¹ A cava me da qai tukunia sa rawatia ko Eparaama na tamada, enai valavala vayago? ² Kevaka sa vadonui ko Eparaama ena vuku ni cakacaka, sa qai dua na ka vua me dokai koya kinia, ia ka yali lia ena mata ni Kalou. ³ A cava e tukunia na Vola Tabu? Sa vabautia na Kalou ko Eparaama, a sa okati vua mei valavala dodonu ⁴ Ia na kenai sau vua na tamata dau cakacaka, sa yali okatia me loloma, sa kenai voli lia. ⁵ Ia ko koya sa yali ni cakacaka, a sa vabauti koya sa vadonuya na tamata i valavala ca, sa okati vua na nona vabautia mei valavala dodonu. ⁶ Sa vaka voki lia kinia ko Tevita ni sa tukunia na kena kalougata na tamata, sa okatia vua na Kalou nai valavala dodonu, ia ka yali ena vuku ni cakacaka: ⁷ Sa kalougata ko ira sa bokoci na nodrai valacala ca, A sa buluti na nodra caka cala; ⁸ Sa kalougata na tamata sa yali beitakia vua nai valavala ca ko Jiova. ⁹ Era sa kalougata beka vakakoya ko ira lia era sa cili, se ra vaka voki lia kinia ko ira sa yali cili? ni sa da tukunia ni sa wili vi Eparaama na nona vabauta me valavala dodonu. ¹⁰ Sa qai okati beka ni sa vaevei ? ni sa cili oti ko koya, se ni sa yali cili? Sa yali lia ni sa cili oti, ni sa yali lia ni cili. ¹¹ A sa soli vua na vicili mei vatakilakila, me vadinadinatakia ni sa vadonui ko koya ena vuku ni nona vabautia, ni sa yali ni cili tu, me yaco kinia ko koya me tamadra kece lia era sa vabautia, ia ka ra yali tu ni cili; me okati vi ira voki lia nai valavala dodonu: ¹² me tamadra voki lia ira sa cili, vi ira era sa yali ni cili loa lia, era sa muria voki lia nai varau ni vabautia koya sa nei Eparaama, na tamada ni se bera ni cili. ¹³ Ni sa yali ni yalatakia vi Eparaama, se vi ira na nona kawa, mei taukei ni vuravura, ena vuku ni vunau, ena vuku lia ni vivadonui sa yaco ena vabautia: ¹⁴ ni sa mai vatawayataki na vabautia, ia sa ka loa voki lia na vosa ni yalayala, kevaka era sa taukenia ko ira sa muria nai vunau: ¹⁵ ni sa vavunia na cudruvi nai vunau: ni sa yali nai valavala ca, kevaka sa yali nai vunau. ¹⁶ Ena vuku ni ka koya sa ka ni vabautia, me sa rawa kinia me ka ni loloma: me ra tu dei kinia na vosa ni yalayala vi ira kece lia na kawa; e yali vi koya loa lia sa tu vua nai vunau, vi koya voki lia sa tu vua na vabautia i Eparaama: koya sa tamada kece lia, ¹⁷ ( me vaka sa volai, Au sa qisi iko mo tamadra na vivanua e levu,) ena matana sa vabautia ko koya, io, na Kalou, ko koya sa bulai ira voki lia na mate, a sa kacivia na veika sa yali me vaka sa tu: ¹⁸ ia ni sa yali na ka me nuinui kinia, sa vabautia ko koya, ka vanuinui, me yaco me tamadra na vivanua e levu, me vaka sa tukuni, Ena vakinia na nomu kawa. ¹⁹ Ia ni yali malumalumu na nona vabauta, sa yali ni vakasama kinia na kena mate na yagona ka ni sa dua beka na drau na nona yabaki, se na kena mate na ketei Sera: ²⁰ a sa yali voki lia ni lomalomarua me yali ni vabautia na vosa ni yalayala ni Kalou; sa kaukauwa lia na nona vabautia, a sa varokorokotakia kinia na Kalou; ²¹ a sa vadinatia sara, ni sa rawarawa vei koya, me vayacoria na ka sa yalatakia. ²² Ko koya gona sa okati kinia vua mei valavala dodonu. ²³ Ia sa yali ena vukuna dua loa lia sa volai kinia vua ni sa okati vua; ²⁴ ena vukuda voki lia, ni na okatia vaka voki lia kinia vi ita, kevaka eda sa vabauti koya sa vaturia cake voki mai na noda Turaga ko Jisu mai na mate; ²⁵ ko koya ka soli yani ena vuku ni nodai valavala ca, a sa vaturi cake voki me da vadonui kinia.