¹ Sa oji na vi ka ke, sa qai djigitakia na Turaga e le vitusagavulu voki ka talai ira me ra qai yayarua ka liu vua i na vikoro keceliga vata ki na vivanua sa via qai kinia o koya. ² A sa tukunia vi ira, E djina sa matua tu na yabaki, ia sa ra le lailai liga nai vatawa ni teitei; o koya mo dou qai masuji koya nai Taukei ni teitei, me talai ira yani e so na nona tamata i na teitei. ³ Mo dou qai: raicia, au sa talai ikodou yani me va na lami i na kedra maliwa na oliva. ⁴ Kua ni dou yadji na taga i lavo, se na taga ni kakana, se nai vava: ka nu kua ni vikidavaki vata e dua i gaunisala. ⁵ Ena vivale yadua mo dou curu kinia, tukunia mada i liu, Me sobu na vacegu i na vale ke. ⁶ Kevaka sa jiko kinia e dua na tamata e yaga me vacegui, ena toka vi koya na nomudou vivacegui; ia kevaka sa reva, ena lesu voki vi ikodou. ⁷ Ia na vivale kece dou na jiko kinia, dou kania ka somia na vi ka kece ra sa solia; ni sa dodonu me soli vua na tamata daucakacaka na kena i sau. Dou kua ni vitokiyaki i vivale. ⁸ Ia na koro kece liga dou na curu kinia, ra na vacegui ikodou, dou na kania na vi ka kece sa tala mai matanu: ⁹ ka vabulai ira na tauvimate ra jiko kinia, ka tukunia vi ira, Ni sa volekaji ikodou na matanitu ni Kalou. ¹⁰ Ia na koro keceliga dou na curumia ka ra reva ni ciqomi ikodou, dou qai sara i na vibasoga ni sala ka tukunia, ¹¹ Na kuvu ni qele ni nomudou koro sa kabijia na yavai kimamu, kimamu na tavirakia lesu voki yani vi ikodou; ia mo dou vanumia jikolilga ni sa voleka sara vi ikodou na matanitu ni Kalou. ¹² Ia au sa tukunia vi ikodou, na ca valailai o Sotoma i na siga gona, ena ca valevu na vikoro qori. ¹³ A ca vi iko, Koresini! E ca vi iko, Pecisaita! Ia ke sa caka mai Taia vata ki Saitoni na cakacaka mana ka caka ke vi kodrau, ke drau sa vivutuni makawa, ka jiko sobu i nai sulu taga vata na dravusa: ¹⁴ Ia na ca valailai o Taia vata ki Saitoni i na siga ni vilewai, o kodrau na ca valevu sara. ¹⁵ O iko voki liga, Kapenaumi, o sa laveji cake beka i Lomalagi? o na dai sobu liga i Etesi. ¹⁶ O koya sa rogoci ikodou, sa rogoci au; ia o koya sa beci ikodou, sa beci au; ia o koya sa beci, au, sa beci koya sa talai au mai. ¹⁷ A ra sa lesu mai na le vitusagavulu i na marau ka tukunia vua, Ikonu na Turaga, ra sa guca vi kimamu na tevoro, i na vuku ni yacamunu. ¹⁸ Sa tukunia vi ira o koya, Au ma raici Setani ni sa lutu sobu mai lomalagi me va na livaliva. ¹⁹ Raicia, au sa solia vi ikodou na kaukauwa mo dou buturaki ira kinia na gata vata na batibasaga, ka mo dou rawa na kaukauwa keceliga ni meca; ka ni na reva sara ni dua na ka me na vacacani ikodou. ²⁰ Ia nu sa kua sara ni marautakia na ka ke, ni sa guca vi ikodou o ira na yalo; na ka liga mo dou marautakia, ni sa volai na yacamudou mai lomalagi. ²¹ I na jiki ni siga gona, sa marau sara kinia o Jisu i na yalona, ka tukunia, Au sa vavinavinaka vi ikonu Tamaqu na Turaga ni lomalagi kei vuravura, ni ikonu sa vunia na vi ka ke vi ira na vuku vata ki ira na yalomatua, ka konu sa vatakila liga vi ira na gone lalai