¹ Delalyên min, bawerya xwe her ruhî neynin, lê wan ruhan bicêribînin, ku gelo ji Xwedê ne? Çimkî li dinyayê gelek pêxemberên derew derk'etine. ² Hûn bi vê yekê dikarin Ruhê Xwedê nas bikin: Her ruhê ku Îsa Mesîh bi bedenî hatî îqrar dike, ew ji Xwedê ye. ³ Lê her ruhê ku Îsa bi bedenî hatî îqrar nake, ew ne ji Xwedê ye. Ew ji eksîmesîh e, bona k'îjanî we bihîstibû, ku wê bê û îdî li dinyayêda ye. ⁴ Hûn ji Xwedê ne, lawno û hindava wanda serdest derk'etin, çimkî ew Ruhê nava weda ji wî ruhê ku nava dinyayêda ye mestir e. ⁵ Ew ji dinyayê ne, lema li ser dinyayê xeber didin û dinya guhdarya wan dike. ⁶ Em ji Xwedê ne. Yê Xwedê nas dike, ew guhdarya me dike. Yê ne ji Xwedê ye, ew guhdarya me nake. Bi vê yekê em Ruhê rastyê û ruhê xapandinê ji hev derdixin. ⁷ Delalyên min, em hevdu hiz bikin, çimkî hizkirin ji Xwedê ye, her k'ê ku hiz dike ew ji Xwedê bûye û wî nas dike. ⁸ Yê ku hiz nake ew Xwedê nas nake, çimkî Xwedê hizkirin e. ⁹ Bi vê yekê hizkirina Xwedê hindava meda k'ifþ bû, çaxê wî Kur'ê xweyî tayê-t'enê þande dinyayê, ku bi wî em bijîn. ¹⁰ Hizkirin vê yekêda ye, ne ku me Xwedê hiz kir, lê ewî em hiz kirin û Kur'ê xwe þand, ku bi wî gunehên me li me bêne baxþandinê. ¹¹ Delalyên min, heger Xwedê aha em hiz kirin, gerekê usa jî em hevdu hiz bikin. ¹² T'u kesî Xwedê t'u caran ne dîtye. Heger em hevdu hiz dikin, Xwedê nava meda dimîne û hizkirina wî dilê meda t'emam e. ¹³ Bi vê yekê em zanin, ku em nava wîda dimînin û ew jî nava meda, ku wî Ruhê xwe daye me. ¹⁴ Me dît û em þehdetyê didin, ku Bavê Kur'ê xwe þand, ku bibe Rizgarkirê dinyayê. ¹⁵ Heger yek îqrar dike, ku Îsa Kur'ê Xwedê ye, ¹⁶ Xwedê nava wîda dimîne û ew jî nava Xwedêda. Awa em pê hesyan û me bawer kir, ku Xwedê me hiz dike. Xwedê hizkirin e û k'ê nava hizkirinêda dimîne, ew nava Xwedêda dimîne û Xwedê jî nava wîda. ¹⁷ Û bi vî cûreyî hizkirin dilê meda t'emam e, ku Roja Dîwankirinêda em bêy tirs bin, çimkî Mesîh vê dinyayêda çawa bû, usa jî em in. ¹⁸ Hizkirinêda tirs t'une, lê hizkirina t'am tirsê dûr dixe, çimkî li k'u tirs heye, li wir ceza heye û k'ê ditirse, ew hizkirinêda hê ne t'am e. ¹⁹ Em hiz dikin, çimkî pêþda ewî em hizkirin. ²⁰ Heger yek bêje: «Ez Xwedê hiz dikim», lê birê wî ber ç'evan reþ e, ew derew dike. Heger ew birê xweyî ku dibîne hiz nake, çawa wê bikaribe Xwedê hiz bike, k'îjanî nabîne? ²¹ Ewî ev t'emî daye me: Ewê ku Xwedê hiz dike, ew gerekê birê xwe jî hiz bike.