¹ Sa qai kacivi ira mai na nona tisaipeli e le jinikarua me ra soqoni vata, a sa solia vi ira na lewa vata na kaukauwa vi ira keceliga na tevoro, me ra vabula voki liga na mate; ² sa talai ira o koya me ra vunautakia na matanitu ni Kalou, sa vabulai ira sa tauvimate. ³ Sa tukunia vi ira o koya, Kua ni yadjia e dua na ka i sala levu, kua na i jitoko, se na taga ni vaqa, se na madrai, se na i lavo; se yarua na nomunu i curucuru. ⁴ Na vale keceliga dou na curu kinia, dou na jiko liga kinia, ka qai yani kinia. ⁵ O ira keceliga e na reva ni vacegui ikodou, ni dou sa qai tani i na koro gona, kureitakia sara na kuvu ni qele mai na yavamudou, me i vatakilakila vi ira. ⁶ A ra sa qai yani i na vi koro lalai, ka vunautakia nai tukutuku vinaka, ka vivabulai i na viyasana keceliga ⁷ Sa rogocia o Eroti na turaga na ka keceliga sa caka: a sa kidroa kinia, ni sa tukunia eso, Ni sa tucake voki mai na mate o Joni; ⁸ ka so, Sa basika mai o Ilaijia; ka so voki Sa tucake voki e dua vi ira parofita i liu. ⁹ Sa qai tukunia o Eroti, Au ma musukia na ului Joni: o cei beka ke, au sa rogocia kinia na vi ka ke? A sa qai via raici koya. ¹⁰ O ira nai Apositolo, ni ra sa lesu mai, ra sa tukunia vua na ka keceliga ra sa caka. Sa yadji ira o koya, ka qai vajikijiki i na dua na vanua lala sa voleka i na dua na koro na yacana o Pecisaita. ¹¹ O ira na le levu, ni ra sa kila, ra sa muri koya; sa vacegui ira o koya, a sa vosatakia vi ira na ka ni matanitu ni Kalou, a sa vabulai ira era reva ni bula vinaka. ¹² Ni sa kala na siga, sa qai mai o ira na le jinikarua, ka tukunia vua, Vatalai ira tani na le levu, me ra qai i na vi koro lalai vata na viyasana sa vavolivoliji kita, me ra moce, ka ka vaqara na kedra: ni da sa jiko ke i na vanua lala. ¹³ Sa tukunia vi ira o koya, Dou solia vi ira me ra kana. Ra sa tukunia, Sa reva na ka vi kitou, e lima liga nai buli madrai ka rua na ika; ke kitou reva ni na qai voli kakana me kedra keceliga na le levu ke. ¹⁴ Sa ra le lima beka na udoulu na tagane. Sa tukunia vi ira na nona tisaipeli o koya, Tukunia me ra dabe sobu me ra le ya limasagavulu me ra dabedabe vata. ¹⁵ Sa ra vayacoria vakinia ka ra vajikori ira sobu keceliga. ¹⁶ Sa qai tauria o koya nai bulli madrai e lima vata na rua na ika, sa rai icolo i lomalagi, ka lotutakia ka dovia, ka solia vi ira na tisaipeli me ra wasea vi ira na le levu. ¹⁷ Sa ra kana, ka kuva keceliga: sa tomitomiki vata na vo ni kedra, a sa jinikarua nai su. ¹⁸ Sa jiko duadua liga o koya ka masu, ka jiko voliliga vata ki koya o ira na tisaipeli: sa tarogi ira o koya, Era sa tukunia o ira na tamata se o cei o au? ¹⁹ A ra sa vosa, ka tukunia, O Joni na daunivi-papitaisotaki: ka so ra tukunia, O Ilaija, so voki ra tukunia, Sa tucakr mai e dua vi ira na parofita i liu. ²⁰ Sa qai tukunia vi ira o koya, Dou sa tukunia se o cei o au? Sa vosa o Pita, ka tukunia, Na Karisito ni Kalou. ²¹ Sa vadrejia vi ira o koya ka varojia me ra kua ni tukunia na ka ke vi dua: ²² ka tukunia sa kilikili kaya na Luve ni tamata me vosojia na ka e levu, me ra daini koya vokiliga o ira na matua, vata ki ira na bete levu, vata ki ira na vunivola. ka me vamatei koya, ka tucake voki mai na i ka tolu ni siga. ²³ Sa tukunia vi ira keceliga, Ke dua sa via muri au, me kua ni muria na lomana, ia me cola liga na nona kauveilatai i na visiga, ka muri au. ²⁴ O koya yadua sa via maroroya na nona bula, ina vayalia; ia o koya ina vayalia na nona bula ina vukuqu, ina maroroya. ²⁵ Na cava na kena yaga vua na tamata, kevaka e rawaji vuravura kece, ka vayali koya vai koya liga, se sa dai tani? ²⁶ O koya yadua na maduataki au vata na noqu vosa, a na maduataki koya na Luve ni tamata, ni na qai mai i na nona i ukuuku, vata nai ukuuku ni Tamana, vata na nodra i ukuuku na agilosi yalo savasava. ²⁷ Au sa tukunia vaidjina vi ikodou, sa tu liga i vanua ke e so, ra na reva mada ni mate, ka ra na raicia i liu na matanitu ni Kalou. ²⁸ Sa oji na vosa ke ka bogi walu beka, sa qai yadji Pita vata ki Joni vata ki Jemesa o koya, me ratou qai cake i na ulunivanua me ratou masu. ²⁹ Ni sa masu jiko o koya, sa matalia na matana, sa vulavula ka lumilumisa na nona i sulu. ³⁰ Raicia, e le rua na tamata rau sa vivosak tu, o rau o Mosese vata ki Ilaija; ³¹ Rau sa qai rairai mai ina nodrau i ukuuku, ka rau sa vosatakia na nona ciba ni na vayacoria o koya mai Jerusalemi. ³² Ni sa yacovi Pita vata ki rau na jiko vata gona na via moce; ni ratou sa yadra, ratou sa raicia na nonai ukuuku, vata ki rau na tamata ratou sa tu vata tu. ³³ Ni rau sa qai tani mai vua, sa tukunia vi Jisu o Pita, Ikonu na Turaga sa vinaka me datou jikoliga i vono ke: me kitou tara mada liga e tolu na vale vacevaceva: me dua me nomudou, me na dua ni Mosese vata me dua na ni Ilaija: ni sa reva ni kila o koya na ka e tukunia tiko. ³⁴ Ni sa vosa jiko va gona o koya, sa dua na o sa qai mai, sa qai varurugi iratou: ratou sa rere ni ratou sa curu i na o. ³⁵ Sa qai rogo e dua na vosa mai na o, qai tukunia mai, O Koya ke na noqu Gone ni toko: dou rogoci koya. ³⁶ Ni sa oji na nona vosa, sa laurai duadua liga o Jisu. Ratou sa vunitakia liga, ka reva ni tukunia i na gauna gona e dua na ka ratou a raicia. ³⁷ Na kena savulaci ni ratou sa qai sobu mai i na ulunivanua, sa le levu sara ra sa viwaraki tu. ³⁸ Raicia sa dua vi ira na le levu sa kaci i colo, qai tukunia, Vavuvuli, au masuji ikonu, mo dou mai raicia na luvequ tagane; balejia ni luvequ duadua liga; ³⁹ raicia, sa dua na yalo sa curumi koya, sa qoqolou vasauri kinia, sa tavutavulaki koya, ka vusovuso mai na gusuna, sa vamavoataki koya, qai mama ni'u via tovocia tani mai vua; ⁴⁰ au sa vamasuji ira na nomunu jisaiveli me ra tovoci koya tani, ra qai reva ni rawa. ⁴¹ Sa qai tukunia vi ira o Jisu, Ai tabatamata sa reva na dou vabaujia, qai