8 ¹ Ia keitou sa vatakilatakia vei kodou, na viwekani, na loloma ni Kalou sa soli vei ira na visoqosoqo lewe ni lotu mai Masitonia, ² ni ra sa vatovolei tiko e na ka rarawa sara sa levu sara na nodra reki, ka sa ka tani na nodra dravudravua, ia sa uasivi cake valevu kinia na nodra lomasoli. ³ Niu sa vadinadinatakia ni ra solia, me vaka na ka era rawatia, io sa uasivi cake e na ka era rawatia, ka ni sa yalodra kinia; ⁴ a ra sa vamamasu ka cikevi keitou valevu me keitou yadia n ka-ni-loloma, ka veitokani kei ira e na cakacaka loloma vei ira era sa lotu. ⁵ Ka sa yali ni vaka na neitou vasama, ia era sa soli ira mad vua na Turaga, vei keitou voki lia me vaka na loma ni Kalou; ⁶ ia keitou sa masuti Taito kinia, me vaka sa tekivutakia ko koya, me tinia vaka vokilia kinia vei kodou na cakacaka vokilia koya. ⁷ Ia me vaka sa levu sara vei kodou na ka kece lia, na vabautia, kei na vosa, kei na vuku, kei na gugumatua kecelia, kei na nomudou loloma vei keitou, me levu sara vei kodou na cakacaka loloma voki lia koya. ⁸ Au sa yali ni cavutia nai vakaro, au vosa lia e na vukudra eso era sa gumatua cake, meu vatovolea voki lia na kena dina ni nomudou loloma. ⁹ Ni dou sa kila na loloma ni noda Turaga ko Jisu Karisito, ni sa vutuniyau ko koya, ia sa yaco me dravudravua e na vukumudou, mo dou vutuniyau mai e na vuku ni nona dravudravua. ¹⁰ Ia kau sa vatavuvuli lia e na ka koya: ni sa kilikili vei kodou na ka koya, dou a tekivutakia e liu, ia dou a yali ni caka loa lia, dou a gumatua cake voki lia kina ka sa oti yani e dua na yabaki. ¹¹ Ia koya, mo dou qai vayacoria sara; me vaka dou a gumatua e na via caka, me qai tini vakinia me vaka na ka sa rawa. ¹² Kevaka sa tu na via caka, ena vinakati me vaka na ka sa tu vua e dua, ka yali ni vaka na ka sa yali ni tu vua. ¹³ E yali me ra vacegui ko ira na tamata tani, ka vabibitaki koi kodou: ¹⁴ me vatautauvatatakia lia, me rautia na nodra dravudravua na nomudou i yau levu e na gauna koya, me na rautia na nomudou dravudravua voki lia na nodra i yau levu: me rawa kinia na vatautauvatataki: ¹⁵ me vaka na ka sa volai, "O koya sakumunia valevu sa yali na ka e vo vua; kei koya sa kumunia valailai sa yali na ka e yali vua. ¹⁶ Ia me ia na vavinavinaka vua na Kalou, o koya s vatuburia e na loma i Taito na daunanumi kodou vaka koya. ¹⁷ E dina lia sa vabautia na neitou vamamasu; ia ni sa gumatua sara vakai koya lia, sa qai kinia vei kodou. ¹⁸ Ia keitou sa tala vata kaya na wekada, ko koya sa rogo vinaka vei ira kece lia na visoqosoqo lewe ni lotu e na vuku ni tukutuku-vinaka, ¹⁹ ia ka sa yali ni koya loa lia koya, sa digitaki koya voki lia ko ira na visoqosoqo lewe ni lotu me qai vata kei keitou ni keitou sa ia na cakacaka loloma koya, me varokorokotaki kinia na Turaga, ka me rairai kinia na noda gumatua voki lia; ²⁰ ia keitou sa via tarovia koya, me kakua e dua me beitaki keitou e na vuku ni yau levu koya keitou sa oga kinia: ²¹ ni keitou sa nanumia na ka e dodonu, e yali loa lia e na mata ni Turaga, e na matadra voki lia na tamata. ²² Keitou sa tala na wekada voki lia kei rau, o koya keitou sa raicia wasoma ni sa gumatua e na ka e vuqa, ia ka sa qai gumatua valevu cake, ni sa vadinati kodou valevu. ²³ Ke tarogi ko Taito, sa noqu i tokani ko koya, a sa vukei au e na cakacaka e na vukumudou: ko irau voki lia na wekada, erau sai talatala ni visoqosoqo lewe ni lotu, oi rau sa varokorokotaki kinia na Karisito. ²⁴ O koya koya mo dou qai vatakila vei iratou, e na matadra voki lia na visoqosoqo lewe ni lotu, nai vadinadina ni nomudou loloma, kei na neitou vacaucautaki kodou.