¹ I na gauna gona, ni ra sa udolu vavuqa na tamata sa kumuni vata mai, a ra sa viqataqata liga, sa tukunia mada i liu vi ira na nona jisaiveli o koya, Dou qarauni ikodou mai na nodra leveni na Farisi, gona na daunivivakaisini. ² Ia sa reva na ka sa vuni, me reva ni varairaitaki; se tabogo, me reva ni kilai. ³ Ia na vi ka dou tukunia i na butobuto , na rogo basika; na ka dou sa tukunia i na vi jikina vuni, na kacivaki ina doka ni vale ⁴ Ia au sa tukunia vi ikodou na wekaqu, dou kua ni rerevaki ira ra sa vamate na yago liga, ia i muri sa reva voki na ka ra caka rawa. ⁵ Ia, au sa tukunia vi ikodou se o cei mo dou rerevakia; dou rerevaki koya liga sa rawajia me vamatea, ka oji sa rawajia liga me dainia i Eli; Io, au sa tukunia vi ikodou, dou rerevaki koya. ⁶ Sa reva beka ni volitaki na Separo e lima ina facigi e rua? Ia ka reva ni dua vi ratou sa nanulevajia i na mata ni Kalou. ⁷ Ia sa wili keceliga na drau ni ulumudou, O koya gona mo dou kua ni rere kinia: ni dou sa daumakia cake vi ira na separo e levu. ⁸ Au sa tukunia vokiliga vi ikodou, O koya yadua sa vatusai au i matadra na tamata, na vatusai koya vokiliga na Luve ni tamata i matadra na agilosi ni Kalou; ⁹ ia o koya na cakitaki au i matadra na tamata, na cakitaki ina matadra na agilosi ni Kalou. ¹⁰ Ia o koya yadua na vosavacacatakia na Luve ni tamata, na rawa me reva ni cudruvi kinia; ia o koya na vosavacacatakia na Yalo Tabu, na reva sara liga ni rawa me kua ni reva ni cudruvi, ¹¹ Ia ni dou sa yadjia i na vivalenilotu, vi ira na dau vilewai vata ki ira na turaga, nu kua ni lomaocaoca, se cava mo dou tukunia: ¹² ni na vavulici ikodou na Yalo Tabu i na jiki ni siga gona i na ka dodonu mo dou tukunia. ¹³ Sa dua vi ira na le levu sa vosa mai vi koya, Vavuvuli, tukunia mada vua na tuakaqu me solia vi au na noqui votavota ni yau mai vi koya na tamai kirau. ¹⁴ Sa tukunia vua o koya, Ikodou, o cei sa lesi au me'u turaga ni lewa se dauvivota vi ikodou? ¹⁵ Sa tukunia vokiliga vi ira o koya, dou raici ikodou vinaka, ka tarovi ikodou mai na daukocokoco; ni sa reva ni kalougata na tamata ina vuku ni sa levu na ka sa tu vua, ¹⁶ Sa tukunia vi ira o koya e dua na vosavatautauvata, Sa dua na tamata vutuniyau, sa valewe vinaka sara na nona vanua: ¹⁷ a sa qai vananumia i lomana, ka tukunia, Na cava me'u caka, ni sa reva na noqu lololo me'u binia kinia na noqu lewe ni teitei? ¹⁸ Sa qai tukunia, Ke liga na ka me'u caka; au na basukia na noqu lololo, ka tara voki eso e lelevu; au na qai binia kece kinia na noqu lewe ni teitei vata ki na noqui yau; ¹⁹ au na qai tukunia i yaloqu, Yaloqu, sa levu na nomu iyau sa bini tu na raujia na yabaki e levu; mo vacegu mada, mo kana, mo somi, mo marau jiko. ²⁰ Ia sa tukunia vi koya na Kalou, O iko, na lialia! ina bogi liga ke na tarogi voki vi iko na yalomu: na qai ni cei na vi ka o sa varautakia tu? ²¹ Sa vavokiliga kinia o koya sa dau binia nai yau me nona, a sa reva ni vutuniyau ina ka ni Kalou. ²² Sa qai tukunia o koya vi ira na nona tisaipeli, O koya ke au sa tukunia kinia vi ikodou, mo dou kua ni lomaocaoca ina vuku ni nomudou bula, ina ka mo dou kania; se na vuku ni yagomudou, ina ka mo dou vaisulu kinia. ²³ Sa ka levu na bula, ka lailai na kakana; ia sa ka levu na yago, ka lailai nai sulu. ²⁴ Dou vananumakia na reveni: ra reva ni kakaburaki se tatamusuki; reva na nodra vale ni yau se nodra lololo; ia sa vakani ira na Kalou: sa djina ni dou sa yaga valevu cake vi ira na manumanu! ²⁵ Ia o cei vi ikodou, ke sa lomaocaoca sa rawajia me vakuria valailai liga na siga ni nona bula? ²⁶ Ia ke dou sa reva ni caka rawa na ka lailai liga gona, dou sa lomaocaoca ina ka sa vo ina vuku ni cava? ²⁷ Dou vanananumakia na viavia, se ra tubu vacava: ra reva ni daucakacaka se dautalitali; ia sa tukunia vi ikodou, O Solomoni i na nona i ukuuku keceliga sa reva ni vaisulu me va e dua vi ira ke. ²⁸ Ia ke sa vasulumia vake na Kalou na co sa tu ni kua ina vikau, sa dai kinia na lovo ina savulaci: ena reva beka ni vinakajia valevu cake me vasulumi ikodou, sa lailai na nomudou vabaujia. ²⁹ Dou kua ni dau vaqara na ka mo dou kania, se na ka mo dou somia, me kua vokiliga ni vidreyaki