¹ Inagi Jesu a aepa faino hailaga ve ane alino apaya hiye,hage animo haigi laga.Henaga mago vete hage anipi haneni geno aga haino faimiye.Mugi ve ane hage animo haigi laga maiye. ² Jesu a meto ke fati apaga alino apaya hiye,inagi alino apaya hiya kefi,aga make huno hapapaiye. ³ "Afiyo!Mago hoya afu vega moa avina ya layu huge viye. ⁴ Aga avina ya layu nehigen,mago avina ya kapi asagauno aigea nama mogi mani avina ya ea nae. ⁵ Mago avina ya-a yafa mopafi asagauno aiye,mopa hogaena omaleni yapi.Malage mani avina yamo haiye,nayafene mopa hogaeno afepi olaminiye. ⁶ Inagi yage haieno mani avina ya leno asagariye,nayafene hafuya moa mopafi olamini yafe asagarino hano hiye. ⁷ Mago avina ya-a aufe haufi asagauno aiye.Aufe hau moa hageno mani avina ya ano atigae geno nesaya arioate. ⁸ Mago avina ya-a alagepa mopafi asagauno aiteno hailaga nesaya arite.Nesaya arite taga tedi a arite,mago amo sixti a arite,mago amo handret a arite." ⁹ Henaga aga make hiye,"Nala mo agesa hane sigeno aemo afino!" ¹⁰ Jesu agaiage mainigea,amete maina waya e 12 agame mafane-naga mogi mani meto kemo aepa ae afigae. ¹¹ Aga make huno hapapaiye,"Lapaga ago alinae God'ti falagi kuma-amo agu agesa.Hiyana apaga malaga maina waya aitena,mugi yamo meto kefi haneniye. ¹² Higea apaga akesayana,he apaga aulu hegae,hiyana oakegae,inagi apaga afi-sayana,apaga afitea agea haolegae.Apaga havigu ake tea ataginea God'ti taga esageno faipa ya-api atalepate gaiye." ¹³ Aga make huno apaga hapapaiye,"Lapaga mani meto ke afita haola fiye?Lapaga haiya huta mugi meto kea afita halegae?" ¹⁴ Hoya afu vega moa God'ti ke awina ya hiye. ¹⁵ Ani awina yana kate asagauno aiye,mona ke awina yane.Apaga afiye,sata a malage ya-amo eno mani ke apaipa fati alino atale. ¹⁶ Mani awina yana yafa'mo huni mopafi asagauno ainiyana,magawa huniye,ve ane mogi mani ke amuse hua afinae. ¹⁷ Apaga mopafi hafuya olamini-gea aupa kanatoa mainae.Henaga,kanaya moe ano'apawatagauge ya moe apagaite e,apagaipi ohaneni kele,malage ya'amo apaga asagaua aiye. Mago awina ya'a apaga aufe haufi asagaua aiye.Apaga God'ti ke afiye, ¹⁹ hiyana apaga mopafi yafe afi ya-api hane,inagi mopafi aigofe aepaleti kagemi yatefe apaipa moa alino hetino haino God'ti ke ana-faragiye,higeno nesaya alioate. ²⁰ Henaga mani awina yamo a alagepa mopafi asagauno aiye,ina mona apaga kea afitea ani ke alina wayane,higea apaga nesaya alitenae.Mago amogi 30 ae mago amogi 60 ae mago amogi 100 tia ano agaseno awina ya huna ya'a agaseniye. ²¹ Jesu make huno apaga hapapaiye,"Lapaga lam lopi alita haita kupi neai fi sipa kapi nemalae?Lapaga lam alita eta lamo yosa ale nemalae." ²² Nayafene,mago ya falagino ohaneni gea apaga agea haole gae,inagi apaga mago ya alia falaogi nageno eno afole oaigiye. ²³ Inagi mago waya mogi apagesa fati afigemo,apaga afiyo. ²⁴ Aga make huno apaga hapapaiye,"Lapagetafo huta afiyo.Kaga na afafale aliya aminesana-na,ani afafale alitega magoe aligane." ²⁵ Nayafene,nalamo hanete-nesiyana,aga magoe amigae,inagi nalamo haneoatene-siyana,agaitaga hanenesi yana aligae." ²⁶ Aga magoe make hiye,"God'ti kumamo makawa huno mago vegamo mopafi awina ya hiye. ²⁷ Aga hani higeno hawae teno goalino hale taga henetiye,inagi awina yamo apaloatino nehage,aga ageno haoleniye haiya huno nehaifi ya'a. ²⁸ Mopamo agaia nesaya alino afole neaiye:Hogoteno haita nealiye,inagi nesaya alineate,henaga nesa ya'a afole neaiye. ²⁹ Nesaya afule geno,hoya aepa vega moa naipe alino malaga hiye, nayafene hoya yamo anale gea aligene." ³⁰ Halate aga make hiye,"God'ti kumafe laga nayate alita maleta husune,o laga na meto ke huta halesune? ³¹ Ani mona aise lusefa alaga kanaya huniye,layu hayana,mugi mopafi awina ya-amo aise awinae. ³² Hiyana,layu hayana,aga hageno ala huno mago hoya ya-a ano-neapagase,inagi ala agopa nehaiye,higea koguna taga nama mogi ani aunulapi apano negiye." ³³ Hailaga mani agufa awame ke huno apaga God'ti mono ke hapapaiye,apaga agea halesae hunoae, ³⁴ Aga mugi ke apagai taga hiya ke hailaga'a awame ke.Hiyana aga agame mafane-nagae maineno aemo,mugi awame kea huno haleno hapapaiye. ³⁵ Ani afina une hati hatigeno,aga make huno apaga hapapaiye,"Aligeta laga hage animo magokaga aupaliga vino." ³⁶ Higea apaga mugi waya apatea Jesu na awalea apagaie wae,ago Jesu vete'fi maini yafene.Mago vete a apagaie wae. ³⁷ Aupa afina'a lokiya yasi alino hage ani moa apafuleno aino aparoatino vete'fi animo haino hawaitesa ya hiye. ³⁸ Hiyana Jesu agaia vete'mo atupalaga hawaeno maiye.Apaga agame mafane mogi Jesu na haunea make hae,"Tisa,kaga lakega hao osanageta aupa afina laga farige-hupiyo?" ³⁹ Aga hetino,yasi ke hauteno hage anife make hiye,"Fase huga maiyo!Heotiyo!"Inagi yasi moa hano higeno,hage ani moa lamino alagu hiye. ⁴⁰ Inagi agame mafane- naga make huno hapapaiye,"Lapaga nayafe kori nehae?Lapaga lapametitit ya ohaneniyo?" ⁴¹ Apaga tusi kori hutea apagai-apifi make hae,"Aga nala agea yasi moe hage ani moe agai ke afiye?"