¹ Ia ni sa vaojia na nona vosa keceliga ni ra sa rogocia jiko na le levu, sa qai curu o koya i Kapenaumi. ² Ia sa dua na turaga ni valu, sa tauvimate e dua na nona tamata, sa dau lomania o koya, a sa voleka ni mate. ³ Ia ni sa rogocia nai tukutuku ki Jisu, sa tala vua eso na matua ni Jutia, me vamasuji koya me qai mai ka vabula na nona tamata. ⁴ Ia ni ra sa cabe mai vi Jisu, ra vamasuji koya valevu, ka tukunia "Sa yaga o koya mo nu vayacoria kinia na ka ke; ⁵ ni sa lomania noda matanitu, a sa tara o koya na nimamu vale ni lotu. ⁶ Sa qai vata ki ira o Jisu. Ni sa voleka i vale o koya, sa tala e so na wekana na turaga ni valu, me ra tukunia vua, Ikonu na Turaga kua ni vaceguocataki ikonu: sa reva ni yaga mo dou curu i na noqu vale: ⁷ kau sa reva vokiliga ni naumi au me'u yaga meu qai vi ikonu: ia mo nu cavujia na vosa, ena bula kinia na noqu tamata: ⁸ ni'u sa turaga lailai o au, au sa lewa na sojia eso; au sa tukunia ke vua, Mo qai yani, a sa qai yani: vi koya na e duatani, Mo qai mai, a sa qai mai: tukunia vua na noqu tamata, Mo vayacoria ke, a sa vayacoria vakinia, ⁹ Ni sa rogocia na vi ka ke o Jisu, sa kurabui o koya, a sa vuki vi ira na le levu sa muri koya, ka tukunia, Au sa tukunia vi ikodou, Au sa reva ni raicia vi ira na Isireli e dua na vabaujia levu va ke. ¹⁰ Ni sa lesu voki i vale o ira ra ma talai, ra sa raicia na tamata ma tauvi-mate ni sa qai bula vinaka. ¹¹ Ni sa savulavi caca, sa qai i na dua na koro na yacana o Neini; a ra sa le levu na nona tisaipeli ra sa qai vata ki ira vokiliga na le levu sara. ¹² Ni sa toso voleka i na matamata-ni-koro, raicia, sa dua na mate sa colaji i nai bili, ka luvei jinana e dua bau liga, a sa yada o koya: ra sa le levu sara na lewe ni koro a ra qai vata kaya. ¹³ Ni sa raici koya na Turaga, sa lomania ka tukunia vua, Kua ni tagi. ¹⁴ A sa qai o koya ka tara na vatavata: ra sa tu vadua o ira na colajia. Sa tukunia vi ira o koya, O iko na cauravou, au sa tukunia vi iko, Tucake. ¹⁵ Sa lamata cake na mate, ka vatekivu me vosa. A sa soli koya vi jinana. ¹⁶ Ra sa rere o ira keceliga: ka ra sa varokorokotakia na Kalou, ka tukunia, Sa qai cadra cake vi kita e dua na varovita levu; sa qai mai na Kalou vi ira na nona tamata. ¹⁷ Na i rogorogo ke sa kuruseji Jutia taucoko vata na yasana keceliga sa vavolilvolijia. ¹⁸ A sa varaitakia vi Joni na ka keceliga qori o ira na nona tisaipeli. ¹⁹ A sa kacivi rau e le rua na nona tisaipeli o Joni ka talai rau vi Jisu, me tukunia, O ikonu beka o koya ka qai jiko mai se da warakia e dua voki? ²⁰ Ia ni rau sa yaco vua, rau sa tukunia, Sa talai kirau mai vi ikonu o Joni na daunivivapapitaisotaki, me tukunia. O ikonu beka o Koya ka qai jiko mai, se da warakia e dua voki? ²¹ Ena jiki ni siga gona, ra sa le levu sa vabula o koya mai na mate vata na rarawa, ka mai vi ira na yalo ca; ra sa le levu ra sa mataboko sa lewa o koya me ra rai rawa. ²² Sa qai vosa o Jisu, ka tukunia vi rau, Drau qai, ka tukunia vi Joni na vi ka drau sa raicia ka rogocia; ni ra sa rai na mataboko, sa qai na lokiloki, sa vasavasavataki na vukavuka, sa rogo na didivara, sa vamatari na mate, sa vunautaki nai tukutuku vinaka vi ira na dravudravua: ²³ sa kalougata o koya ena reva ni tarabe i na vukuqu. ²⁴ Ia ni rau sa qai voki o rau ka tala o Joni, sa tukunia o koya vi ira na le levu ena vuku i Joni, A cava dou a qai kinia i vikau mo dou qai raicia? a gasau beka sa yavalati i na cagi? ²⁵ ia na cava dou a qaivia mo dou raicia? a tamata sa vaisulu beka i na i sulu malumalumu? raicia, o ira sa vaisulu vaiukuuku, ka dau kana vinaka, era sa jiko i na vivale vaturaga. ²⁶ Ia a cava