¹ Ia ni sa qai jiko o koya i na nona vale e dua sa turaga vi ira na Farisi m e kana ena dua na siga ni vacecegu, ra sa varaici koya. ² Ka raicia, sa tu i yasana e dua na tamata sa tauvia na bukete vatu. ³ Sa vosa o Jisu vi ira na vu ni vunau vata ki ira na Farisi, ka vake, E tara me caka na vivabulai i na siga ni vacecegu se reva? ⁴ A ra sa galu liga. A sa tauri koya o koya ka vabula, ka vatala yani; ⁵ a sa vosa vi ira ka tukunia, O cei vi ikodou ke sa lutu i na dua na qara na nona asa se nona bulumakau, ena reva ni yavia cake mai i na siga ni vacecegu? ⁶ A ra sa reva ni vosa rawa voki vua i na ka ke. ⁷ Sa tukunia e dua na vosa vatautauvata vi ira ra sureji mai, ni sa raici ira ni ra sa djigitakia nai jikojiko vaturaga; sa tukunia vi ira, ⁸ Ni sa sureji iko e dua ki nakana magiji ni vawaji, kua ni jiko sobu i nai jikojiko vaturaga: de sa daumaki cake vi iko e duatani voki sa sureji mai; ⁹ ka qai mai o koya sa sureji ikodrau ka tukunia vi iko, Solia na jikina gona vi koya ke; o na qai madua ni ko sa dai sobu i na jikina i ra sara. ¹⁰ Ia ni o sa sureji, qai ka jiko sobu sara i na jikina ira, me tukunia vi iko o koya sa sureji iko, ni sa qai mai, Na wekaqu, qai mada mai colo: o na qai dokai i matadra era sa jiko vata ki iko me kana. ¹¹ Ia o koya yadua sa valevulevui koya, na vamalumalumutaki, ia o koya yadua sa vamalumalumutaki koya, ena valevulevui. ¹² Sa tukunia vokiliga o koya vua sa sureji koya, Ni ko sa caka magiji ni vasigalevu se varaiyavi, kua ni sureji ira na wekamu djina, se na tuakamu se tacimu, se na kai nomu, se na nomu lewe ni koro sa vutuniyau; de ra sureji iko voki o na qai saumia. ¹³ Ni ko sa caka magiji, sureji ira na dravudravua, na lokiloki, na gera, na mataboko: ¹⁴ o na qai kalougata kinia ni ra na reva ni saumia lesu vi ikonu; o na qai saumi ni ra sa wiri voki mai na mate o ira na yalododonu. ¹⁵ Ni sa rogocia na vi ka ke e dua vi ira sa jiko kinia me kana, sa tukunia vua, Sa kalougata o koya ena kana madrai i na matanitu ni Kalou. ¹⁶ Sa qai tukunia vua o koya, Sa dua na tamata sa varautakia e dua na magiji levu ni varaiyavi, a sa sureji ira na le levu: ¹⁷ ia ni sa yaco mai na gauna me varau kinia nai varaiyavi, sa tala na nona tamata me tukunia vi ira na sureji; dou qai mai, sa varau tu na ka keceliga. ¹⁸ O ira yadua ra sa lomavata me ra dui vadredreji ira. Sa dua e tukunia vua, Au sa volia e dua na jiki ni vanua, ka sa dodonu me'u qai mada me'u qai raicia, au masuji iko kinia me'u kua ni qai yani. ¹⁹ Sa tukunia e dua voki, Au sa volia e jini na bulumakau, ia au sa qai mada me'u qai vatovolei ira: au masuji iko kinia, au na reva ni qai yani. ²⁰ Sa tukunia e dua voki, au se qai vawaji, au na reva ni qai yani kinia. ²¹ Sa qai mai na tamata gona, ka tukunia vua na nona turaga, na vi ka kece gona. Sa qai cudru nai taukei ni vale, sa tukunia vua na nona tamata, Qai yani i tuba i na vi tolo ni sala vata na visaqata ni koro, ka yadji ira mai na dravudravua, vata ki ira na gera, vata ki ira na lokiloki, vata ki ira na mataboko. ²² Sa mai tukunia na tamata gona, Ikonu na Turaga, sa caka liga me vaka na nomunu vosa ia se lala liga na vale. ²³ Sa tukunia na turaga vua na tamata gona, Qai ina visalatu vata i na vi sala sa viribai tu, ka cikevi ira me ra qai mai, me sinai na noqu vale: ²⁴ ni'u sa tukunia vi ikodou, Sa reva ni dua vi ira na tamata sa sureji gona me na tovolea na noqu varaiyavi. ²⁵ Sa le levu sara ra sa qai vata ki koya: a sa vuki o koya ka tukunia vi ira, ²⁶ Ke dua sa qai mai vi au, ka na reva ni cajia na tamana, vata na jinana, vata na wajina, vata ki ira na luvena, vata ki ira na tuakana vata na tacina, vata ki ira na ganena vata na nona bula vokiliga, ena reva ni rawa me noqu tisaipeli. ²⁷ O koya vokiliga na reva ni cola na nona kauveilatai, ka muri au, ena reva ni rawa me noqu tisaipeli. ²⁸ O cei vi ikodou, ke sa via tara vale, ena reva ni dabe sobu mada me cakacakatakia na kenai sau, se tu vua nai lavo me vacava kinia se reva? ²⁹ de tauyavutakia liga o koya na yavu ni vale ka reva ni rawa me vaojia, ra na qai valialiai koya keceliga ra sa raicia, ³⁰ ka tukunia, Na tamata ke sa tekivu me tara vale, ia ka reva ni rawa ni vaojia. ³¹ Se o cei na tui, sa qai tu me rau vivala vata voki e dua na tui, ka reva ni dabe mada i liu, ka vananumakia, se na rawa me vivala vata e le ruasagavulu na udolu ni koya na meca, ni sa le tini liga na udolu na nona se reva? ³² se, ni sa bera mai o koya gona, na tala o koya na nona mata, me vamasujia me rau mai vivinakaji. ³³ Sa vakinia o koya yadua vi ikodou sa reva ni dainia nona ka kece liga , sa reva ni rawa me noqu tisaipeli. ³⁴ Sa ka vinaka na masima: ia ke sa seavu mai na masima mai na kena kokona, na qai vakokonataki voki i na cava? ³⁵ Sa qai reva ni yaga i na i teitei, se i nai binibini de-ni-manumanu; sa dai liga i tuba. O koya sa vadaligana me rogocia ka mani rogocia sara.