¹ Ni ra sa drigiji koya o ira na tamata me ra rogocia na vosa ni Kaou, sa mani tu o koya i na bati ni drano mai Kenisareti, ² sa raicia e rua na waqa sa vesu tu i na drano, ia ratou sa qai tani mai kinia na gonedau, a ratou sa vasavasavatakia na nodratou lawa. ³ A sa vodokia e dua na waqa, na ni Saimoni, sa kerea me toso liga yani valailai i wai. A sa jiko sobu o koya i na waqa, ka vavulici ira na le levu ⁴ Ia ni sa jinia na nona vosa o koya, sa tukunia vi Saimoni, Toso yani ki wai jitobu, ka dou cavotakia sobu na nomudou lawa me rawa mai eso. ⁵ A sa vosa o Saimoni, ka tukunia vua, Na Turaga, kitou sa ia tu mai ena bogi ka sigavakia, ka kitou sa reva ni rawa e dua na ka; ia i na vuku liga ni nomunu vosa, au na cavotakia sobu na lawa. ⁶ Ia ni ratou sa vayacoria me vakakinia, sa kalevu na ika ratou sa kovujia; a sa kadresu kinia nodratou lawa. ⁷ A ratou sa yalovi i ratou na nodratou i tokani ratou sa jiko i na waqa kadua, me ratou mai vukei iratou. A ratou sa qai mai, ratou sa qa vasinaijia ruarua na waqa, a rau sa voleka ni luvu. ⁸ Ia ni sa raicia o Saimoni Pita, sa cuva sobu i na duru i Jisu, ka tukunia, Mo ni qai tani mai vi au, na Turaga; niu sa tamata ca. ⁹ Ni sa kurabui o koya vata ki ira keceliga ra sa jiko vata kaya, i na vuku ni qele ni ka ra sa rawajia: ¹⁰ ka va vokiliga kinia o Jemesa vata ki Joni vata ki rau na luvei Sepete, a ratou vitokani vata ki Saimoni. A sa tukunia vi Saimoni o Jisu, Kua ni rere; i na visiga ni vulaci o na rawai ira na tamata. ¹¹ Ia ni ratou sa yadjia ruarua na waqa i vanua, ratou sa dainia na ka keceliga ka muri koya, ¹² Ia ni sa jiko i na dua na koro o koya, raicia, sa dua na tamata sa roboji koya na vukavuka: ia ni sa raici Jisu, sa cuva vatoboicu ka masujia, ka tukunia, ikonu na Turaga, ke ikonu sa vinakajia mo nu vasavasavataki au rawa. ¹³ A sa dodokia na ligana o koya, ka tarai koya, ka tukunia vua, Au sa vinakatakia: mo savasava mai, a sa takali sara vua na vukavuka. ¹⁴ A sa varojia vua o koya me kua ni tukunia vua e dua: ia mo qai varaitaki iko vua na bete, ka vacaboria na nomu i vasavasavataki me va na vosa i Mosese, me i vadjinadjina vi ira ¹⁵ Ia na kena i rogorogo sa rogovakia valevu sara kinia; a ra sa le levu sara liga ra sa soqoni vata mai me ra varogocia, me ra vabulai vokiliga mai na nodra malumalumu. ¹⁶ A sa qai tani o koya i vikau, ka masu. ¹⁷ Ia sa dua na siga, sa vatavuvuli jiko o koya, ka sa jiko voleka kinia eso na Farisi vata ki ira na vu-ni-vunau, ra sa qai mai na koro lailai keceliga mai Kalili vata ki Jutia, mai Jerusalemi vokiliga: sa tu vua na kaukauwa ni Turaga me vabulai ira. ¹⁸ Ka raicia eso na tamata ratou sa yadjia mai i na i mocemoce e dua na tamata sa tauvi-paralasi; a ratou sa vatovolea me ratou yadji koya i loma, me ratou daini koya i matana. ¹⁹ Ia ni ratou sa reva ni yadji koya rawa i loma ina vukudra na le levu, ratou sa cabe ki na dela ni vale, ka tukucia sobu mai i macawa ni tibitini ena i mocemoce ki