yalo vatani! a cava na kena dede me'u jiko vata kinia ki ikodou ka vosoji ikodou? Yadjia mai na luvemu i vanua ke. ⁴² Ni sa qai jiko mai o koya, sa cudruvia na tevoro, sa tovocia vakaukauwa. A sa vunaucia na yalo velavela o Jisu, sa vabula na gone, ka sa solia voki vi tamana. ⁴³ Ra sa kurabui keceliga i na kaukauwa levu ni Kalou. Ia ni ra sa kurabui i na vuku ni ka keceliga sa caka o Jisu, a sa tukunia vi ira na nona tisaipeli o koya, ⁴⁴ Me lutu sara i daligamunu na vosa ke: ni na soli koya yani na Luve ni tamata i na ligadra na tamata. ⁴⁵ A ra sa reva ni kila nai balebale ni nona vosa, sa vunia vi ira o koya, ka ra sa nanulevajia: ka ra sa rere ni tarogi koya i na vosa gona. ⁴⁶ Sa qai tubu vi ira na vileti, se ko cei vi ira sa uasivi cake. ⁴⁷ Ni sa raicia o Jisu na nanumia ni lomadra, sa yadjia mai e dua na gone lailai, ka vaduria tu e yasana, ⁴⁸ a sa tukunia vi ira, O koya yadua sa vinakajia na gone lailai ke i na vuku ni yacaqu, sa vinakaji au: ia o koya yadua sa vinakaji au, sa vinakaji koya sa talai au mai: ni na uasivi cake o koya sa lailai sara vi ikodou keceliga. ⁴⁹ Sa qai vosa o Joni, ka tukunia, Ikonu na Turaga, kitou sa raicia e dua sa tovocia tani na tevoro eso ena yacamunu; ka kitou sa tarovia, ni sa reva ni muri kita. ⁵⁰ Sa tukunia vua o Jisu, Kua ni tarovia ni sa noda ito o koya ka reva ni noda meca. ⁵¹ Ni sa yaco djina na gauna me yadji cake kinia o koya, sa vaqara matua na matana me qai va i Jerusalemi. ⁵² Sa tala eso na tamata me ra liu i matana: ra sa qai curu i na dua na nodra koro lailai na kai Samaria, me ra varautakia na kena. ⁵³ Ra sa reva ni vacegui koya, i na vuku ni sa vaqara na matana va i Jerusalemi. ⁵⁴ Ni sa raicia o rau na nona tisaipeli o Jemesa vata ki Joni, a rau sa tukunia, Na Turaga, ikodou sa vinakajia me kirau tukunia me lutu sobu mai lomalagi na bukawaqa, me vavisai ira? ⁵⁵ Sa vuki o koya ka vunauci rau, ka tukunia, Drau sa reva ni kila nai varau ni yalomudrau: ⁵⁶ ni sa reva ni qai mai na Luve ni tamata me vamatei ira na tamata, me vabulai ira liga. A rau sa qai tani sara i na dua voki na koro lailai. ⁵⁷ Ni ra sa qai tu i sala, sa dua e tukunia vi koya, Ikonu na Turaga, au na muri ikonu i na viyasana ikonu na qai kinia. ⁵⁸ Sa qai tukunia vua o Jisu, Sa vaqara na vokisi, sa vairoro na manumanu vuka; ia na Luve ni tamata, sa reva vua na jikina me vadavoya kinia na uluna. ⁵⁹ Sa tukunia o koya vua voki e dua voki, Muri au. Sa tukunia o koya, Ikonu na Turaga, daini au me'u qai buluji tamaqu mada. ⁶⁰ Sa tukunia vua o Jisu, Dainia na mate me ra bulujia na nodra mate; o iko liga mo qai, mo qai vunautakia na matanitu ni Kalou. ⁶¹ Sa dua voki sa tukunia, Ikonu na Turaga, au na muri ikonu: nu daini au liga meu qai mada me'u qai tatau vi ratou mai nitou. ⁶² Sa tukunia vua o Jisu, E reva ni dua na tamata sa tauria nai siviyara me qai rai i muri, me yaga i na matanitu ni Kalou.