¹ Ni sa masu o koya ina dua na yasana, ni sa qai jinia, sa tukunia vi koya e dua na nona tisaipeli, Ikonu na Turaga, mo dou vavulici kimamu me kimamu masu, me va sa vatavulici ira vokiliga na nona tisaipeli o Joni. ² Sa tukunia vi ira o koya, Ni dou sa masu, dou tukunia, Tama i kimamu mai lomalagi, Me varokorokotaki na yacamunu. Me yaco na nomunu lewa. Me caka na lomamunu i vuravura me va sa caka jiko mai lomalagi. ³ Mo nu solia mai vi kimamu i na siga yadua na kakana e rauji kimamu. ⁴ Ia mo nu kua ni cudruvi kimamu i na vuku ni nimamu ivalavala ca: ni kimamu sa reva vokiliga ni cudruvia e dua sa ivalavala ca vi kimamu. Mo nu kua ni yadji kimamu i na vere; ka mo nu vabulai kimamu mai na ca. ⁵ Sa tukunia vi ira o koya, O cei vi ikodou ke sa dua na wekana, sa qai vua i na lomaloma ni bogi, ka tukunia vua, Na wekaqu, au kerekere mo solia mai vi au e tolu nai buli madrai; ⁶ ni sa dua na wekaqu sa mai vacegu vi au ni sa qai tu, ia sa reva ni dua na ka e tu vi au me'u taucia vua. ⁷ Na qai vosa o koya mai vale ka tukunia, Kua ni vaocai au; sa sogo tu na darava, ka kitou sa davo vata ki ratou na luvequ na i davodavo; au sa reva ni tucake rawa me'u solia vi iko. ⁸ Au sa tukunia vi ikodou, Ke sece ni tucake ka solia vua, ni sa wekana; ia ni sa cikevia jiko o koya, ina tucake ka solia na ka ina rauji koya. ⁹ Au sa tukunia vokiliga vi ikodou, dou kerekere ka na soli vi ikodou; dou vaqara ka dou na raicia; dou tukituki ka na dolavi vi ikodou: ¹⁰ ni sa rawa o koya yadua sa kerekere; ka sa raicia o koya sa vasaqara; ia ina dola vi koya sa tukituki. ¹¹ E dua beka vi ikodou na tama ni gone ke sa mai kere madrai vi ikodou na luvemu, o na solia vua e dua na vatu? ke sa kere ika, o na solia vua e dua na gata me i sosomi ni ika? ¹² Ke sa kere yaloka, o na solia beka vua e dua na batibasaga? ¹³ Ia ke dou sa kila, ikodou sa tamata ca, mo nu solia na ka vinaka vi ira na luvemudou; sa qai djina valevu cake, ni na solia na Yalo Tabu o koya na Tamamudou valomalagi vi ira sa kerekere vua. ¹⁴ Sa tovocia tani jiko e dua na tevoro o koya, a sa galu, ia ni sa qai tani na tevoro, sa vosa na galu; a ra sa kurabui o ira na le levu. ¹⁵ Sa tukunia eso vi ira, Sa tovoci ira na tevoro o koya ina kaukauwa i Pielisipupi na nodra turaga na tevoro. ¹⁶ Ka so voki ra sa vatovolei koya, ka tarogia e dua nai vatakilakila mai lomalagi. ¹⁷ Ia o koya ni sa kila na nodra nanumia, sa tukinia vi ira, A matanitu yadua sa viba vaikoya, ena varusai; ia na vale sa viba vai koya, ena bale: ¹⁸ Kevaka sa viba vai koya o Setani, ina tu dei vacava na nona matanitu? Ni dou sa tukunia au sa tovoci ira na tevoro i na kaukauwa iPielisipupi. ¹⁹ Ia ke'u sa tovoci ira na tevoro ina kaukauwa i Pielisipupi, ra lautovoci ina kaukauwa ni cei o ira na nomudou? o koya gona a ra na lewai ikodou kinia o ira ke. ²⁰ Ia keveka au tovoci ira na tevoro ina qaqalo ni Kalou, sa qai yaco djina vi ikodou na matanitu ni Kalou ²¹ Ni sa dua na qaqa sa vaiyaragi tu sa vatawa na nona vale, sa tu vinaka na nona iyaya: ²² ia ni sa dua tani sa uasivi vi irau ena qaqa sa qai vakaukauwa, sa rawai koya, sa kovea na nona i yaragi ni valu keceliga sa vararavi kinia, a sa vota nai toki mai vua. ²³ O koya sa reva ni totaki au, sa to tani: ia o koya sa reva ni kumunia vata vi au, sa vidaiyakia. ²⁴ Ni sa qai tani na tamata yalo velavela, sa dau qai tu i na vanua dravuisiga me varaicia nai vavacegu: ia ni sa reva ni raicia, sa tukunia, Au na lesu voki i na noqu vale kau a qai tani mai kinia: ²⁵ ia ni sa yaco, sa raicia ni sa taviraki ka ukutaki tu. ²⁶ Sa qai o koya ka yadjia vata kaya e le vitu voki na yalo, sa uasivi vi koya i na ca; a ratou sa curumia ka jiko kinia, a sa ca valevu i muri na tamata gona, ka ca valailai i liu. ²⁷ Ia ni sa vosa jiko va ke, sa dua na yalewa vi ira na le levu sa qolou cake na domona ka tukunia vua, Sa kalougata na kete ko dou sa sucu mai kinia vata na sucu ko dou sucumia, ²⁸ Sa tukunia o koya, sa kalougata valevu o ira sa rogocia na vosa ni Kalou ka