na lomamudou. ³⁰ Ni ra sa dau vaqara na ka keceliga ke o ira na le ni vivanua keceliga e vuravura; ka sa kila na Tamamudou ni sa yaga vi ikodou na vi ka ke. ³¹ Mo dou dau vasaqara liga na nona matanitu: ni na solia me kenai kuri vi ikodou na keceliga ke. ³² Kua ni rere, na qele-ni-sipi lalai; ni sa vinakajia sara na Tamamunu me solia vi ikodou na matanitu. ³³ Dou volitakia na ka sa tu vi ikodou, ka solia nai loloma; varautakia vi ikodou na taga-ni-lavo ena reva ni madra, nai yau mai lomalagi ena reva ni oji rawa, sa reva na daubutako me torovia, se na sarasara sa kania. ³⁴ Ni na tiko na yalomudou i na vanua sa jiko kinia na nomudou i yau. ³⁵ Me vauci jikoliga na tolomudou; me caudre vokiliga na nomudou cina; ³⁶ ia mo dou va na tamata era warakia na nodra turaga, me na qai voki mai ina magiji ni vawaji; me ra na dola vi koya ni sa vakusakusa, ni sa mai tukituki o koya. ³⁷ Sa kalougata o ira tamata gona, ni na raici ira na Turaga ni ra sa vatawa jiko, ni sa qai mai o koya: au sa tukunia vaidjina vi ikodou, ni na vaucia na nona i sulu, ka tukunia me ra jiko sobu, ka na qai mai o koya ka qaravi ira. ³⁸ Ia ke na qai mai o koya ina karua ni wase ni bogi, se na qai mai i nai katolu, ka raici ira ni ra sa yadra jiko, ra sa kalougata na tamata gona. ³⁹ Ia dou kila liga ke, ke kila nai taukei ni vale na jiki ni bogi na qai mai kinia na daubutako, sa vatawa liga, ka reva ni vacala nona vale me basurakia. ⁴⁰ Ia dou varau tu vakinia o ikodou vokiliga, ni sa qai mai na Luve ni tamata ina jiki ni siga dou sa reva ni nanumia kinia. ⁴¹ Sa tukunia vua o Pita, Ikonu na Turaga, ko nu sa tukunia beka na vosavatautauvata ke vi kitou liga se vi ira keceliga? ⁴² Sa tukunia na Turaga, O cei liga na tamata yalododonu, ka vuku, ni na lesia na Turaga me lewai ira na nona lewe ni vale, me solia na kedrai wasewase ina kena gauna dodonu? ⁴³ Sa kalougata na tamata gona, ni na raicia na nona Turaga ni sa vayacoya vakinia ni sa qai mai o koya. ⁴⁴ Au sa tukunia vaidjina vi ikodou, Ena lesi koya me lewa na nona ka keceliga. ⁴⁵ Ke na tukunia vua i lomana na tamata gona, Sa vaberaberatakia na nodra qai voki mai na noqu turaga: a sa vatekivu me yaviji ira na nona lewe ni vale na tagane vata ki ira na yada, me dau kana vokiliga ka dau somi, ka dau mateni; ⁴⁶ ena qai mai na Turaga ni tamata gona ina siga sa reva ni nanumia kinia vata na jiki ni siga sa reva ni kila kinia; ena qai varojia vua ka lesi koya me wasea vata vi ira ra reva ni vabaujia. ⁴⁷ Ia na tamata gona, ni sa kila na loma ni nona Turaga, ka reva ni varau kinia se caka me va vokiliga na lomana ni na yaviji valevu. ⁴⁸ Ia o koya sa reva ni kila, ka caka na ka dodonu me yaviji kinia; ena yaviji valailai liga. Ni na tarogi valevu mai vua sa solil valevu vua; ia ena tarogia valevu o ira na tamata mai vi koya era solia valevua vua. ⁴⁹ Au sa qai mai me'u dainia i na bukawaqa i vuravura; ia na cava voki me'u gadrevia ke sa waqa tu? ⁵⁰ Sa dua na noqu papitaiso, me'u papitaisotaki kinia; a sa rarawa valevu na lomaqu me oji mada ke! ⁵¹ Dou sa vakasama beka ni'u sa qai mai me'u vayacoya na vivinakaji i vuravura? Au sa tukunia vi ikodou, e reva; na vicaji liga: ⁵² sa tekivu ina gauna ke me le lima ina dua na vale ratou na vimecaki, na le tolu vata ki rau na le rua, na le rua vokiliga vata ki ratou na le tolu. ⁵³ Ra na vimecaki na vitamani-tagane; vata ki ira na vitinani-yalewa; vata ki ira na vivugoni yalewa. ⁵⁴ Sa tukunia vokiliga vi ira na le levu, Ni dou sa raicia sa tubu mai ra na o, dou sa tukunia sara, sa dua na uca sa qai mai; a sa vakinia. ⁵⁵ Ia ni sa liwa na ceva, dou sa tukunia, Na dua na katakata levu: a sa vakinia. ⁵⁶ Na dauvivakaisini! dou sa kila rawa na mata i vuravura vata i lomalagi: ia ka vacava ni dou sa reva ni kila na gauna ke? ⁵⁷ Ia ka vacava ni dou sa reva ni lewa va ikodou na ka e dodonu? ⁵⁸ Ni dou sa qai vata kaya sa bilitaki iko vi turaga ni lewa, mo gumatua i sala levu me oji mada na nona bilitaki iko, de yadji iko vua na turaga ni lewa ka soli iko vua na ovisa, ka daini iko na ovisa i na vale ni vivesu. ⁵⁹ Au sa tukunia vi iko, O na reva sara ni sereki mai kinia, o na saumia kece mada nai lavo.