me va ke: Tamaqu ni sa vinaka e matamunu me vakinia ²² Sa solia mai vi au o Tamaqu na ka kece liga; ia ka reva ni dua voki e kila se o cei na Luvena, o Tamaqu duadua liga; se o cei na Tamaqu, Na luvena duadua liga, vata ki koya sa vinakaji koya na Luvena me vatakilai koya. ²³ Sa vuki vi ira na tisaipeli ka tukunia vailo, Sa kalougata na mata sa raicia na vi ka dou sa raicia; ²⁴ ni'u sa tukunia vi kodou, ra le levu na varovita vata ki ira na tui a ra na via raicia na ka dou sa raicia, a ra na reva ni raicia rawa; me ra rogocia voki liga na ka dou sa rogocia, a ra na reva ni rogocia rawa. ²⁵ Raicia sa dua na vunivunau sa tucake, ka vatovolei koya, ka tarogia, Vavuvuli, a cava meu vayacoya, me'u rawajia kinia na bula reva ni mudu? ²⁶ Sa tukunia vua o koya, A cava sa volai i na i vunau? Na cava o sa wilikia? ²⁷ Sa vosa o koya ka tukunia, Mo lomani Jiova na nomu Kalou i na lomamu taucoko, na yalomu taucoko, na nomu kaukauwa taucoko vata na nomu nanumia keceliga; vata na kai nomu me vataki iko. ²⁸ Sa tukunia vua o koya, O sa vosa vadodonu; vayacoya sara ke, o na bula kinia. ²⁹ Ia o koya, ni sa via vadonui koya, sa tarogi Jisu, O cei na kai noqu? ³⁰ Sa vosa o Jisu ka tukunia vua, Sa dua na tamata sa qai sobu mai Jerusalemi i Jeriko, ra sikabotei koya o ira na daubutako, ra luvajia tani na nonai sulu, ka vamavoataki koya va ca, ra sa qai tani ka daini koya tu a sa voleka ni mate. ³¹ Sa qai sobu mai e dua na bete i na tolo ni sala vata liga gona, ia ni sa raicia sa qai vajikijiki tani. ³² A sa va kinia e dua na luvei Livai, ni sa yaco i na vanua vata gona, sa qai mai ka raicia, a sa qai vajikijiki tani. ³³ A sa dua na kai Samaria, sa qai tu, mai sa yaco vua; ia ni raicia, sa lomania sara. ³⁴ sa vaucia na jikina sa mavoa, ka sova kinia na waiwai vata na waini, ka vavodokia i na nona manumanu, ka yadjia i na bure ni vulagi, a sa maroroi koya kinia. ³⁵ Ia ni sa savulaci mai me sa qai yani, sa tauria e rua na pene, sa solia vua nai taukei ni bure, ka tukunia vua, mo qaravi koya; ia na ka kece o na qai vakuria kinia, au na qai mai saumia vi iko ni'u sa na lesu voki mai. ³⁶ Mo lewa mai, se o cei vi ratou na le tolu ke, sa kai vata ki koya ka sikabotei mai vi ira na dau butako? ³⁷ Sa qai tukunia o koya, O koya liga sa lomania. Sa qai tukunia o Jisu, Mo qai o iko, ka vayacoya va vokiliga kinia. ³⁸ Sa yaco ni ra sa qai jiko, sa curu o koya i na dua na koro lailai: sa yadji koya i na nona vale e dua na yalewa na yacana o Marica. ³⁹ Sa dua na tacina na yacana o Meri, sa jiko sobu vokiliga i na yavai Jisu, ka varogocia jiko na nona vosa. ⁴⁰ O Marica sa vidreyaki na lomana ni sa leqatakia ni sa varau valevu; sa qai mai, ka tukunia, Ikonu na Turaga, ko nu sa wele liga, ni sa daini au na taciqu me'u varau duadua o au? Nu tukunia mada vua me mai vivuke vi au. ⁴¹ Sa vosa o Jisu ka tukunia vua, I Marica, I Marica, o sa lomaocaoca ka vinanuyakia e levu na ka: ⁴² Sa dua laliga na ka sa yaga: sa djigitakia o Meri nai votavota vinaka, o koya na reva ni yadji tani mai vua.