¹ Apaga hage animo faliga ua wayu hae,Gerasens kote. ² Inagi Jesu a vete ataleno malaga nevigeno,malage ya-amo mago havi awamu agaipi haneni vega kano alu fagati agaitaga e. ³ Mani vega kano alu malena yapaga nemaiye.Mago waya mogi atafaua oategae,sen moena oatafau- giye. ⁴ Aga atafaua hailaga afina ain leti e sen leti yofi kineatae.Hiyana aga sen ano atalagauno aini alino aise ase hune atale.Mago vegamoa aga alino hawaete yatena logiya-a ohaneniye. ⁵ Mugi hani feruga kano alu laga e agoya lagatie aga ke neaeno hagoya yafa alino agaia agufa neragaiye. ⁶ Inagi aga Jesu na afagiteti ageteno,aga nagu aeno uno Jesu aiyafi aleya faiye. ⁷ Aga ala kefati keaeno make hiye,"Naga naya hugate-gauwe,Jesu,Anafi God'ti a Nenawe mafanea?Naga kafigowe God'ti agaia agiale,naga nagafu ya onamiyo." ⁸ Higeno,Jesu make huno aga hapaiye,"Kaga mani vega atalega ega malaga huwo,kaga havi awamu." ⁹ Jesu a aga afige,"Kagiga nalagae?"Aga ke anona a aga make huno hapaiye,"Naga nagini amiye,nayafene laga hailaga ae." ¹⁰ Mani vegamo Jesu na hailaga yate afige afige huno aemo mani koteti laofaiyo hiye. ¹¹ Meni hailaga afu'naga mogi hugeya-laga maia nesaya nenae, ¹² inagi mani havi awamu mogi Jesu na make hua afigae,"Aliga lategeta afu'fi nagapi haino;lategeta apagaipi haino." ¹³ Inagi aga kanale-ne hupate;inagi havi awamu-mogi mani vega'fati ea maraga hua afu nagaipi haiye,mani afu mogi nagu aea hugeya lagati lamia hage anipi asagaua aiye,inagi 2000 agufa afu hage anipi faliye. ¹⁴ Henaga afu nesaya ami waya mogi apaune hea ua mani ya afole ai ke hapapaiye ala kuma tagae natagae,higea ve ane mogi ani ya ageke ani aupaliga wae. ¹⁵ Henaga apaga Jesu taga ea havi awamu moa alino yagai teni vega agae,aga hailaga awamu moa alino yagai teniye,faiminiye,kugena huteno aga alagepa agu agesa aliye;inagi apaga tusia kori hae. ¹⁶ Mani ya havi awamu alini vegale afole aigea agena waya mogi mugi kea hua halae,inagi afu nagaite afole ai yae hua halae. ¹⁷ Henaga apaga nogumati atalo hua aga afigae. ¹⁸ Jesu a sipi-fi nehaigeno,havi awamu agaipi haneni vegamo a kagaie ugue huno Jesu'na afige. ¹⁹ Hiyana Jesu ha-ao huteno aga make huno hapaiye,"No'gala uga wayaga hapapaiyo,Sauwe nemo alino alagepa hugate-teno hau hugate ke." ²⁰ Higeno aga uno Decapolis kotaga Jesu ala ya hute ke hapapaigea mugi waya mogi afia agea halae. ²¹ Inagi Jesu bouti'fi halate hage animo mago kaga aupaliga viye,hailaga waya mogi aga faia kuaitae,aga hage ani haigilaga maini gea. ²² Henaga mago Juda waya'ai mono nopi lida vega agia Jairusia eno Jesu na ageteno,aiyafi asagauno aiye. ²³ Jesu na halate make huno afige,"Aise afaneni aupa afina faligesiye.Naga kafigoe,eka kaya agufale atafau'geno aga aino hetino maino." ²⁴ Higeno Jesu a agaie viye,hailaga ve ane mogi agame hua faia guaitae. ²⁵ Inagi mago agano maineno kola neatala kari twev[12]a kafu nemaiye. ²⁶ Aga tusi agufa agafu nekigeno lota waya aina apage yamo mugi kagemi ya-a uno hano nehiye,hiyana kari amo hano osuno arino ala hiye. ²⁷ Mani amoa Jesu awage afiteno,Jesu agamelaga hailaga wayapi ne-eno kugena'ale amealiye. ²⁸ Mani amo make hiye,"Inagi naga Jesu kugena atupa ale amealisu yamo,naga karini hano hugiye." ²⁹ Inagi mani amo Jesu na amealiye,kola nehi ya hano hiye,aga agufa'faga ageyana kari a ago hano hute. ³¹ Aga agame mafane mogi make hua hapaiye,"Kaga ago hailaga waya mogi faia guai'gatenae,kaga hugaemo,nala'a namealiye?" ³² Hiyana Jesu aulaga alino ake nala'a mani ya hifi ya'a. ³³ Mani amo'a naya agaite afole aifi ya'a ageteno,kori huno atete hiye.Aga eno Jesu aulagale aleya faineno mugi agaite afole ai ke lamake hapaiye.Inagi Jesu make huno hapaiye,"Afane,kaga kametiti yamo alino kanale hugate.Kaga kaipa faru yae ugeno kariga hano hugateno." ³⁵ Jesu mono ke nehigea,mago waya ae,Juda waya'ai mono nopi ala vega'laga,make hae,"Afanega ago fariye.Nayafe tisa na kana neamine?" ³⁶ Hiyana Jesu apaga haya ke afiteno,mono nopi ala ve aga make huno hapapaiye,"Lapaga kori osio.Lapametiti hiyo." ³⁷ Aga mago waya'aife nawagi osiyo hiye,hiyana Pita,Jems,Jon,Jemsi kogana amo'fe nawagi hiyo hiye. ³⁸ Apaga ua mono note ala vegamo note wayu hutea ageyana waya kemo tusiya hiye;apaga tusi awiya nehae. ³⁹ Aga nopi haineno apaga make huno hapapaiye,Nayafe lapaga lapau huta awiya nehae?Afane ofariniye,mona aga hawaeno mainiye." ⁴⁰ Apaga kigi hutae.Hiyana Jesu mugi waya'a no maraga apateteno,mani afane'mo ita afo amo e magote maina waya e afane atena yataga wae. ⁴¹ Jesu afane'mo ayate alineno make huno hapaiye,"Talita,koum!"Ke aia afele aemo,"Aise afane,Naga hapaue,hetiyo." ⁴² Marage ya-amo mani afane hetino ka ae[aga twelv kafu nehiye].Marage ya-amo ve ane mogi fanagu hutea tusia amuse kase hae. ⁴³ Jesu logiya ke apaga hapapaino aemo,mago waya mogi mani ke oafiyo hiye.Henaga Jesu a afane nesaya amigeno neno huno hapapaiye.