¹ Mago kana-a utegeno Jesu halate Kapeneam viye,ve ane mogi afi apaemo Jesu nopi mainiye hae. ² Inagi hailaga ve ane ea aru aigeno no hawaite,inagi kipa taga ena mago afa foga ohane.Jesu alagepa mono hapapaiye. ³ Mago waya agai taga aiya aya farini vega awalea ae,foa[4]waya mogi sesegu hua awale ae. ⁴ Apaga nopi hai saya osiye nayafene hailaga ve ane hawai tenae.Higea apaga nogatomu laga hai nea ka halo aiye Jesu maini haopale,inagi mani agufa falini vega hawae'ni matile ata geno lamiye. ⁵ Jesu fo[4]waya ai apametiti ya age teno,aiya aya farini vegae make huno hapaiye,"Mafane,naga faipa yaga atale gatowe." ⁶ Hiyana mago lote afi ya-api haneni waya anifi faiminae,inagi apaga apaipa faga alia fago hae, ⁷ "Hai ya huno ma vegamo mani ke hiye?Aga God'ti na huno igri ogre ate!Mago vegamo faipa ya alio-atale gaiye,aga God'ti makoge-mo gene." ⁸ Malage ya-amo Jesu aipa agu agesa'fi ageno hale,apaga nayafe apagesa neafi-fi ya-a.Inagi aga make huno hapapaiye,"Nayafe lapaga mani ke lapaipa faga lapagesa neafiye? ⁹ Naya huna aiya aya farini vegae huguwe,'Naga faipa yaga atale we' o make husuwe' Kaga hetiga noama yaga alitega uwo?" ¹⁰ Hiyana lapaga afita haleyo,Vemo Mafane moa faipa ya mopafi atale yate logiya-a haneniye.Aga aiya aya farini vega hapaino aemo, ¹¹ "Naga hapauwe,hetiyo,mati aliyo,inagi no kalaga uwo." ¹² Aga hetino malage a mati a aliteno,mugi waya maina yapati eno malaga huteno viye.Higea mugi amogi fanagu hutea God'ti na agi ala amitea,inagi make hae,"Laga mani agufa ya noagona yane." ¹³ Jesu mani kuma ataleno ani kotu taga viye,inagi hailaga ve ane agai taga ageno aga alagepa mono hapapaiye. ¹⁴ Aga ka neuno,aga Levi na age Alfias mafane,aga takis neali yate faimini-geno Jesu make huno hapaiye,"Eka nawagi huwo."Aga hetino Jesu na aiyaga waiye. ¹⁵ Jesu a Levi nopi maineno nesaya nene gea,hailaga a takis neali waya e faipa waya e agaie mainea nesaya nae,agame mafane nagae,nayafene hailaga waya mogi agame hae. ¹⁶ lo kae yate afiya api haneni waya na apaga Farisi ye,apaga aga yana,Jesu a faipa waya e takis neali waya e maineno nesaya nene gea,inagi Jesu agame mafane-naga aife make hae,"Naya higeno Jesu a takis neali waya e faipa waya e nesaya nene?" ¹⁷ Inagi Jesu mani ke afiteno make huno apaga hapapaiye,"Apagufa moa logiya waino haneni waya mogi lota waya aina ua oapakegae,apaga kari api hanenesi waya mogike ua lota vega akegae.Naga fatago ve ane aife ke huge omenowe,ha-ao.Naga faipa waya ai tefe enowe." ¹⁸ Apaga Jon agame mafane naga e Farisi waya e nesaya monesiye.Mago waya mogi ea aga make hua hapaiye,"Naya higea Jon agame mafane nagae Farisi waya mogi apagame mafane nagae nesaya monesiye,hiyana kaga kagame mafane mogi nesaya monosiye?" ¹⁹ Jesu make huno hapapaiye,"Inagi mariti nesayate esa waya mogi nesaya mosi gafiye ani marit huge husi vega apagaie mainesi-yana?Mariti huge hesi vega apagaie maine-siyana, apaga nesaya mo-osigae. ²⁰ Hiyana henaga marit huge husi vega apagai-pati awalea afagite usageno,ani ganalaga apaga nesaya mosigae. ²¹ Mago vega moa saufa lawolawo alino atafa lawolawo'le ofagani giye,nayafene saufa lawolawo moa atafa lawolawo wayu husigeno ala ka halo-aigiye. ²² Mago vega moa saufa wain ani alino atafa wain'mo anopi olagi-giye,inagi ani ya husiyana wain'mo ano a atagi-sigeno wain ani e wain'mo ano ae haviya huga'ae.Hiyana,aga saufa wain ani alino saufa wain'mo anopi lagino." ²³ Sabat afina Jesu witi hoyafaga viye,inagi agame mafane nagamogi witi'mo alaga a lagia nae. ²⁴ Inagi Farisi waya mogi Jesu make hua hapaiye,"Ago,naya higea apaga mani ya nehae, Sabati'le osiyo huna ya?" ²⁵ Jesu make huno hapapaiye,"Lapaga mago oapali nao nayamo Devit e agai-ae maina vemogi apagate gea huna yamo? ²⁶ Devit a God'ti nopi hai niye Abiata agenopa prisi maini afina,inagi aga haino breti maya neniye God'ti aulagale,mago waya mogi nonafa prisi waya mogige nenae,inagi mago a agaie mana waya apami gea nae?" ²⁷ Jesu make hiye,"Sabati gana ve ane mogi yane,ve ane mogi Sabati ganao mane. ²⁸ Higeno Vemo Mafane moa agai ena Ala maineno Sabati alino yagai niye."