¹ Ia i na i ka jinikalima ni yabaki sa tui kinia o Tiperiu Sisa, ni sa kovana mai Jutia o Ponitio Pailato, a sa turaga mai Kalili o Eroti, a sa turaga mai Ituria vata na vanua o Tirakoniti o Filipi na tacina, a sa turaga mai Apilini o Lisania; ² Ni sa bete levu o Anasa vata ki Kaiafa, sa qai yaco na vosa ni Kalou vi Joni na luvei Sakaraia e loma ni vanua. ³ Sa qai mai o koya i na viyasana keceliga sa voleka i na Joritani, sa vunautakia na nodra papitaiso o ira ra sa vivutuni me bokoci na i valavala ca. ⁴ Me vaka sa volai i nai vola ni vosa i Aisea na parofita, ni sa tukunia, " A domo ni dua sa kacikaci e loma ni vanua, 'Dou caramakia na sala i Jiova, caka me dodonu na nona salatu. ⁵ Na vakaceceretaki na buca keceliga, ka na valolovirataki na ulu-ni-vanua vata ki na vanua-cecere keceliga; Ka na vadodonutaki na ka sa veve, Ka na valogalogavinakataki na sala sa sukusukura; ⁶ Na raici vokiliga na vu ni bula mai vua na Kalou na tamata keceliga." ⁷ Sa qai tukunia o Joni vi ira na le levu ra sa qai mai me vavitaisotaki ira o koya," Ikodou na kawa ni gata, "O cei sa vasalataki ikodou mo dou tuba tani mai na cudru sa bera mai? ⁸ O koya gona, mo dou qai vuatakia na vua e kilikili vata ki na vivutuni, ia dou kua ni tukunia ena lomamudou, 'A tamai kimamu o Eparaama,' au sa tukunia vi ikodou, sa rawarawa vua na Kalou me vatubuya na vivatu ke me ra luvei Eparaama. ⁹ Ia na matau sa virikoto ni kua i na vu ni kau, sa ta tani kinia na kau keceliga sa reva ni vuatakia na vua vinaka, sa dai i bukawaqa." ¹⁰ Ra sa tarogi koya o ira na le levu, ra tukunia, "A cava me kimamu caka?" ¹¹ A sa saumia o koya, ka tukunia vi ira, "O koya sa rua na nona i curucuru, me solia vua sa reva na nona: me caka vavokiliga kinia o koya sa tu vua na kakana." ¹² Sa qai vokiliga mai o ira eso na dau kumunia nai vacavacava me ra vavitaisotaki, ra sa tarogia, "Vavuvuli, na cava me kimamu caka?" ¹³ Sa tukunia vi ira o koya, "Dou kua ni tauria me levu cake na ka sa lesi vi ikodou." ¹⁴ O ira vokiliga na sotia, ra sa tarogi koya, ra tukunia, "Cava me kimamu caka?" Sa tukunia vi ira o koya, "Dou kua ni vacacania e dua, se beitakia vailasu; dou lomavinaka vokiliga ina ikodou i voli." ¹⁵ Ia ni sa wawa o ira na tamata, sa vananumi Joni i na lomadra o ira keceliga na tamata, se na Karisito o koya, se reva: ¹⁶ sa vosa o Joni, ka tukunia vi ira kece liga, E djina au sa vavitaisotaki kodou i na wai: sa qai mai o koya sa levu cake vi kirau, ia na wa ni nona I vava, sa reva ni yaga me’u serekia: ni na vavitaisotaki konu o koya i na Yalo Tabu vata na bukawaqa: ¹⁷ ia sa tauria i ligana na nona i sivi ni sila, ka na vasavasavatakia o koya na sila ni nona rara, ka binia vata na sila ki na nona lololo: ka na vayavuya o koya na betena i na bukawaqa sa reva ni bokoci rawa." ¹⁸ Sa levu voki na ka sa vunautakia o koya vi ira na tamata i na nona vunau, ¹⁹ Ia o Eroti na turaga, ni sa vunauci koya ena vuku i Erotiasa na wati Filipi na tacina, vata ki na vuku ni ka ca keceliga sa caka ko Eroti, ²⁰ sa qa vaikuritakia me levu cake, ni sa sogolaji Joni i vale ni vivesu. ²¹ Ia ni ra sa vavitaisotaki jiko na tamata keceliga, sa vavitaisotaki vokiliga o Jisu; ia ni sa masu jiko sa wase rua o lomalagi, ²² sa qai sobu mai vua vayago na Yalo Tabu, me vaka na ruve; sa rogo e dua na domo mai lomalagi, sa tukunia, "O iko na noqu Gone ni toko; au sa dau vinakaji iko valevu." ²³ Sa tolusagavulu na yabaki i Jisu, o koya sa tukunia sa luvei Josefa, ni sa vatekivu me vavuvuli voli o koya na luvei Ili, ²⁴ o koya na luvei Macati, o koya na luvei Livai, o koya na luvei Meliki, o koya na luvei Janai, o koya na luvei Josefa, ²⁵ o koya na luvei Mataceia, o koya na luvei Emosi, o koya na luvei Emosi, o koya na luvei Neumi, o koya na luvei Esili, o koya na luvei Nake, ²⁶ o koya na luvei Maaci, o koya na luvei Mataceia, o koya na luvei Semei, o koya na luvei Josefa, o koya na luvei Juta, ²⁷ o koya na luvei Joana, o koya na luvei Risa, o koya na luveui Serupapeli, o koya na luvei Salacieli, o koya na luvei Niri, ²⁸ o koya na luvei Meliki, o koya na luvei Ati, o koya na luvei Kosami, o koya na luvei Elimotama, o koya na luvei Eri, ²⁹ o koya na luvei Jose, o koya na luvei Eliesa, o koya na luvei Jorima, o koya na luvei Macati, o koya na luvei Livai, ³⁰ o koya na luvei Simioni, o koya na luvei Jutasa, o koya na luvei Josefa, o koya na luvei Jonani, o koya na luvei Elaiakimi, ³¹ o koya na luvei Melea, o koya na luvei Menani, o koya na luvei Mataca, o koya na luvei Necani, o koya na luvei Tevita, ³² o koya luvei Jese, o koya na luvei Opeti, o koya na luvei Poasi, o koya na luvei Salimoni, o koya na luvei Nasoni, ³³ o koya na luvei Aminatapi, o koya na luvei Erami, o koya na luvei Esiromi, o koya na luvei Feresi, o koya na luvei Juta, ³⁴ o koya na luvei Jekope, o koya na luvei Aisake, o koya na luvei Eparaama, o koya na luvei Tira, o koya na luvei Neori, ³⁵ o koya na luvei Seruke, o koya na luvei Rekau, o koya na luvei Peleki, o koya na luvei Eperi, o koya na luvei Sela, ³⁶ o koya na luvei Keinana, o koya na luvei Afakisati, o koya na luvei Semi, o koya na luvei Noa, o koya na luvei Lemeki, ³⁷ o koya na luvei Mecuisela, o koya na luvei Inoki, o koya na luvei Jereti, o koya na luvei Malelili, o koya na luvei Keinana, ³⁸ o koya na luvei Inosi, o koya na luvei Seci, o koya na luvei Atama, o koya na luve ni Kalou.