¹ Oi ikodou voki lia, na yalewa, dou vamalumalumutaki ikodou vi ira na watimudou; me rawai ira na watidra ko ira na yalewa e na nodra i valavala, ka yali e nai vunau, kevaka sa so sa yali ni talairawarawa ki nai vunau; ² ni ra sa raicia na nomudou i valavala savasava kei na nomudou rere. ³ Ia me kakua ni nomudou nai ukuuku e taudaku, na tali drau ni ulu, kei nai ukuuku koula, kei na sulumakia nai sulu; ⁴ ia na ka vayalo lia sa vuni, e na ka sa yali ni vuca rawa, na yalomalumalumu kei na yalomalua, koya sa ka talei sara e na mata ni Kalou. ⁵ Ni ra sa vaka kinia ko ira voki lia na yalewa yalosavasava e na gauna eliu, era sa vararavi vua na Kalou, ni ra sa vaiukuukutaki ira, ni ra sa dautalairawarawa vi ira na watidra: ⁶ O koya sa tu voki lia e nai Vola Tabu, Raicia, au sa viritakia mai Saioni na vatu ni yavu e na tutu-ni-vale, sa digitakia, ka talei; Ia ko koya sa vabauti koya ena yali ni vamaduataki: ⁷ a sa nomudou kinia na kena talei, oi ikodou sa vabautia; ia kivei ira sa dautalaidredre, Na vatu era a dainia ko ira na matai-ni-vale, Sa yaco me kenai vadei e na tutu-ni-vale, ⁸ kei Na vatu era sa tarabe kinia, kei na vatu era sa bale kinia; ni ra sa tarabe e na vosa, ni ra sa talaidredre: era sa lesi voki lia me ra vakinia. ⁹ Ia koi ikodou nai tabatamata digitaki, a matabete vaturaga, a matanitu yalosavasava, a tamata sa taukenia na Kalou, mo dou varaitakia kinia na nona vinaka sara o koya ka kacivi ikodou mai na butobuto ki nona rarama e vivakurabuitaki: ¹⁰ oi ikodou ka sa yali ni tamata taukenia eliu, ia dou sa qai tamata ni Kalou: dou a yali ni lomani eliu, ia dou sa qai lomani. ¹¹ Oi ikodou sa lomani, au sa vamasuti ikodou, ni dou sa vakataki ira na vulagi kei ira era dau viqaiyaki, mo dou tarovi ikodou mai na gagadre ca ni yago, sa vivala kei na yalo; ¹² me dodonu na nomudou i valavala e na kedra maliwa era sa yali ni lotu: me ka koya era varokorokotakia kinia na Kalou e na siga ni viqaivi, e na vuku ni valavala vinaka era na raicia, ko ira era sa dauvosavacacataki ikodou me vaka ni dou sa tamata caka ca. ¹³ Dou talairawarawa ki nai lesilesi kece lia ni tamata e na vuku ni Turaga: se vua na tui, ni sa liu sara; ¹⁴ se vi ira na turaga ni lewa, me vaka vi ira era sa talai mai vua me cudruvi kinia ko ira era sa caka ca, ka me dokai ko ira sa caka vinaka. ¹⁵ Ni sai koya na loma ni Kalou, mo dou vagaluya e nai valavala vinaka na nodra sesewa na tamata lialia: ¹⁶ mo dou vataki ira era lalaga, ia dou kakua ni caka na nomudou lalaga me vuni kinia na lomaca, ia dou vaka lia na tamata ni Kalou. ¹⁷ Doka na tamata kece lia. Lomani ira na viwekani. Rerevakia na Kalou. Varokorokotakia na tui. ¹⁸ Oi ikodou na tamata, dou talairawarawa vi ira na nomudou turaga e na rere kece lia; kakua vi ira dua loa lia era sa yalovinaka ka yalomalua, vi ira voki lia era sa yalovatani. ¹⁹ Ni sa ka ni vavinavinaka koya, kevaka e dua sa vosotia na rarawa ni sa vararawataki vaka yali ni dodonu, ka ni sa via vinaka vua na Kalou. ²⁰ Ia dou na dokai vacava, kevaka dou na vosotia, ni dou sa caka ca ka sa vaculaki kinia? ia kevaka dou sa caka vinaka, ka sa vararawataki kinia, ka dou vosotia lia, koya sa ka vinaka vua na Kalou. ²¹ Ni dou sa kacivi me vakinia: ni sa vosotia voki lia na Karisito na rarawa e na vukumudou, a sa laiva vi ikodou nai varau, mo dou muria na we ni yavana: ²² o koya sa yali ni caka e dua na ka ca, a sa yali ni raicia e na gusuna na dauvivakaisini; ²³ ni sa vasewasewani ko koya, sa yali voki lia na vivasewasewani; ni sa vararawataki tiko, sa yali ni vosavacudrucudru; sa daini koya lia vua sa lewa vadodonu: ²⁴ o koya ga vakai koya lia ka colatia na nodai valavala ca e na yagona e na kauveilatai, me da mate tu ki nai valavala ca, ka ia nai valavala dodonu e na noda bula: ia sa we ni kena kuita dou sa vabulai kinia. ²⁵ Ni dou a vataki ira na sipi sa sese: ia dou sa qai saumaki voki vua nai vatawa o koya sa varaicia na yalomudou.