¹ Oi ikodou na kai Kalatia dou sa sesewa, o cei beka sa lawakitaki ikodou, ni sa varaitakia oti ena matamudou ko Jisu Karisito me vaka ni sa vakoti ki na kauveilatai? ² A ka lia koya kau sa via kila vi ikodou, Dou sa rawatia na Yalo Tabu e na cakacaka ni vunau, se ni dou rogocia na vabautia? ³ Dou sa sesewa vakoya, ne? ni dou sa vatekivuna e na Yalo Tabu, dou sa qai tinia beka e na ka vayago? ⁴ Dou a vosotia vakoya e vuqa na ka me yali ni yaga, se yali? kevaka sa dina lia ni yali ni yaga. ⁵ Io, ko koya sa dausolia vi ikodou na Yalo Tabu a sa daucaka-mana e na ikodou maliwa, sa rawatia li ko koya e na cakacaka ni vunau, se e na rogocia na vabautia? ⁶ Me vaka sa vadinatia na Kalou ko Eparaama, a sa okati vua mei valavala dodonu. ⁷ O koya mo dou kila, ko ira era sa muria na vabautia, sa ira lia era sa luve i Eparaama. ⁸ Ia nai Vola Tabu voki lia, ni sa kila makawa sa vabautia sa dauvadonui ira kinia na vimatanitu tani na Kalou, sa vunautakia mada e liu ko Eparaama nai tukutuku vinaka, Ena vakalougatatakia na vivanua kece lia e na vukumu. ⁹ O koya koya era sa vakalougatataki vata kei Eparaama na dau vabautia ko ira sa muria na vabautia. ¹⁰ Ni sa lewai me cudruvi, o ira kece lia era sa muria na cakacaka ni vunau; ni sa volai, Ena cudruvi ko ira yadua sa yali ni tudei e na ka kece lia sa volai e nai vola ni vunau me ra caka. ¹¹ Ia sa macala sara sa yali ni vadonui e na vunau e dua e na mata ni Kalou; ni sa volai, Ena bula na tamata dodonu e na vuku ni vabautia. ¹² Ia sa yali ni ka ni vabautia na vunau; ia Ko koya lia sa caka na vi ka koya ena bula kinia. ¹³ Sa voli ita na Karisito mai na vicudruvi ni vunau, ni sa cudruvi lia ko koya e na vukuda, ni sa volai, Sa cudruvi ko ira yadua sa rube e na kau: ¹⁴ me yaco kinia na ka ni vivakalougatataki ni Eparaama vi ira na vimatanitu tani e na vuku i Jisu Karisito: me da rawatia kinia na Yalo ka yalataki, ni da sa vabautia. ¹⁵ Oi ikodou na viwekani, au sa vosa vatamata lia: Kevaka sa tamata lia sa ia na viyalayalati, ka sa vadinadinatakia, sa qai yali e dua sa vatawayagatakia se vaikuritakia. ¹⁶ Ia sa vosatakia vi Eparaama na viyalayalati, vi ira voki lia na nona kawa. Sa yali ni tukunia ko koya. Vi ira na vikawa, me vaka sa vuqa na kawa; ia me vaka ni sa dua bau lia, Vi ira vokilia na nomu kawa, o koya na Karisito. ¹⁷ Ia koya kau sa tukunia, a viyalayalati ka vadinadinatakia eliu na Kalou, sa yali ni vatawayagatakia na vunau sa yaco ni sa oti mada e va na drau ka tolusagavulu na yabaki, me yali kinia ni mana na vosa ni yalayala. ¹⁸ Io, kevaka sa yaco nai votavota e na vuku lia ni vunau, sa qai yali e na vuku ni yalayala: ia na vosa ni yalayala lia sa solia kinia vei Eparaama na Kalou. ¹⁹ Sa qai mei cavai beka na vunau? Sa vaikuritakia koya e na vuku ni talaidredre, me yaco mada na kawa sa vosa kinia na yalayala; a rasa tukunia ko ira na agilose e na gusu ni dua na dautataro. ²⁰ Ia na dautataro sa yali ni yaga ni sa dua baulia; ia na Kalou sa dua baulia. ²¹ Erau sa qai dua tani sara beka na vunau ki na vosa ni yalayala ni Kalou? E yali sara: ia kevaka sa soli e dua na vunau sa rawa kinia na vivabulai, sa qai dina ena yaco na vivadonui e na vuku ni vunau. ²² Ia nai Vola Tabu sa sogotia kecelia, ka beitakia e na cala, me soli kinia na ka sa yalatakia, e na vuku ni vabauti Jisu Karisito vi ira era sa vabautia. ²³ Ia ni sa yali ni yaco na vabautia, eda sa vatawai me ia tiko na vunau, ni da sogolati tiko me yaco mada na gauna ni vabautia ena varaitakia emuri. ²⁴ Sa qai yaco kinia na vunau mei vavuvuli me tuberi ita vi Karisito, me da vadonui kinia e na vuku ni vabautia. ²⁵ Ia ni sa yaco na vabautia, sa qai yali ni vitaliataki ita tiko nai vavuvuli. ²⁶ Ni dou sa luve ni Kalou ko ikodou kecelia ni dou sa vabauti Karisito Jisu. ²⁷ Ni sai Karisito dou sa vasulumi ikodou kinia, oi ikodou yadua sa papitaisotaki vi Karisito. ²⁸ Sa qai yali na Jiu se na kai matanitu tani, sa yali na bobula se nai taukei, sa yali na tagane se na yalewa: ni dou sa dua baulia koi ikodou kecelia e na vuku i Karisito Jisu. ²⁹ Ia kevaka dou sa nei Karisito, dou sa qai kawa i Eparaama, kei nai taukei me vaka na vosa ni yalayala.