¹ Hela binihêrin, Bavê çawa em hiz kirin û bona me k'eremeke çawa kir, ku em lawên Xwedê bêne gotinê û usa jî heye, lema dinya me nas nake, çimkî ew nas nekir. ² Delalyên min, niha em lawên Xwedê ne û hela hê em nizanin paþê emê bibine çi, lê em vê zanin, ku çaxê Îsa k'ifþ be, emê bibine mîna wî, çimkî emê wî usa bibînin, çawa ew heye. ³ Her k'ê ku bona vê yekê wîda guman e, ew xwe usa paqij dike, çawa Mesîh paqij e. ⁴ Her k'ê ku guneh dike, ew Qanûna Xwedê dit'eribîne û guneh hema qanûnt'eribandin e. ⁵ Û hûn zanin, ku bona wê yekê Mesîh k'ifþ bû, ku gunehan hilde û nava wîda guneh t'une. ⁶ Her k'ê ku nava wîda dimîne, ew nava gunehanda namîne, lê her k'ê ku nava gunehanda dimîne, ewî ne ew dîtye, ne jî ew nas kirye. ⁷ Lawno, bira t'u kes we nexapîne. K'ê rastyê dike, ew yekî rast e, çawa Îsa rast e. ⁸ K'ê nava gunehanda dimîne, ew ji Þeytan e, çimkî Þeytan ji berê pêþda guneh dike. Bona vê yekê Kur'ê Xwedê k'ifþ bû, ku kirinên Þeytan xirab ke. ⁹ Her k'ê ku ji Xwedê bûye, lawê wî ye, ew nava gunehanda namîne, çimkî binyata Xwedê nava wîda dimîne û ew nikare nava gunehanda bimîne, çimkî ji Xwedê bûye. ¹⁰ Lawên Xwedê û lawên Þeytan bi vê yekê ji hev têne firqîkirinê: Yê ku rastyê nake, ew ne ji Xwedê ye, usa jî ew ne ji Xwedê ye k'ê birê xwe hiz nake. ¹¹ Ev e ew gotin, ya ku berê pêþda we bihîstye: Em gerekê hevdu hiz bikin. ¹² Ne ku mîna Qayîn, ku ji Yê Xirab bû û birê xwe kuþt. Bona çi ew kuþt? çimkî kirinên wî xirab bûn, lê yên birê wî qenc. ¹³ Þaþ nemînin, birano, heger hûn ber ç'evê dinyayê reþ bin. ¹⁴ Em zanin, ku ji mirinê em derbazî nava jîyînê bûne, çimkî em birayên xwe hiz dikin. Yê birayê xwe hiz nake, ew nava mirinêda dimîne. ¹⁵ Her k'ê ku birê wî ber ç'evan reþ e, ew merivkuj e û hûn zanin, ku nava t'u merivkujîda jîyîna heta-ha-tê t'une. ¹⁶ Em bi vê yekê hizkirinê hesyan: Îsa bona me jîyîna xwe da. Em jî gerekê bona birayên xwe jîyîna xwe bidin. ¹⁷ Lê heger yek hebûka wîye vê dinyayê hebe û birê xwe hewcê tiþtekî dibîne, dilê wî ser naþewite, hizkirina Xwedê çawa dikare dilê wîda bimîne? ¹⁸ Lawno, em ne ku bi xeber yan zarê xwe hiz bikin, lê bi k'arê xwe û rastyê. ¹⁹ Belê, bi vê yekê emê bizanibin, ku em ji rastyê ne û emê bikaribin bi dilekî rihet li ber hizûra Xwedê bisekinin. ²⁰ Û heger dilê me, me neheq ke, Xwedê ji dilê me mestir e û haþ ji her tiþtî heye. ²¹ Delalyên min, heger dilê me, me neheq neke, em dikarin turuþ bikin li ber hizûra Xwedê bisekinin. ²² Û em çi bixwazin, emê jê bistînin, çimkî em t'emyên wî diqedînin û tiþtên ku li wî xaþ tên wan dikin. ²³ Ev e t'emya wî, ku em bawerya xwe navê Kur'ê wî Îsa Mesîh bînin û em hevdu hiz bikin, çawa wî t'emî da me. ²⁴ Yê t'emyên wî diqedîne, ew nava Xwedêda dimîne, Xwedê jî nava wîda. Û em bi vê yekê zanin, ku Xwedê nava meda dimîne, bi wî Ruhê ku wî daye me.