dou a qai kinia mo dou raicia? A varovita? Io, au sa tukunia vi ikodou, e dua sa uasivia na parofita. ²⁷ Sai koya ka volai va ke, Raicia, au sa tala yani na noqui talatala me liutaki iko, Ena caramakia o koya na nomu sala e matamu. ²⁸ Ni'u sa tukunia vi ikodou, Vi ira sa sucu mai na yalewa sa reva na parofita sa uasivi cake vi Joni na dauvivapapitaiso; ia o koya sa lailai sara i na matanitu ni Kalou sa uasivi vi koya. ²⁹ O ira keceliga na tamata ra rogocia vata ki ira sa daukumunia nai vacavaca, era vadjinadjina vua na Kalou, ni ra sa papitaisotaki i na papitaiso i Joni. ³⁰ Ia o ira na Farisi vata ki ira vokiliga na vu-ni-vunau, ra sa cajia na ka sa nakijia na Kalou i na vukudra, ka ra sa reva ni papitaisotaki vua. ³¹ Sa tukunia na Turaga, A cava me'u vatautauvatataki ira kinia na tamata i nai tabatamata ke? se ra sa tautauvata beka ki na cava? ³² Ra sa tautauvata ki ira na gone sa jiko i na rara ni vivoli, ka vikaciyaki, ka tukunia, Kitou ma uvu bitu vi kodou, ka dou a reva ni meke: Kitou ma tagi vi ikodou, ka dou a reva ni tagiyaso. ³³ Sa qai mai o Joni na dauvivapapitaiso ka reva ni dau kana madai se dau somi waini; ia dou sa tukunia, sa jiko vua e dua na tevoro. ³⁴ Sa qai mai na Luve ni tamata, a sa kana ka somi, ia dou sa tukunia, Raicia, a tamata daukana ka dausomi waini, a nodra i tau o ira sa kumunia nai vacavacava vata ki ira na tama i valavala ca! ³⁵ Ia sa vadonuya na vuku o ira keceliga na luvena. ³⁶ Sa kerei koya dua na Farisi me ra kana vata kaya. A sa curu ki na vale ni Farisi o koya, ka jiko sobu me kana. ³⁷ Ka raicia, sa dua na yalewa i na koro gona, o koya sa yalewa i valavala ca, ni sa kila sa jiko o koya i na vale ni Farisi me kana, a sa yadjia mai e dua na tavaya alapasita sa tawa tu i na lumu: ³⁸ a sa tu mai tovuna ki yavana ka tagi, a sa savajia na yavana i na wai ni matana, a sa qua i na drau ni uluna, a sa regucia na yavana, ka lumujia i na i lumu ³⁹ Ni sa raicia na Farisi ka sureji koya, sa nanumia liga i lomana, ka vaka, ke sa parofita o koya ke, sa kila na yalewa ke ni sa tarai koya, vata ki na nona i valavala vokiliga; ni sa yalewa i valavala ca. ⁴⁰ Sa vosa o Jisu, ka tukunia vua, I Saimoni, sa dua na ka au sa via tarogia vi iko: A sa tukunia o koya, Vavuvuli, mo tukunia liga mai: ⁴¹ Sa dua na turaga, sa le rua na tamata rau sa djinau vua: E dua, sa lima na drau na pene na nona djinau; e dua voki, sa limasagavulu. ⁴² Ia ni sa reva na nodrau ka me rau saumia kinia, sa serekia laliga vi rau ruarua. Mo tukunia mada mai se o cei vi rau na lomani koya valevu. ⁴³ Sa vosa o Saimoni ka tukunia, Au sa vakasama, o koya sa levu cake na ka sa sereki vua,. a sa tukunia vua o koya, O sa lewa vadodonu. ⁴⁴ A sa vuki va vua na yalewa o koya, ka tukunia vi Saimoni, O sa raicia na yalewa ke, ne? Au sa curu i na nomu vale, ka reva na wai o solia me sava kinia na yavaqu: ia sa savajia na yavaqu o koya i na wai ni matana, a sa quarakia kinia na drau ni uluna. ⁴⁵ O sa reva ni reguci au: ia o koya ke, sa reva ni cegu ni regucia na yavaqu ni'u sa jiko i vanua ke. ⁴⁶ O sa reva n i lumujia na uluqu i na waiwai: ia o koya ke sa lumujia na yavaqu i na i lumu. ⁴⁷ O koya ke au sa tukunia kinia vi iko, A nona i valavala ca sa levu, sa bokoci; ni sa loloma valevu kinia o koya: ia o koya sa lailai liga na nona ka sa bokoci, sa loloma valailai. ⁴⁸ Sa qai tukunia vua na yalewa o koya, Sa bokoci na nomui valavala ca. ⁴⁹ Ia o ira ra sa jiko vata me ra kana, ra sa tukunia vakai ira, O cei ke sa bokocia vokiliga nai valavala ca? ⁵⁰ A sa tukunia o koya vua na yalewa, Sa vabulai iko na nomu vabaujia; mo qai i na vacegu.