vabaujia. ²⁹ Ka ni ra sa soqoni vata na tamata ka vi osooso, sa vatekivu o koya me tukunia, Ai tabatamata ca ke: ra sa dau tarogia nai vatakilakila; ia e reva nai vatakilakila me solia kinia, nai vatakilakila liga i Jona na parofita. ³⁰ Me va sa i vatakilakila liga o Jona vi ira na kai Ninive, ina vavokiliga kinia na Luve ni tamata vi ira nai tabatamata ke. ³¹ Ina tucake tu na radjini ceva ka vadjinadjinatakia na nodra cala nai tabatamata ke, i na vilewai; ni sa qai mai o koya mai na yasana vayawa sara e vuravura me rogocia na vuku i Solomoni; ka raicia sa dua ke sa daumaki cake vi Solomoni. ³² Era na tucake tu na kai Ninive, ka vadjinadjinatakia na nodra cala na tabatamata ke, i na vilewai; ni ra sa vivutuni i na vunau i Jona, ka raicia sa dua ke sa daumaki cake vi Jona. ³³ Sa reva ni dua sa tutuvakia na cina, ka qai dainia ina yasana vuni, se na ruku ni vakarau ni sila, ina kena i tutu liga, me ra raicia na kena rarama o ira sa curu mai. ³⁴ Na cina ni yago na mata; ke sa vinaka na matamu sa rarama kinia na yagomu taucoko, ia ke ca, sa na butobuto kinia na yagomu taucoko. ³⁵ O koya mo qai varaicia de sa butobuto mai na rarama sa tu i lomamu. ³⁶ Koya gona, ke sa rarama na yagomu taucoko, ka reva na jikina sa butobuto, ena rarama kece sara, me vaka ni sa cinavi iko na cina sa caudre vinaka sara. ³⁷ Ni sa vosa jiko o koya, sa sureji koya e dua na Farisi me rau kana vata kaya i nai vasigalevu: sa qai curu o koya, ka jiko sobu me kana. ³⁸ Ia ni sa raicia na Farisi, sa kurabui ni sa vakasigalevu o koya ka reva ni vuluvulu mada i liu. ³⁹ Sa qai tukunia vi koya na Turaga, Ikodou na Farisi, dou sa qai vasavasavatakia na tovu ni bilo vata na dari i tuba, ia na lomamudou sa sinai i na daubutako vata na i valavala ca. ⁴⁰ Ikodou sa yalowai, sa reva beka ni caka na jikina i loma o koya sa caka na jikina i tuba. ⁴¹ Ia mo dou solia na ka ni loloma me va dou sa rawa, ka raicia, ni na savasava vi ikodou na ka keceliga. ⁴² Ia e ca vi ikodou, na Farisi! ni dou sa solia nai kajini, ni botebotekoro, vata ki na co keceliga va ke, ia na lewa dodonu vata na loloma ni Kalou, dou sa dainia tani liga; ke e kilikili vi ikodou mo dou caka, me kua vokiliga ni dai tani na vi ka qori. ⁴³ E ca vi ikodou, na Farisi! ni dou sa dau vinakajia na i jikojiko ni qase ina vi valenilotu, vata na vikidavaki i na vi rara ni vivoli. ⁴⁴ E ca vi ikodou! ni dou sa va na i bulubulu sa reva ni laurai, ka sa qai vailola o ira na tamata i na delana ka reva ni kila. ⁴⁵ Sa qai vosa vi koya e dua na vu ni vunau, ka tukunia Vavuvuli, ni o sa va ke o sa beitaki kitou voki liga. ⁴⁶ Sa qai tukunia o koya, E ca vi ikodou vokiliga na vu ni vunau! ni dou sa vaocai ira na tamata i nai colacola e mama sara ni colaji, ia dou sa reva ni nai colacola gona ina dua na nomudou i qaqalo. ⁴⁷ E ca vi ikodou! ni dou sa tara na kena vivale ni nodrai bulubulu na parofita, ra ma vamatea o ira na nomudou matua. ⁴⁸ E dina liga ni dou sa tukuni ikodou ni dou sa vinakajia na nodra i valavala na nomudou matua, ni ra ma vamatei ira, ka dou sa tara na nodra vivale ni bulubulu. ⁴⁹ O koya ke sa tukunia kinia na vuku ni Kalou, Au na tala vi ira eso na parofita vata na apositolo, ia ka so vi ira ra na vamatea ka vacacani: ⁵⁰ Me ra tarogi kinia na i tabatamata ke, ina kedra dra na parofita keceliga ka vadavei mai na i tekivu ki vuravura; ⁵¹ mai na dra i Epeli ka yacovia na dra ni Sakaraia, o koya a vamatei i na tadrua ni cabocabo ni madrali vata na vale ni soro; au sa tukunia vaidjina vi ikodou, Ena tarogi kinia na i taba tamata ke. ⁵² E ca vi ikodou, na vu ni vunau! ni dou sa yadjia tani mai na dola ni ka vuku: dou sa reva ni curu kinia o ikodou, ia dou sa tarovi ira voki liga ra sa curu jiko kinia. ⁵³ Ia ni sa tukunia jiko vi ira o koya na vi ka ke, sa vatekivu me ra cikevia valevu, me ra kere vosa vua o ira na vunivola vata na Farisi me levu na ka me tukunia: ⁵⁴ A ra sa lawatakia, a ra sa qara me ra rogocia e dua na ka mai na gusuna, me ra vacaucautaki koya kinia.