¹ I na dua na siga ni vacecegu, sa qai o koya i loma ni teitei ni vi sila; ra sa dolokia na visola ni sila na nona jisaipeli. a ra sa qilirakia i ligadra ka kania. ² Ka so vi ira na Farisi sa tukunia vi ira, Cava dou sa vayacoya kinia na ka sa reva ni tara me vayacori me caka i na Siga ni Vacecegu? ³ Sa vosa o Jisu ka tukunia vi ira, Dou sa reva beka ni wilikia na ka ke, ni sa vayacoria o Tevita, ni sa viakana, o koya vata ki ira ra sa jiko vata kaya: ⁴ Ni sa curumia o koya na vale ni Kalou, ka tauria ka kania na madrai dauraici, ka solia vokiliga vi ira ra sa jiko vata kaya; gona sa reva ni tara me ra kania na tani, sa tara duadua liga vi ira na bete? ⁵ Sa tukunia vi ira o koya, Sa Turaga vokiliga ni Siga ni Vacecegu na Luve ni tamata. ⁶ I na dua voki na Siga ni Vacecegu, sa curu o koya i vale ni lotu, ka vatavuvuli: sa jiko kinia e dua na tamata sa malai na ligana i matau. ⁷ Ra sa varaici koya o ira na vunivola vata ki ira na Farisi, se na ia na vivabulai i na Siga ni Vacecegu, se reva; me ra raicia e dua na ka me ra beitaki koya kinia. ⁸ Ni sa kila na nodra vanananu o koya, ka tukunia vua na tamata sa malai na ligana, Mo wiri ka wavu tu i na kedra maliwa. A sa wiri ka wavu tu o koya. ⁹ Sa tukunia vi ira o Jisu, Au tarogi ikodou i na dua na ka: Sa tara beka me cakaji na ka vinaka i na Siga ni Vacecegu, se na ka ca? me ia na vivabulai se na vivamatei? ¹⁰ Ia ni sa rai wavokiji vi ira keceliga o koya, sa tukunia vua na tamata, Dodokia mai na ligamu. A sa vayacoya va kinia: a sa vabulai na ligana, a sa va kinia na ligana ka dua. ¹¹ A ra sa cudru valevu sara; ra sa vivosaki vai ira, se cava me ra vayacoria vi Jisu. ¹² Ia ena gauna gona, sa qai o koya i na ulunivanua me masu, a sa masu jiko vua na Kalou i na bogi ka siga vakia. ¹³ Ia ni sa siga voki mai, sa kacivi ira na nona tisaipeli: a sa djigitakia e le jinikarua mai vi ira, a sa vatokai ira me apositolo: ¹⁴ O Saimoni o koya sa yacana vokiliga me o Pita, vata ki Adriu na tacina, o Jemesa vata ki Joni, o Filipi vata ki Pacolomiu, ¹⁵ o Maciu vata ki Tomasi, o Jemesa na luvei Alifio, vata ki Saimoni sa vatokai Na gumatua, ¹⁶ o Jutasa na taci Jemesa, vata ki Jutasa Isikarioti, o koya ma solia yani. ¹⁷ A sa qai sobu vata ki ira o koya, ka tu i na buca, ka ra le levu sara na nona tisaipeli vata ki ira na tamata ra le levu sara mai Jiutia taucoko vata ki Jerusalemi, vata na baravi ki Taia vata ki Saitoni, ra sa qai mai me ra mai rogoci koya ka me ra vabulai vokiliga mai nodra mate; ¹⁸ vata ki ira vokiliga sa vacacani ira na yalo velavela eso; ra sa vabulai. ¹⁹ Ra sa vatovolea keceliga na le levu me ra tarai koya: ni sa taka mai vi koya na nona kaukauwa mana, ka sa vabulai ira keceliga. ²⁰ A sa varaici ira na nona tisaipeli ka tukunia, Dou sa kalougata na dravudravua; ni sa nomudou na matanitu ni Kalou. ²¹ Dou sa kalougata ikodou sa viakana ni kua: ni dou na vamamautaki. Dou sa kalougata, ikodou sa tagi ni kua: ni dou na dredre. ²² Dou sa kalougata ni sa cati ikodou o ira na tamata, ni ra sa vatabui ikodou, ka vasewasewani ikodou, ka varogorogocatakia na yacamudou, i na vukuna na Luve ni tamata. ²³ Dou reki i na siga gona, ka lade i na marau: raicia, sa levu na kenai sau vi ikodou mai lomalagi: ni ra sa vayacoya va kinia o ira na nomudou qase vi ira na parofita. ²⁴ Ia dou na ca, ikodou sa vutuniyau! ni dou sa na rawajia na nomudou vacegu. ²⁵ Dou na ca, ikodou sa kuva! ni dou na via kana. Dou na ca ikodou sa marau ni kua! ni dou na rarawa ka tagi. ²⁶ Dou na ca, ni sa vosavavinakataki ikodou na tamata keceliga! ni ra sa vayacoya vokiliga vakinia o ira na nomudou matua vi ira na parofita seseni. ²⁷ Au sa tukunia vi ikodou