¹ Sa oti e tinikava na yabaki, au saqai qai cake voki kei Panapasa ki Jerusalemi, kau sa yadi Taito voki lia. ² Ia sai vavuvuli liae na raivotu kau a qai cake kinia, kau sa tukunia vi ira nai tukutuku-vinaka kau sa vunautakia tiko vi ira na vimatanitu tani, ia ka vuni lia vi ira era sa rogocia, de yali yaga na noqu cici koya, se na noqu cici e liu. ³ Ia sa yali ni vasaurarataki me cilivi ko Taito, keirau sa tiko kaya, a kai Kirisi" ⁴ E yali ena vukudra na mata viwekani vailasu era sa yadi vavuni mai, ia o ira sa curu lo mai me ra varaicia na nodra lalaga eda sa rawatia ni da sa tu vata kei Karisito Jisu, me ra vabobulataki ita kinia: ⁵ keitou a yali ni talairawarawa kinia vi ira me vamalumalumutaki ita, e yali sara ena dua lia na tiki ni siga; me tudei kinia vi ikodou na dina ni tukutuku vinaka. ⁶ Ia ko iratou sa eratou sa dau rogocia ni ratou sa kalevu cake, (se ratou vakabeka evei sa ka lowa lia vi au; sa yali ni vinakatia vailoa e dua na tamata na Kalou;) io, ko iratou eratou sa dau rogo, sa yali e dua na ka eratou sa vaikuritakia vi au. ⁷ Sa yali sara ni vaka kinia, ia ni ratou sa raicia niu sa lesi meu vunautakia nai tukutuku vinaka vi ira sa yali ni cili, me vaka ko Pita vi ira sa cili ⁸ (io, ko koya sa cakacaka e na loma i Pita mei apositolo vi ira sa cilia, sa cakacaka e na lomaqu voki lia e na vukudra na vimatanitu tani;) ⁹ Ia ko iratou ko Jemesa kei Kita, kei Joni, eratou sa daurogo ni ratou sa duru, ni ratou sa kila na loloma ka soli vi au, eratou sa vabauti keirau kei Panapasa e na vitauri liga i matau ni keitou sa duavata, ka me kirau qai vi ira era sa yali ni lotu, ia ko iratou vi iratou sa cili: ¹⁰ Ia sa lomadra voki lia koya me keirau nanumi ira na dravudravua: na ka voki lia koya kau sa gumatua kinia. ¹¹ Ia ni sa qai mai ki Anitioki ko Kifa, au sa vorati koya ena matana votu, ni sa dodonu me vunauci. ¹² Ni sa kana vata e liu ko koya ki ira na matanitu tani, ni ra sa yali ni tadu mai eso mai vei Jemesa; ia ni ra sa tadu mai, sa yali ni via tiko vata ki ira ka sa qai tani ko koya, ni sa rerevaki ira na cili. ¹³ O ira voki lia na Jiu sa vo era sa ia vata kaya na vivakaisini ko ya; a sa yadi vatani voki lia kinia ko Panapasa ena nodra vivakaisini. ¹⁴ Ia kau sa raicia era sa yali ni valavala dodonu ka me vaka na dina ni tukutuku vinaka, au a tukunia vi Kifa ena matadra kecelia, kevaka ko sai valavala tiko me vataki ira sa matanitu tani ni ko sa Jiu, ka yali ni vataki ira na Jiu, e na cava ko sa vasaurarataki ira kinia era sa matanitu tani me ra i valavala me vataki ira na Jiu? ¹⁵ O ita eda sa Jiu ni da sucu, ka yali ni tamata ca mai vi ira na vimatanitu tani, ¹⁶ ni da sa kila ni sa yali ni vadonui na tamata ena vuku ni cakacaka ni vunau, ena vuku lia ni vabauti Jisu Karisito, eda sa vabauti Jisu Karisito, eda sa vabauti Karisito Jisu, koi keda, me da vadonui kinia ena vuku ni da vabauti Karisito, ka yali lia ena cakacaka ni vunau; ni sa yali na tamata ena vadonui ena vuku ni cakacaka ni vunau. ¹⁷ Kevaka eda sa kune koi keda voki lia me da tamata ca, ni da sa vasaqara tiko meda vadonui ena vukui Karisito, sa qai vu beka ni valavala ca na Karisito? e yali sara. ¹⁸ Ia kevaka kau sa tara cake voki na ka kau a basukia sobu, au sa tukuni au kinia niu sa tamata ca. ¹⁹ Ni sai koya nai vunau kau sa mate kinia ki na vunau meu bula vua na Kalou. ²⁰ Kirau sa vakoti vata kei Karisito ki na kauveilatai: ia sa yali lia ni koi au dina sa bula tiko, na Karisito lia sa bula ena lomaqu: ia na noqu bula vayago koya au sa bula tiko kinia niu sa vabautia na luve ni Kalou, o koya ka lomani au, ka soli koya ena vukuqu. ²¹ Au sa qai yali ni vatawayagatakia na loloma ni Kalou' ni sa qai yali ni yaga na mate i Karisito, kevaka sa rawa na vivadonui ena vunau.