hailaga waya harate ke huno make huno hapapaiye,"Nagai ke afiyo,mugi amogita,inagi afita hareo. ¹⁵ Mago waya mogi maraga haneni yamo aga arino haviya nosiye aipafaga haiyana.Inagi naya waya'mo aipa'fati eno maraga hiya yamo aga arino haviya nehiye." ¹⁶ Inagi mago vega moa akesa hanene siyana,aga afino. ¹⁷ Inagi Jesu a ve ane apateno nopi haigea,agame mafane mogi afigae awame ke huga harega rapaiyo hua. ¹⁸ Jesu make hiye,"Lapagai ena afi yatapi ohaneni'fiye? Lapaga oagena fiye,mago yamo maraga'ti wayamo aipafi haino fipiya osugiye, ¹⁹ nayafene aga ayamopa'fi ohai giye,hiyana aga aipa'fi haiteno uno aifa reneatale?"Jesu mani ke huteno mugi nesaya amo aragepa huniye huno hare. ²⁰ Aga make hiye,"Wayamo aipa fati eno maraga hiya yamo aga arino fipiya nehiye. ²¹ Higeno wayamo aipa'fati havi agu agesa eno maraga hiya yamo,kumai ya,kumaya ya,waya hea kipate ya, ²² arumo ve ane-e kumaiya hu ya,mago mo yafe akega haye huya,vigeti huya,aigofe ke,huga haviya hu ke,ke kamuge,kagi ariga hai ke, inagi aifo aepa nemarae. ²³ Mugi mani faipa yana waya apaipa'fati eno aga arino fipiya nehiye." ²⁴ Aga mani kuma atareno Taia,Sidom kotaga viye.Ani raga aga mago nopi haiye,inagi mago moa aga inare mainie ya'a afisi yafe ohaiye,hiyana aga mago faraogiye. ²⁵ Mago amo aise afane a havi awamu arini amoa Jesu ke afiteno,aga eno Jesu aiyafi areya faiye. ²⁶ Ani ana Grik ane,aga Fonisia ane.Aga Jesu'fe afige,afaneni'fati havi awamu hafaiyo huno. ²⁷ Jesu make huno hapaiye,"Mafane'naga apategea nesaya netegenao.Nayafene mafane ai nesaya arita kara ami yamo hao osuniye." ²⁸ Hiyana aga Jesu na make huno hapaiye,"He,Alane,kara moena mafanemo tebol fati atupa nesaya arilami ya nene." ²⁹ Aga make huno hapaiye,"Kaga hana kemo,kaga kaipa faru yae uwo.Mani havi awamu afane'gafati eno maraga hiye." ³⁰ Aga no'araga uno afane a sipale hawae nigeno age yana havi awamu agaie mago ohane'niye. ³¹ Jesu harate Taia haopalaga ataleno eno Sidon wayu hiye,Galili hage ani haneni kote Decapolis mopale. ³² Apaga awalea agaitaga ae mago agesa aganino ke nolagai vega,apaga tusiya hua Jesu na afigae kaya mani vegale ato hua. ³³ Jesu mani vega wayapati awareno aote yataga uno anagai'ani mai ae,aga aya ategeno agai agesa'fi haiye,inagi aga awenatuna ayate heteno awenafuna'le amearie. ³⁴ Jesu koguna taga auru heneno maino yasi ariteno make huno hapaiye,"Efata,"aga huno aemo,"Yakio!" ³⁵ Marage ya'amo agai agesa haro aiye,aga awenafuna moa eno noale higeno ke huno aragepa hiye. ³⁶ Jesu apaga hapapai noaemo waya hapaopaiyo hiye.Jesu ke osiyo hiyana,apaga magoe ke hua aria ara hae. ³⁷ Apaga fanagu hutea make hae,"Aga aragepa huno mugi ya hiye.Aga higea apagesa aganini wayana afiye,inagi ke noraga wayana ke ragae."