sa rogocia, Lomani ira na nomudou meca, caka vinaka vi ira sa caji ikodou, ²⁸ vosa vinaka vi ira sa rukaki ikodou, ka masulaki ira sa valialiai ikodou. ²⁹ Ke dua e sabicia na balumu e dua, solia vokiliga vua na kena ka dua: mo kua ni vusekatakia na nomui curucuru vi koya sa yadjia tani na nomu kote. ³⁰ Ia mo solia vi ira keceliga sa mai kerekere vi iko; mo kua ni tarogia voki na nomui yau vi koya sa yadjia tani. ³¹ Me vaka dou sa vinakajia me ra caka vokiliga vi ikodou na tamata, dou caka vokiliga vi ira. ³² Ia ke dou sa lomani ira ra sa lomani ikodou, o cei me vavinavinaka vi ira? Ia o ira na tamata i valavala ca ra sa lomani ira sa mai loloma vi ira. ³³ Ia ke dou sa caka vinaka vi ira sa caka vinaka vi ikodou, o cei me vavinavinaka vi ikodou? ni sa vayacoria vakinia o ira na tamata i valavala ca. ³⁴ Ia ke dou sa solia me tauri mada liga vi ira liga dou sa vanuinui me rawajia voki mai kinia, o cei me vavinavinaka vi ikodou? ni sa solia o ira vokiliga na tamata ca vi ira na tamata ca, me ra rawajia voki na ka e tautauvata. ³⁵ Mo dou lomani ira na nomudou meca, ka caka vinaka, ka solia me tauria mada ni nu sa reva ni nuitakia mo dou rawa voki e dua na ka; ni na levu kinia na kena i sau vi ikodou, ia dou na qai luvei koya sa cecere sara: ni sa loma soli o koya vi ira ra sa reva ni vavinavinaka sa tamata ca. ³⁶ O koya mo dou qai yalololoma, me va sa yalololoma na Tamamudou. ³⁷ Dou kua ni daulelewa, dou na qai reva ni lewai: dou kua ni dau vibeitaki, dou na qai reva ni beitaki: dou kua ni dau cudruvia na tamata, dou na qai reva ni cudruvi. ³⁸ mo dou dausoli, na qai soli vi ikodou; nai varau vinaka, ka butuki sobu, ka kureitakia vata, ka vuabale, ra na solia na tamata i na lomaseremunu. Ia nai varau dou sa varautakia, na varautaki voki vi ikodou. ³⁹ A ra sa tarogia vi ira o koya i na dua na vosa vatautauvata: Na rawa beka na mataboko me tuberia voki e dua na mataboko? A rau na reva beka ni lutu ruarua i na waisa? ⁴⁰ Sa reva na tisaipeli me uasivia na nona i vavuvuli: ia o koya yadua ni sa yaco me vinaka sara, a rau na qai tautauvata ki na nona i vavavuvuli. ⁴¹ Ka vacava ni o sa raicia na malamala i na mata ni wekamu, ka o na reva ni nanumia na kau sa tu i matamu? ⁴² Se o na tukunia vacava vi koya na wekamu, Na wekaqu dainia me'u leujia tani mada na malamala sa tu i matamu, ia o na reva ni raicia na kau sa tu i matamu? O sa dau vivakaisini, mo cavujia mada i liu na kau mai na matamu, ka o na qai raicia vinaka mo leujia na malamala sa tu i na matai na wekamu. ⁴³ Ni sa reva na kau vinaka me vuatakia na vua ca; se na kau ca me vuatakia na vua vinaka. ⁴⁴ Ni sa kilai na kau keceliga i na vuana. Sa reva ni veji na lolo mai na wa-vavotona, se veji na vua-ni-vaini mai na wa-gadrogadro. ⁴⁵ Na tamata vinaka sa yadjia mai na ka vinaka mai na lololo vinaka ni lomana: vata na tamata ca sa yadjia mai na ka ca mai na lololo ca ni lomana: ni sa vosatakia na gusuda na ka sa oso valevu kinia na lomada. ⁴⁶ Ka vacava ni dou sa kacivi au me Turaga, Turaga, ka reva ni vayacoya na ka au sa tukunia? ⁴⁷ O koya yadua sa qai mai vi au, ka rogocia na noqu vosa, ka vayacoria, au na vatakila vi ikodou na tamata a rau sa tautauvata: ⁴⁸ Sa rau tautauvata ki na tamata sa tara e dua na vale, sa kelivakia vajitobu ka tauyavutakia i na dela ni vatu: ni sa qai na dave, sa coka vakaukauwa na vale gona na dobui, a sa reva ni yavalajia rawa: ni sa tauyavutaki i na dela ni vatu. ⁴⁹ O koya sa rogocia ka reva ni vayacoria, a rau sa tautauvata ki na tamata sa tara e dua na vale i na dela ni qele ka reva na kena yavu; sa coka mai vakaukauwa na dobui, a sa bale sara kinia; sa ka levu na kena rusa na vale gona.