¹ Sa vo e ono na bogi me qai caka na kana vata ni qai-sivia, sa qai mai ko Jisu ki Pecani, sa tiko kinia ko Lasarusa, ka mate eliu ko koya ka sa vakatura cake voki mai na mate ko koya. ² A ra sa caka kinia na kena varaiyavi; a sa qaravia ko Marica, a sa dua voki vi ira na kana vata ka ko Lasarusa. ³ Sa qai yadia mai ko Meri e dua na paudi waiwai ka lumutia na yavai Jisu, ka quwarakia na yavana ena drau ni uluna: ka curuoso kinia na kena i boi ena loma ni vale. ⁴ Sa qai tukunia e dua vi ira na tisaipeli, ko Jutasa Isikarioti, ko koya ena soli koya yani, ⁵ E na cava na vuna sa yali ni volitakia na waiwai koya e na pene e tolu na drau, ka yadi vi ira na dravudravua? ⁶ Sa yali ni nona nanumi ira na dravudravua, sa vosa kinia vakoya ko koya; ena vuku lia ni sa daubutako, ka tauria na taga i lavo, sa yadia ka sa biu kinia. ⁷ Sa qai tukunia ko Jisu, "Daini koya lia sa maroroya na ka koya ko koya ki na siga ka'u na bulu kinia: ⁸ ka sa tiko vadua kei ikodou ko ira na dravudravua; ia ko i au, ka'u sa yali ni tiko vadua kei ikodou: ⁹ Ia sa lewe levu sara vi ira na kai Jutia, ni ra sa kila sa tiko mai kinia ko koya; era sa qai mai ka yali ena vukui Jisu lia; ka me raici Lasarusa voki lia, ko koya ka vaturia cake voki mai na mate ko koya. ¹⁰ Ia ko ira na bete levu era sa bose vata me ra vamatei Lasarusa voki lia: ¹¹ ni ra sa lewe levu na kai Jutia sa qai yani ena vukuna, ka vabauti Jisu. ¹² Ena savulaci e lewe levu sara era sa qai mai ki na kana vata, ni ra sa rogocia sa qai mai ki Jerusalemi ko Jisu, ¹³ era sa yadia na drau ni niu, a ra sa qai yani me vitavaki kaya na kacivakia, Osana! sa kalougata na nodra Tui na Isireli, ko koya sa qai mai ena yaca ni Turaga. ¹⁴ Ia ko Jisu, ni sa raicia e dua na luveni asa sa vodokia me vaka lia na ka sa volai, ¹⁵ " Oi ikonu sa toka mai Saioni, kakua ni rerevakia: raicia, sa qai mai na nomuni Tui, ka vodo tu ena dua na luveni asa." ¹⁶ Ia na veika koya era sa yali mada ni kila ko ira na nona tisaipeli: ia ni sa varokorokotaki oti ko Jisu, era sa qai nanumia ni sa volai ko koya ena veika koya, a ra sa caka vua na veika koya. ¹⁷ Ko ira na lewe levu era sa tiko kaya ni sa kacivi Lasarusa mai na i bulubulu, ka vaturi koya cake voki mai na mate, era sa tukunia. ¹⁸ Ena vuku ni ka koya sa vitavaki kaya voki lia na lewe levu, ni ra sa rogocia sa caka na ka-mana koya. ¹⁹ O ira na Farisi era sa qai tukunia vaka ira, "Dou sa kila beka ni dou yali ni rawatia e dua na ka? raicia, sa muri koya na kai vuravura kece lia." ²⁰ Isa sa so mai na vimatanitu tani era sa qai cake mai ki na solevu me ra soro: ²¹ ko ira koya era sa qai mai vi Filipi, a kai Peciseita e Kalili, ka tarogi koya, ka tukunia, "Kitou via raici Jisu saka." ²² Sa qai ko Filipi, ka tukunia vi Adriu ia koi rau ko Adriu vata kei Filipi, era a sa tukunia vi Jisu. ²³ A sa vosa vi rau ko Jisu, ka tukunia, "Sa qai yaco mai na gauna me varokorokotakia kinia na Luve ni tamata, ²⁴ E dina, e dina, au sa tukunia vi ikodou, Kevaka ena yali ni mate na vua ni sila ni sa lutu ki na qele, sa tiko dua loa lia; ia kevaka sa mate, sa vua valevu. ²⁵ O koya sa lomania voki lia na nona bula, ena vayalia, ia ko koya sa catia na nona bula e vuravura koya, ena maroroya ki na bula yali ni mudu. ²⁶ Kevaka sa qaravi