¹ Aga ani haopa'laga ataleno agaia taun'fi vie,higea agame mafane mogi aga awagi hae. ² Sabati kana egeno,inagi aga Juda waya'ai mono nopi haino ve ane alino apaya hiye.Hailaga ve ane mogi aga alino apaya hiye ke afitea fanagu hae,apaga make hae,"Aga mani ke afiyana haiteti aliye?""Hai agufa alagepa afiya aga aliye?""Na agufa awame ya aga aya teti nehiye?" ³ "Inagi mona aga no nogi vega'fi,Maria mafane kogana amo Jemsi,Jos,Judas,e Saimon'gi?Inagi aga asa'la male lagaie omainafi?"Apaga Jesu na apaipa kanaya hutae. ⁴ Inagi henaga Jesu ve ane make huno hapapaiye,"Apaga apaune waya mogi mago haopa lagati apagi ala nealiye.Apaga apagaiapi koteti apagi ala noaliye,agaia yofi e kola amogie." ⁵ Aga ala aliya oaliye,hiyana aga mago aise kari waya aina aya ateneno alino alagepa hupate. ⁶ Aga fanagu hiye,nayafene apaga apametiti osae.Inagi henaga mugi koale aga unena huno God'ti mono hapapaiye. ⁷ Inagi Jesu twelv agame mafane ke huno tole,tole huno alino apatale,Jesu a havi awamu alita ataleyo huno apaga logiya apamiye, ⁸ inagi make huno hapapaiye,mago ya oariyo,mone han pausi o breti maya o kuno alita oviyo,hiyana hayopa kayo ka aesa ya aliyo- ⁹ hiyana sentol wai teta tole kugena osio. ¹⁰ Jesu make huno hapapaiye,"Haite utapa mago nopi maine tapamo,anile maineta ataleta mago taga viyo. ¹¹ Inagi mago taun moa orapawale a ke tapi oafinemo,ani kuma ataleta ugemo,mumusopa lapaiya lagati aita fopfop huta aepa api apawerio." ¹² Apaga ua ve ane aite mono hu aemo,havi yatapi ataleta lapagu aita afeleyo hua hapapaiye. ¹³ Apaga havi awamu hailaga a alia ataletea masawe kari ve ane ai apagenopa'fi raki gea kari api apate. ¹⁴ Jesu agi awage moa mugi haopa'laga viya ke sauwe ne Herodi afiye.Mago amogi make hae,"Joni Baptaisi a farini yapati hetiye,higeno aga logiya alineno mani awame ya nehiye." ¹⁵ Mago amogi make hae,"Aga Elijah ae hae."Hiyana mago amogi make nehae,"Aga aune vegae,akeyawaga apaune waya maina ya huno maini vegae." ¹⁶ Hiyana mani ke Herodi afiteno make hiye,"Naga Joni Baptaisi agenopa hatagauno vega halate hetiye." ¹⁷ Herodi a waya alino apategea ua Joni Baptaisi na atafaua kalabus hutenae.Nayafene,aga Herodiasi na alino ateno aene,kogana amo agano,Filipi a. ¹⁸ Jon a Herodi na make huno hapaiye,"Kanale osi ya huga kogana kamo agano aline." ¹⁹ Hiyana Herodiasi a Jon na aipa kanaya huteteno amagino kitege siye,hiyana aga ani ya osiye, ²⁰ Herodi a Jon kori hiye.Aga ageno aemo,Jon a fatago huno faipa ya'a omale vegae.Higeno Herodi a Jon na yagaine'ate.Herodi a Jon hiya ke afiteno ala yate aipa kanaya hiye,hiyana aga amuse hiye agai ke afi yafe. ²¹ Hiyana henaga,ita'amo Herodi na ariteni kana wayu higeno tusia nesaya aliya waya'a kaepate,inagi ami ati waya aite agenopa ya hua maina waya e inagi Galili agenopa ya hua maina waya e. ²² Herodiasi afane agaia eno apaulaga'le aiya yaga'aiye.Aga Herodi na amuse ya alino neamino nesayate a waya ene.Inagi Herodi make huno hapaiye,"Nayafe haunesi yamo nafigegena kamuguwe." ²³ Heroti mani afane kasake huno make huno hapaiye,"Kaga naya haunesi yafe nafige-sanana kamigue,inagi kingdom niefe nafige-sanana, folaga pati fago hugate'gauwe." ²⁴ Inagi aga uno malaga huno ita'amona make huno afige,"Sauwe vega naga nayafe afigesue?"Ita'amo make hiye,"Joni Baptaisi agenopae afigao." ²⁵ Aga halate malage ya'amo uno sauwe vega make huno afige,"Menito Joni Baptaisi agenopa yosa yuapafi maretega namiyo." ²⁶ Mani kemoa sauwe vega ala yate kana amiye,aga he-e huoate'gaiye nayafene,agaie mainea nesaya