1 Make aepafaino Jesu Kristo God'ti mafane'mo ke alagepa'ae. 2 Make huno haneniye aune vega Asaia vugufi,"Akeyo,mago vega lapagaitaga alina hogotena atalogeno viye,ani vegamo aga ka alino alagepa hulapate'gaiye. 3 Mago keyake mumusopa kumatagati eya kemo make hiye,Ala nemo ka arita alagepa huteyo,agai ka arita fatago huteyo." 4 Joni eno ve ane aina mumusopa kumapi ani falene-apateno God'ti mono huno aemo lapagua aita afele-teta mono ani fale-geno faipa yatapi ano'garopaeno hiye. 5 Mugi Juda wayae Jerusalem wayae ua Joni na agae.Apaga faipa ya-api hua atayafa-geno Joni a Jodan anipi ani falepate. 6 Kamel afumo haletiya aleti talo humalena kugena Joni waiteno aipale aleti ae-teno aga falona nagi afela lumemo amu nene. 7 Aga ala kefati make hiye,"Nagai nagamelaga mago vega egaiye,agai logiya moa nagai logiya ano-agaseniye.Inagi naga agai aiyale sumo yofia agaruhe yate kanale osunowe. 8 Naga ani-teti ani fare-nelapatowe,hiyana aga Afate Awamu'mo logiya leti ani fare-lapate gaiye." 9 Ani kanalaga maya afole ainie,Jesu a Nasareti aupaliga Galili-ti ekeno Joni a Jesu'na mono ani fareteniye Jodan anipi. 10 Jesu a anipati haieno akeyana,koguna yakigeno Afate Awamu moa balus nama ganaya huno agaite emie. 11 Mago ke koguna tagati eya kemo make hiye,"Kaga nagaini ala yate nauni mafane.Naga kagaife magoe amuse nehuwe." 12 Inagi henaga Afate Awamu moa aga awaleno waya omaina kumate viye. 13 Aga waya omaina kumataga foti kana maigeno sata eno ano-awatagauge.Aga afera afu karae maini-geno,agelo waya mogi ea hamae. 14 Meni Joni na awalea kalabusi hutageno,Jesu eno Galili kumate wayu huteno, inagi God'ti alagepa mono a hiye. 15 Aga make hiye,"Ani kana meni afole aiye,inagi God'ti kindom eno aupa hiye.Lapaga lapagua aita'afeleta alagepa keale lapametiti hiyo." 16 Inagi Jesu a Galili ani-kotu haigi-laga ne-eno,aga tole kogana'la anake,Saimo e Andru ene.Anaga umben anipi neata'ae nayafene anaga fisi neha'a vega'lane. 17 Jesu make huno hanapaiye,tanaga eta nagame hiao,inagi naga waya apawale yate alina lanaya huguwe. 18 Inagi malage ya'amo anaga umben atale-teana aga aiyaga wai ae. 19 Jesu mago afagi'ale neuno,Jems na age Sebeti mafane,inagi Jon ene Jems kogana amo.Anaga bouti'fi maine ana neti nefagani ae. 20 Jesu anaga keae geana afo animo na Sebedi e aliya waya-ae apatale ana aga aiyaga wai ae. 21 Inagi apaga Kapenau sabat afina ae,inagi Jesu Juda waya'ai mono nopi haino alino apaya hiye. 22 Aga alino apaya hiya ke apaga fanagu hae,apagi haneni waya mogi neha ya huno aga alino apaya hiye,lote afiya alina waya mogi nosa ya huno. 23 Henaga mago vega Juda waya ai mono nopi havi awamu aliniye,inagi logiya waino ke aeniye. 24 Inagi make hiye,"Kaga naya hugate-gaune,Nasareti Jesu'ga?Laga aliga haviya huge kaga apiye?Kaga naga kagena halenowe.Kaga God'ti fatago mafane ae.!" 25 Jesu logiya waino havi awamu'afe make huno hapapaiye,"Lapaga ke osuta,agaipati eta maraga hiyo!" 26 Inagi havi awamu moa aga mopafi alino hawaete,inagi agaipati ataleno malaga nehuno ala yate ke ae. 27 Ve ane mogi mani ya agetea fanagu hutea apagai-apifi make hua apafigae,"Mona nayane?Haigafa ke logiya aene!Aga havi awamu hapai ke aiyaga waino viye!" 28 Mani agai kemo mugi Galili aupaliga una ena huno awayae. 29 Henaga Juda waya'ai mono nopati ea maraga hutea,apaga Saimon gani Andru gani nopi haia falae,Jems e Jon e magopi. 30 Inagi agame mafane mogi Jesu na hapaiye,Saimon amo ita amo tusi kari aliteno hawaeno mainiye hae. 31 Higeno Jesu eno agai ayate alino hetite.Malage ya-amo aga kari a ategeno apagai nesaya arino alo ala hiye. 32 Ani une yage lamino fale geno,apaga keoge kari alina waya e havi awamu alina waya e apawale a agaite ae. 33 Mugi taun'fi ve ane ea mani nomo kipate alu aiye. 34 Jesu a hailaga ve ane keoge kari api alino alagepa hupate,inagi havi awamu e alino atale,hiyana aga havi awamu apate gea mago ke osae,nayafene aga agenae. 35 Jesu hetino natepi ko-oti-nigeno uno mago haopalaga nunamu hiye. 36 Saimon e mago agaie maina waya mogi Jesu'fe hauya hae. 37 Apaga Jesu na agetea make hua hapaiye,"Mugi ve ane mogi kagaife hauya nehae." 38 Jesu make hiye,"Mago taun laga vigeta naga una mono huguwe,nayafene naga mani aliyate enowe." 39 Jesu mugi Galili taun mo aupaliga uneno huno God'ti mono Juda waya ai mono nopi huno havi awamu alino atale. 40 Mago leprosi kari alini vega Jesu'te eno aleya fai neno make huno afige,"Kaga haunesi yana,naga aliga alagepa hunato." 41 Hau yae Jesu aya agaite ate neno make huno hapaiye,"Naga nauniye.Kaga alagepa huwo." 42 Malage ya-amo leprosi kari ate geno aga kanare hiye. 43 Jesu ehe huno logiya ke aga hapai teno alino atale-geno viye. 44 Jesu make huno hapaiye,"Mago mona mani ya afole ai ke haopaiyo,hiyana uga prisi vega kagaiga aweritega salamana huwo,kagufa alagepa hiya yatefe Moses huni ke aiyaga waiga,mani yamo apagai taga huno hale gaiye." 45 Hiyana aga uno mugi ve ane hapapaiye Jesu a alino alagepa hute ke.Higeno Jesu mago taun'fi afole uno ohaino aga aise kuma taga maiye.Hiyana waya mogi mugi aupaliga'ti agai taga ae.