na kedra maliwa i matai jisu ²⁰ Ia ni sa raicia na nodratou vabaujia na Turaga, sa tukunia vua, O iko, sa bokoci na nomui i valavala ca. ²¹ Ra sa vatekivu o ira na vunivola vata ki ira na Farisi me ra vinanuyakia, ka tukunia, O cei ke sa vosa vacacatakia na Kalou? O cei voki sa bokocia rawa na i valavala ca, na Kalou duadua liga? ²² Ia, ni sa kila o Jisu na ka ra sa vinanuyakia, sa vosa ka tukunia vi ira, A cava dou sa vinanuyakia i lomamudou? ²³ a cava vi rau e rawarawa cake, me tukuni, Sa bokoci na nomui i valavala ca; se me tukuni, Mo tucake ka qai? ²⁴ ia mo dou kila kinia ni sa rawa na Luve ni tamata e vuravura me bokocia na i valavala ca, (sa qai tukunia vua sa tauvi paralasi,) Au sa qai tuikunia vi iko, Mo tucake, ka yadjia na nomui davodavo, ka qai i nomu vale. ²⁵ A sa tucake sara o koya ina matadra, ka yadjia na ka sa davo kinia, ka qai i nona vale, ka varokorokotakia na Kalou. ²⁶ Ra sa reucala keceliga, ka ra sa varokorokotakia na Kalou; ka sa yacovi ira na rere, ka vitukuniyakia, Sa ta raicia ni kua na vi ka vivakurabuitaki sara liga. ²⁷ Sa oji na vika ke, sa qai yani o koya, sa raicia e dua sa kumunia nai vacavaca, o Livai na yacana, sa jiko i na vale ni vacavacava: sa tukunia vua, Muri au. ²⁸ A sa dainia na ka keceliga o koya, ka cavu tu, ka muri koya. ²⁹ A sa caka vua e dua na magiji levu o Livai i na nona vale: ra sa le levu sa kumunia na i vacavaca vata ki ira voki eso ra sa jiko me ra kana vata. ³⁰ Ia o ira na nodra vunivola vata ki ira na Farisi, ra sa vosa vatani vi ira na nona tisaipeli, ka tukunia, Cava dou sa kana ka somi vata kinia ki ira sa dau kumunia na i vacavacava vata ki ira na tamata i valavala ca? ³¹ Sa qai tukunia o Jisu, vi ira, Sa reva ni yaga na vuniwai vi ira sa bula vinaka; vi ira liga sa tauvimate: ³² Au sa reva ni qai mai me'u kacivi ira na yalododonu, me ra vivutuni, o ira liga na i valavala ca. ³³ A ra sa tukunia vua, Cava sa lolo valevu jiko kinia ka daumasu o ira na tisaipeli ni Joni, vata na nodra tisaipeli vokiliga na Farisi: ia nomudou e ra sa kana ka somi? ³⁴ A sa tukunia vi ira o koya, Dou sa lewai ira beka li na weka ni tagane sa qai vawaji me lolo, ni sa jiko vata ki ira na tagane sa qai vawaji? ³⁵ Na yaco mai na siga, ena yadji tani kinia vi ira na tagane sa qai vawaji; ra na qai lolo i na gauna gona. ³⁶ Sa vosatakia vokiliga vi ira e dua na vosa vatautauvata: Sa reva na tamata sa cula vata na jiki ni sulu vou vata na i na sulu dede; de mani kadresu na jikina vou, ka reva ni kabi vata rawa na jikina vou sa cula vata ki na i sulu dede. ³⁷ Sa reva na tamata sa talocia na waini vou i na tavaya kuli-ni-manumanu dede; de mani vakacabotetakia na tavaya na waini vou, ka dave yani, ka sa ca vokiliga kinia na tavaya. ³⁸ Ia ka vinaka me vatalocia na waini vou i na tavaya vou, sa maroroi ruarua kinia. ³⁹ Sa reva vokiliga na tamata, ni sa somia oji na waini dede, me qai vinakajia na waini vou; ni sa tukunia, E vinaka vi rau na ka dede.