¹ Ia sa yaco ina gauna gona ra sa tukunia na kai Kalili vua, ni sa vadavea vata o Pailato na kedra dra vata ki na nodra visoro. ² Sa vosa o Jisu, ka tukunia vi ira, dou sa vakasama beka ni ra sa daumaki vi ira keceliga na kai Kalili ina i valavala ca o ira na kai Kalili ke, ni sa yaco vi ira na vi ka va ke? ³ Au sa tukunia vi ikodou, A reva sara, ke dou sa reva ni vivutuni, dou na mate kece va vokiliga kinia. ⁴ Se o ira na le jinikawalu, sa baleji ira na vale cecere mai Sailoama, ka vamatei ira, dou sa vakasama beka ni ra sa daumaki ina cala vi ira keceliga na tamata ra sa jiko mai Jerusalemi? ⁵ Au sa tukunia vi ikodou, E reva sara; ke dou sa reva ni vivutuni, dou na mate kece vavokiliga kinia. ⁶ Sa tukunia vokiliga o koya na vosa vatatauvata ke: Sa dua na tamata sa tei i na nona were ni vaini e dua na lolo; sa qai mai me vaqara kinia na vuana, ka reva ni raicia. ⁷ Sa qai tukunia vua na i vatawa ni vaini, Raicia, sa yabaki tolu au sa qai mai ka vaqara na vuana i na lolo ke, ka reva ni raicia: takia sobu; sa vacacania laliga na vanua i na vuku ni cava? ⁸ Sa qai vosa o koya, ka tukunia vua, Ikonu na Turaga, dainia mada liga me tei ni sa kena yabaki voki liga ke, me'u sa cukirakia wavokijia mada, ka dainia kinia na deni manumanu; ⁹ ia de qai vua; ia ke reva, dou qai mai takia sobu. ¹⁰ Sa vavuvuli jiko o koya i na dua na vale ni lotu i na siga ni vacecegu: ¹¹ Ka raicia, sa dua na yalewa sa curumi koya e dua na yalo sa malumalumu kinia ka yabaki tinikawalu, sa vakalairoro jikoliga, ka reva sara ni tu donu rawa. ¹² Ni sa raici koya o Jisu, sa kacivia ka tukuni vua, Yalewa, o sa sereki mai na nomu malumalumu. ¹³ A sa tabakia na ligana; a sa vatudonutakia vasauri kinia, a sa varokorokotakia na Kalou. ¹⁴ Sa qai vosa vacudrucudru na turaga ni vale ni lotu, ni sa ia na vivabulai o Jisu ina siga ni vacecegu, ka tukunia vi ira na tamata, E ono na siga e dodonu me caka kinia na cakacaka: qori nu qai mai kinia mo nu vabulai, ia me kua liga i na siga ni vacecegu. ¹⁵ A vosa vi koya na Turaga, ka tukunia, Na dauvivakaisini, dou sa reva beka ni dui serekia o ikodou yadua, na nona bulumakau vata na nona asa i na siga ni vacecegu mai na nona vanua, ka yadjia me vasomia? ¹⁶ ia na yalewa ke, na luvei Eparaama, sa vesukia o Setani, raicia, e jinikawalu na nona yabaki, sa reva beka ni dodonu me sereki mai nai vesu ke i na siga ni vacecegu? ¹⁷ Ia ni sa tukunia na vosa ke o koya, ra sa madua keceliga na nona meca, ra sa marau kece na le levu i na vuku ni ka djina keceliga sa caka o koya. ¹⁸ Sa qai tukunia o koya, Na vatautauvatatakia beka i na cava na matanitu ni Kalou? se cava me'u vatautauvatatakia kinia? ¹⁹ Sa tautauvata ki na dua na sore ni mosita, sa yadjia e dua na tamata, ka dainia i na nona loma ni teitei; sa tubu cake, sa yaco me kau levu sara; ra sa mai ro i tabana na manumanu vuka. ²⁰ Sa tukunia vokiliga o koya, Me'u na vatautauvatatakia vata ki na cava na matanitu ni Kalou? ²¹ Sa tautauvata ki na leveni, sa yadjia e dua na yalewa ka vunitakia i loma ni madrai droka e tolu nai varau, me valevenitakia taucoko kinia. ²² Sa qai mai o koya i na vikoro vata na vikoro lalai, ka vatavuvuli jiko kinia, ka qai tu vaka i Jerusalemu. ²³ Sa qai tukunia vi koya e dua; Ikonu na Turaga, ra sa le lailai na bula? Sa tukunia vi ira o koya, ²⁴ Dou gumatua sara mo dou curu i na matamata ni koro qiqo; ni'u sa tukunia vi ikodou, ra le levu ra na vatovolea me ra curumia, ra na reva ni rawajia. ²⁵ Ni na wiri tu nai taukei ni vale, ka sogojia na darava, ia nu sa tu i tuba ka tukituki i darava ka tukunia, Ikonu na Turaga, nu dola vi kimamu: ena qai vosa mai o koya ka tukunia vi ikodou au sa reva ni kila se dou sa qai mai vei? ²⁶ Dou na qai tukunia, Kimamu ma kana ka somi i matamunu, ko dou dau vatavuvuli vokililga i na nimamu vi baji ni sala. ²⁷ Na qai tukunia o koya, Au sa reva ni kila se dou sa qai mai vei; dou qai tani vi au, o Ikodou keceliga na dau caka nai valavala ca. ²⁸ Dou na qai dautagi ka vasequruquru baji, ni dou na raici Eparaama, vata ki Aisake, vata ki Jekope, vata ki ira keceliga na parofita, i na matanitu ni Kalou, ia o ikodou nu sa lautovoci i tuba. ²⁹ Ia ra na qai mai na tu i colo, mai na ra vokiliga, mai na mata ni tokalau vokiliga, vata ki na mata ni ceva, ra na jiko sobu i na matanitu ni Kalou. ³⁰ Ka raicia, eso sa muri ra na qai liu; eso vokiliga era sa liu era na qai muri. ³¹ I na siga gona sa qai mai eso na Farisi, ka tukunia vua, Mo qai nai bili ka qai tani vanua ke; ni sa via vamatei iko o Eroti. ³² Sa tukunia vi ira o koya, Nu qai tukunia vua na vokisi gona, raicia au sa tovoci ira na tevoro, au sa caka na vivabulai ni kua ka yacovia na bogi, au na qai vaojia voki i na i katolu ni siga. ³³ Ia sa kilikili liga me'u qai voki ni kua ka yacovia na bogi vata i na bogi rua: ni sa mama me mate e dua na parofita i na koro tani, mai Jerusalemi liga. ³⁴ Isa Jerusalemi, Isa Jerusalemi, o iko sa vamatei ira na parofita, ka vacavoki ira i na vatu ra sa talai vi iko! e levu na siga au sa via vakumuni ira vata na luvemu, me va sa vakumunia na luvena na toa yalewa ina ruku ni tabana, ia dou sa reva ni vinakajia! ³⁵ Raicia, sa qai dai tu mai vi ikodou na nomudou vale, ka sa laladidi; ia au sa tukunia vaidjina vi ikodou. Dou na reva ni raici au voki, ka malua me yaco mada na siga dou na tukunia kinia, Sa kalougata o koya sa qai mai i na yaca ni Turaga.