¹ Sa oji, sa qai muri o koya i na vikoro keceliga vata ki na vikoro lalai keceliga, ka vunau, ka tukunia nai tukutuku vinaka ni matanitu ni Kalou; ki ira vata kece na le jinikarua, ² vata so na yalewa, ra sa vabulai oti mai na yalo ca eso ka ma curumi ira vata na malumalumu, o Meri sa yacana vokiliga na yalewa ni Makitala, sa qai tani oji vua e vitu na tevoro, ³ vata ki Joana na waji Kusa na matanivanua ni Eroti vata ki Susana, ka le levu vokiliga, ra sa qaravi koya i na nodra i yau. ⁴ Sa le levu sara ra sa kumuni vata, a ra sa qai mai vi koya mai na vikoro, sa vosatakia na vosa vatautauvata o koya: ⁵ Sa dua na dauteitei sa dau vikaburaki, sa qai kaburakia na nona sore ni sila; ia ni sa kaburakia jiko, sa lutu eso i na yasa ni sala; a ra sa buturakia sobu, a ra sa kania na manumanu vuka. ⁶ Sa lutu eso i na vivatu; a sa tubu cake, a ra sa raqosa sara, ni sa reva ni suasua. ⁷ A sa lutu eso i loma ni viwa-vavotona; a sa tubu cake vata na viwa-vavotona, ka sa varugujia. ⁸ A sa lutu eso i na vanua vinaka, a sa tubu cake ka vuatakia e drau na vuana. Ni sa vosatakia oji o koya na vi ka ke, sa kacivakia, O koya sa vadaligana me rogocia ka mani rogocia sara. ⁹ Sa tarogi koya o ira na nona tisaipeli; ka tukunia, A cava beka nai balebale ni vosa vatautauvata ke? ¹⁰ A sa tukunia vi ira o koya, Sa soli vi ikodou mo dou kila na vi ka vuni ni matanitu ni Kalou, ia sa nodra na tani na vosa vatautauvata ke; me ra raicia ka reva ni raicia; ka rogocia ka reva ni kila. ¹¹ Ia na vosa vatautauvata sa va ke: Na sila, na vosa ni Kalou. ¹² O ira ra va nai tutu ni sala, ke o ira ra sa rogocia: sa qai qai mai na tevoro, a sa yadjia tani na vosa mai na yalodra, de ra vadjinajia ka bula kinia. ¹³ Ia o ira era va na vatu, sa i koya o ira sa rogocia ka vabaujia na vosa ena reki; ia sa reva na wakadra, a ra sa vadjinajia valailai liga, ia ni sa yaco na gauna ni dauveretaki ra sa bale liga. ¹⁴ Ia o koya sa lutu i na viwa-vavotona, sa i ira era sa rogocia, ra sa qai yani, ra sa varuguji i na lomaocaoca vata ki nai yau vata na marau ni bula,ke a sa reva kinia ni vua djina. ¹⁵ Ia o koya i na vanua vinaka, sa vakai ira ra sa yalodina ka vinaka, ra sa rogocia na vosa, ka tauria deivaki, ka vavuana jikoliga. ¹⁶ Sa reva na tamata sa vawaqa na cina, ka qai ubia i na rubu, se dainia ina ruku ni davodavo; sa dainia liga i na kena i tutu, me ra raicia na kena rarama o ira sa curu mai. ¹⁷ Ni sa reva ni dua na ka sa vuni, me na reva ni varairaitaki, se tabogo, me reva ni kilai se vavotui mai. ¹⁸ O koya mo dou qai qarauni ikodou i na nomudou rogocia; ni sa dua na ka sa tu vua na tamata, ena qai soli vua; ia na tamata sa reva ni tu vua e dua na ka, ena qai yadji tani mai vua na ka sa nanumia sa tu vua. ¹⁹ Sa qai yani vua na jinana vata ki iratou na tacina, a ratou sa reva ni toso rawa vua i na vukudra na le levu. ²⁰ A sa tukunia vua o ratou eso, Sa tu i tuba na jinamu vata ki iratou na tacimu, ratou sa via raici ikonu. ²¹ A sa vosa ka tukunia vi ira, A tinaqu vata na taciqu o ira ke ra sa rogocia na vosa ni Kalou ka caka. ²² Ia, sa dua na siga gona, sa vodokia o koya e dua na waqa, vata ki ira vokiliga na nona tisaipeli; ka tukunia vi ira o koya, Tu qai i tai kadua ni drano. A ra sa qai sara. ²³ Ia ni ra sa soko jiko, sa moce o koya; a sa qai sobu mai na cava i na drano; a ra sa luvu jiko; ka voleka ni mate. ²⁴ A ra sa qai mai ka vayadrati koya, ka tukunia vua, Ikonu na Turaga, Ikonu na Turaga, ta sa na mate. Sa qai tucake tu o koya, ka vunaucia na cagi vata na wai cudrucudru; a rau sa cegu kinia, a sa qai maravu mai. ²⁵ Sa tukunia vi ira o koya, Ivei na nomudou vabaujia? A ra sa rere ka kurabui, ra vikayakia vaira, O cei beka ke; sa varojia na cagi vata na wai, a rau sa talairawarawa vua? ²⁶ A ra sa tadu i na nodra vanua na kai Katara, sa donui Kalili. ²⁷ Ia ni sa sobu i vanua o koya, sa sotavia e dua na tamata mai na koro, sa jiko vadede vua eso na tevoro, a sa reva ni dau vaisulu, se jiko i vale, i na i bulubulu liga. ²⁸ Ni sa raici Jisu , sa qoqolou