na waya ai apaulagale kasa ke huno aga hapainiye. ²⁷ Higeno sauwe nemoa agufale ami ati vega alino kayo ateno aemo Joni agenopa ariga ega namiyo hiye.Ani ati vegamo uno Joni agenopa kalabusi fati hatagaiye. ²⁸ Aga Joni agenopa lapete maleteno arino eno mani afane amiye.Mani afane moa alino ita'amona amiye. ²⁹ Inagi agame mafane mogi mani ke afitea,apaga ea agufa'a alia kano alulaga kitae. ³⁰ Inagi aliya waya amogi Jesu taga ua mugi ya hua ve ane alia apaya huna ke hapaiye. ³¹ Inagi Jesu make huno hapapaiye,"Aligeta waya omainesa aupaliga uta maita faru hino."Nayafene hailaga ve ane mogi etea utea hagea maia faru hua nesaya onae. ³² Higea apaga vetefi haia waya omaina aupariga wae. ³³ Hiyana ve ane mogi aka gea wae,hailaga amogi apagea halae.Inagi apaga mugi taun fati ve ane mogi nagu aea ua hogotea ua maiye,Jesu ugesi kote. 34 Apaga ani haigile ayana,hailaga ve ane aluaia maina'geno Jesu apageteno tusi yate hau hupate,nayafene apaga sipsip kawa waya omaina gea neha ya hae.Higeno Jesu hailaga ya arino apaya hiye. ³⁵ Yake lamino faregeno,Jesu agame mafane mogi ea make hua hapaiye,"Mona hailaga waya omaina kumapi hani hugesiye. ³⁶ Arita apaga apatare gea ua aupate nokuma tagati nesaya api agea miya hiyo." ³⁷ Hiyana Jesu ke anona'a make huno hapapaiye,"Lapaga nesaya apaga apamigea neyo."Apaga make hua hapaiye,"Inagi laga uta k200 agufa yateti bredi maya miya huta ariteta apaga apaminagea nesafie?" ³⁸ Jesu make huno apaga apafige,"Lapaga namagi bredi maya arinae?Uta ageyo."Ua agetea,make hae,"Laga faiv bredi maya'e tole fisi'e arinone." ³⁹ Mugi waya'aina aga hapapai gea aria ataru hute hute hua haule faimiye. ⁴⁰ Apaga handret,fifti hua ataru'aia faimiye. ⁴¹ Jesu a faiv bredi maya'e tole fisi'e aliteno,inagi aga koguna taga auru heneno asumi huteno agame mafane apami gea wayagaiye.Inagi tole fisi'e aga aniya huteno apamiye. ⁴² Mugi ve ane mogi nea apamu hae. ⁴³ Netea atala nesaya'a agame mafane mogi kitua twelv a ku aia hawaitae,inagi fisi'e makoge ya hae. ⁴⁴ Faiv tausen vemogi mani bredi maya nae. ⁴⁵ Marage ya'amo Jesu agame mafane'naga vete'fi alino apatare gea ua hogotae,ani fariga Betsaida kumate.Henaga aga mugi waya arino apatare gea uea hae. ⁴⁶ Apaga utageno,aga agoya'laga nunamu huge haiye. ⁴⁷ Hani higeno,vete api hage animo foragapi hane,higeno Jesu agaiage mopalaga maiye. ⁴⁸ Jesu ageyana apaga tusi apayamufa waia vete api aria kate nehae,nayafene tusi yasi moa vete api amagino imalaga malaga hiye.Inagi ago hani aino agani geno Jesu hage animo agotofule apagaitaga uno hogote'gesiye. ⁴⁹ Hiyana apaga agageno Jesu hage animo agotofule vigea,apaga apagesa afi aemo afene hutea tusi yate aiae. ⁵⁰ Nayafene apaga aga agetea tusi kori hae.Marage ya'amo Jesu make huno hapapaiye,"Lapaipa faru yae maiyo!Mona nagae!Lapaga kori osiyo!" ⁵¹ Jesu apaga maina vetefi haiye,yasi magoe oariye.Agame mafane mogi mani ya agetea tusia fanagu hae. ⁵² Agame mafane mogi bredi maya nayane ya'a agea haorenae.Higeno apagai apaipamo logiya wainiye. ⁵³ Inagi apaga ani fariga uaemo,apaga Genesareti mopale ua wayu hutea vete api ani haigilaga marae. ⁵⁴ Inagi vete'fati ua maraga nehageno,hailaga waya mogi marage ya'amo aga agea harae. ⁵⁵ Apaga nagu'aea ua mugi haopa'lagati kari waya mati apile apawalea Jesu haite mainiye ke afitaga wae. ⁵⁶ Haitemo aga notegao taun'fagao mugi kotaga vige aemo,apaga kari waya maketi kumate apatea maigae.Apaga tusi ya hua Jesu'fe afigae,lategeta kugena atupa'gare amearino hua,hailaga'a aga ameari amogi kari api apate.