au e dua, me muri au lia; ia na vanua ka'u sa tiko kinia, ena tiko voki lia kinia ko koya sa qaravi au: ia kevaka sa qaravi au e dua, ena varokorokotaki koya ko Tamaqu. ²⁷ Sa qai rarawa na lomaqu, ia a cava me'u tukunia? Na Tamaqu, vabulai au mai na gauna koya; ia na ka koya ka'u sa qai mai kinia ki na gauna koya. ²⁸ Na Tamaqu, varokorokotakia na yacamuni. Sa qai rogo mai e dua na vosa mai lomalagi, Au sa varokorokotakia voki. ²⁹ Ko ira na lewe levu ka tiko ka rogocia, era sa tukunia sa kurukuru: sa tukunia eso tani, Sa dua na agilose sa vosa vi koya. ³⁰ Sa vosa ko Jisu, ka tukunia, sa yali ni qai mai na vosa koya ena vukuqu, ena vukumudou lia. ³¹ Sa qai lewai ko ira na kai vuravura koya: sa qai dai ki tuba na turaga ni vuravura koya. ³² Ia ni'u sa laveti cake mai vuravura, au sa vayarayarataki ira na tamata kece lia kivei au." ³³ Ia sa vosatakia na ka koya ko koya, me voki lia na mate ena mate kinia ko koya. ³⁴ Sa tukunia vua na lewe levu, "Kimamu sa rogocia mai nai vunau ni sa tiko vadua na Karisito; ia ko sa tukunia vacava, Ena laveti cake na luve ni tamata" Ko cei na Luve ni tamata koya?" ³⁵ Sa qai tukunia vi ira ko Jisu, sa tiko valailai lia vi ikodou na rarama: dou qai ni sa tu vi ikodou na rarama, de yacovi ikodou na butobuto, ia ko koya sa qai ena butobuto, sa yali ni kila se sa qai kivei. ³⁶ Ni sa tu vi ikodou na rarama, dou vabautia na rarama, me dou yaco me luve ni rarama. Sa vosatakia na veika koya ko Jisu, ka qai qai yani, ka vunitaki koya vi ira. ³⁷ Ia e dina lia sa caka ko koya e matadra e levu na ka mana, a ra sa yali ni vabautia: ³⁸ me vayacoria kinia na ka sa vosatakia ko Aisea na parofita, ka vaka, "I jiova, ko cei sa vabautia na nitoui tukutuku? A sa vatakilai vi cei na liga i Jiova?" ³⁹ A ka koya era sa yali kinia ni vabautia rawa; ni sa tukunia voki ko Aisea, ⁴⁰ "Sa vamatabokotakia na matadra, ka vakaukauwatakia na lomadra ko koya: Me kakua ni rai na matadra se kila na lomadra, Ka saumaki mai, Ka me'u vabulai ira." ⁴¹ Sa vosatakia na veika koya ko Aisea, ni ra sa raicia na nona serau, ka tukunia ko koya. ⁴² Ia sa lewe levu vi ira voki lia na turaga era sa vabauti koya, ia, ena vukudra na Farisi, era sa yali ni tukunia, de ra sa vatatabui mai na valenilotu: ⁴³ ni ra sa vinakatia valevu me varokorokotaki ira ko ira na tamata, ka valailai lia me varokorotaki ira na Kalou. ⁴⁴ Sa qai kaci ko Jisu, ka tukunia, "O koya sa vabauti au, sa yali ni vabauti au lia, sa vabauti koya voki lia sa talai au mai: ⁴⁵ ia ko koya sa raici au, sa raici koya sa talai au mai. ⁴⁶ Au sa qai ki vuravura me'u kena rarama, me kakua ni tiko ena butobuto ko koya yadua sa vabauti au. ⁴⁷ Ia kevaka e dua sa rogocia na noqu vosa, ka yali ni vabautia, au sa yali ni lewai koya: ni'u sa yali ni qai mai me'u lewai ira lia na kai vuravura, me'u vabulai ira lia na kai vuravura. ⁴⁸ Sa dua sa lewai koya sa daini au, ka yali ni vabautia na noqu vosa: a vosa ka'u sa vosatakia, sai koya koya ena lewai koya ena siga mai muri. ⁴⁹ Ni'u sa yali ni vosa vataki au; ia ko Tamaqu sa talai au mai, sa varotakia vi au na ka me'u tukunia. ⁵⁰ Ia ka'u sa kila sa vu ni bula yali ni mudu na nonai varo: o koya lia, ena ka kece lia ka'u sa vosatakia, au sa vosa me vaka na ka sa tukunia vi au ko Tamaqu."