i colo, ka cuva sobu vua ka tukunia i na domoi levu, A cava vi kitaru , I Jisu na Luve ni Kalou cecere sara? au sa vamasuti iko, mo kua ni vararawataki au. ²⁹ Ni sa tukunia oti o koya vua na yalo velavela me qai tani vua na tamata: ni sa tauvi koya vawasoma; a sa vesu jiko o koya i na sinucodo vata nai vesu me tauria kinia; a sa tovoci koya na tevoro ni vikau. ³⁰ Sa tarogia vua koya o Jisu, O cei na yacamu? A sa tukunia o koya, O Vavakoso; ni ra sa le levu na tevoro sa curumia. ³¹ Ra sa vamasuji koya me kua ni tukunia vi ira me ra qai i nai bulubulu. ³² Sa dua na qele-ni-vuaka levu sa kana jiko i na ulunivanua: ra sa vamasuji koya me daini ira me ra curumi ira. A sa daini ira o koya. ³³ A ra sa qai tani vua na tamata o ira na tevoro, a ra sa curumi ira na vuaka ka ra sa cici sara na qele-ni-vuaka i na baba i na drano, ka ra sa ora. ³⁴ Ia o ira sa vakania, ni ra sa raicia na ka sa caka, a ra sa tuba, ka qai tukunia i na koro vata i na viyasana i vanua. ³⁵ Ni ra sa qai yani me ra raicia na ka sa caka; a ra sa yaco vi Jisu, ka raicia na tamata, sa qai tani vua o ira na tevoro, ni sa jiko i na yavai Jisu, ka sa vaisulutaki, ka yalomatua: a ra sa rere. ³⁶ O ira vokiliga a ra raicia, ra sa tukunia na ka sa bula kinia o koya ka curumia i liu o ira na tevoro. ³⁷ Ra sa qai vamasuji koya o ira keceliga na lewe ni viyasana i Katara me qai tani vi ira: ni sa kani ira na rere levu; a sa vodokia na waqa o koya, ka lesu voki yani. ³⁸ Ia na tamata ka qai tani vua na tevoro sa vamasujia me daini koya me rau jiko vata liga: ia sa talai koya tani o Jisu, ka tukunia vua. ³⁹ Mo lesu i na nomu vale, ka tukunia na kena levu ni vi ka sa caka vi iko na Kalou. A sa qai o koya, ka tukunia i na koro taucoko gona na kena levu ni vi ka sa caka vua o Jisu. ⁴⁰ Ni sa lesu voki mai o Jisu, ra sa vacegui koya o ira na tamata: ka ni ra sa waraki koya keceliga. ⁴¹ Ka raicia, sa dua na tamata o Jairo na yacana, e dua na turaga ni vale ni lotu, sa qai mai ka cuva sobu i na yavai Jisu, ka vamasujia me qai nona vale ⁴² ni sa dua la liga na luvena yalewa, e jinikarua na nona yabaki, ka sa voleka ni mate. Ia ni sa qai o koya ra sa drigiji koya na le levu. ⁴³ Sa dua na yalewa, sa turuvi dra balavu ka yabaki jinikarua, a sa vaojia vi ira na vuniwai na nona ka keceliga sa tu vua me bula kinia, a sa reva ni bula rawa vua e dua, ⁴⁴ a sa qai mai tovuna, ka tara na bele ni nona i sulu; a sa mudu vasauri kinia na davedave ni nona dra. ⁴⁵ A sa tukunia o Jisu, O cei sa tarai au? A ra sa varevareva keceliga, sa tukunia o Pita vata ki ira sa jiko vata ki koya, Ikonu na Turaga, sa vaosooso ikonu na le levu ni ra sa vidrigidrigiji, ia o nu sa tarogia, o cei sa tarai konu. ⁴⁶ Sa tukunia o Jisu, A dua sa tarai au, ni'u sa kila sa qai tani vi au na noqu kaukauwa. ⁴⁷ Ia ni sa kila na yalewa ni sa reva ni vuni rawa, sa qai mai ka sautaninini ka cuva sobu vua, ka tukunia i matadra keceliga na le levu na ka sa tarai koya kinia, vata na nona sa bula vasauri mai. ⁴⁸ A sa tukunia vi koya, Na luvequ-yalewa, mo vacegu, sa vabulai iko na nomu vabaujia; mo qai i na vacegu. ⁴⁹ Ni sa vosa jiko o koya, sa qai mai e dua mai na vale ni turaga ni vale ni lotu, ka tukunia vua, Sa mate na luvemu yalewa, kua ni vaoca na i Vavuvuli. ⁵⁰ Ia ni rogocia o Jisu, sa vosa ka tukunia vua, Kua ni yalo lailai; vadjinajia liga, na qai vabulai liga o koya. ⁵¹ Ni sa curu i vale o koya, sa reva ni vatara e dua me curu kinia; o iratou liga o Pita vata ki Jemesa, o Joni, vata ki na tama ni gone yalewa vata ki jinana. ⁵² A ra sa tagi kece liga, ka tagicakia: a sa tukunia vi ira o koya, Kua ni cole; sa reva ni ciba o koya; sa moce liga. ⁵³ A ra sa dredrevaki koya, ni ra sa kila sa ciba o koya. ⁵⁴ Sa vatalai ira kece i tuba, ka tauria na ligana, ka kacivia , ka tukunia vua, O iko gone mo mata cake. ⁵⁵ Sa lesu voki mai na yalona, sa mata cake sara, sa qai tukunia o koya me soli vua e dua na kena. ⁵⁶ Rau sa kurabui sara na nona qase; sa varojia vi rau o koya me rau kua ni tukunia vua e dua na ka sa caka.