1
Her k'ê bawer dike, ku Îsa Mesîh e, ew ji Xwedê bûye û her k'ê ku Bavê hiz dike, ew lawên wî jî hiz dike.
2
Bi vê yekê em zanin, ku em lawên Xwedê hiz dikin, çaxê em Xwedê hiz dikin û t'emyên wî diqedînin.
3
Çimkî ev e hizkirina me ye hindava Xwedêda, ku em t'emyên wî diqedînin. Û t'emyên wî ne giran in,
4
çimkî her k'ê ku ji Xwedê bûye, ew dinyayê bindest dike. Û bawerya me ye, ku dinyayê bindest dike.
5
Gelo k'ê dinyayê bindest dike, ew, yê ku bawer dike, ku Îsa Kur'ê Xwedê ye.
6
Ev e, yê ku bi xûn û avê hat: Îsa Mesîh, ne t'enê bi avê, lê bi xûn û avê. Û Ruh e, ku þehdetyê dide, çimkî Ruh rastî ye.
7
Û ev her sê ne, ku þehdetyê didin:
8
Ruh, av û xûn. Û þehdetya van yek e.
9
Heger em þehdetya merivan hildidin, þehdetya Xwedê hê zêde ye, çimkî ev e þehdetya Xwedê, ku bona Kur'ê xwe þehdetî da.
10
Yê bawerya xwe Kur'ê Xwedê tîne, nava wîda ev þehdetî heye. Yê bawerya xwe Xwedê nayne, ew wî derewîn derdixe, çimkî bawerya xwe wê þehdetyê nayne, ya ku Xwedê bona Kur'ê xwe þehdetî da.
11
Û þehdetî ev e, ku Xwedê jîyîna heta-ha-tê da me û ev jîyîn nava Kur'ê wîda ye.
12
K'ê Kur' hildaye dilê xwe, jîyîna wî heye, lê k'ê Kur'ê Xwedê hilnedaye, jîyîna wî t'une.
13
Van tiþtan ez we bawermendên navê Kur'ê Xwedêr'a dinivîsim, ku hûn bizanibin, jîyîna weye heta-ha-tê heye.
14
Em bêtirs li ber Xwedê disekinin, çimkî zanin, çi tiþtê em anegorî daxwaza wî jê bixwazin, ew me dibihê.
15
Û heger em zanin, ku çi jê dixwazin ew dibihê, usa jî em zanin, ku çi em jê dixwazin, emê bistînin.
16
Heger yek bibîne, ku birayê wî gunehkî berbi mirinê nekirye, bira bona wî dua bike û Xwedê wê jîyînê bide wî, yê ku gunehê berbi mirinê nekirye. Guneh heye, ku yê mirinê ye. Ez nabêjim, ku bona yekî aha dua bikin.
17
Her neheqî guneh e, lê guneh heye, ku ne yê mirinê ye.
18
Em zanin, ku her k'î ji Xwedê bûye ew nava gunehanda namîne, lê Nixuryê Xwedê wî xwey dike û Yê Xirab nêzîkî wî nabe.
19
Em zanin, ku em ji Xwedê ne û t'emamya dinyayê bin hikumê Yê Xirabda ye.
20
Lê em usa jî zanin, ku Kur'ê Xwedê hat û fem da me, ku em Yê Rast nas bikin. Belê, em nava Ewî Rastda ne: nava Kur'ê wî Îsa Mesîhda. Ev e Xwedêyê rast û jîyîna heta-ha-tê.