WASE 2

1 Ena gauna i Sisa Akusito, sa qai vataucia na nona lewa me ra sa volai na le ni vanua taucoko. 2 Ke na i matai ni gauna me caka kinia na wili le ni vanua ka donumakia jiko ni Kovana mai Siria o Kirinio. 3 Sa ra mani dui qai na tamata me ra volai, o ira yadua i na nodra dui koro. 4 Sa qai cake voki liga o Josefa i Kalili, mai na koro o Nasareci, i Jutia, i na koro i Tevita na yacana o Peceliema: ni sa mataqali vata ki Tevita, a sa kawa mai vua: 5 Na nona qai ke, rau sa qai vata jiko ki Meri, o koya sa musuki vua me wajina, a sa bukete jiko, me qai volai vokiliga. 6 Ia ni rau sa jiko mai vanua gona, sa yaco na nona siga me vasucu kinia. 7 Sa vasucuya na nona ulumatua tagane, sa vivirakia vua nai sulu ni gone, ka vadavoa i na nona jikina na manumanu; baletia ni sa reva ni dua na bure ni vulagi e lala me nodratou. 8 Sa so vokiliga na i vatawa ni sipi i na vanua gona, a ra sa jiko mai na vanua vico ka ra sa vivuke i na kena vatawani jiko na sipi i na bogi. 9 Sa rairai vi ira e dua na agilosi ni Turaga, sa qai cila wavokiji ira na i ukukuku ni Turaga, a ra sa rere valevu. 10 Sa tukunia vi ira na agilosi, “Dou kua ni rere, raicia au sa yadjia jiko mai ke vi ikodou e dua na tukutuku vinaka mo dou na marautakia vata ki ira keceliga na tamata. 11 Ni sa sucu vi ikodou i na koro i Tevita nai Vabula, o koya na Karisito na Turaga. 12 Ia ke na kenai vatakitakila vi ikodou, dou na raicia na gone ni sa viviraki toka vua nai sulu ni gone, ka sa davo toka ina nodra jikina na manumanu, 13 A ra sa le levu na kai lomalagi, ra sa jiko vasauri vata ki ira na agilosi, ra sa vavinavinaka vua na Kalou, ka tukunia, 14 Sa nona na Kalou na varokoroko i na viyasana cecere i colo sara! A ra sa vivinakaji rawa o ira i vuravura: sa lomani o ira na tamata. 15 Ni sa gauna me ra sa qai tani mai kinia vi ira o ira na agilosi i lomalagi, sa ra qai tukunia vata ki ira nai vatawa ni sipi ka vake “Me da sa qai yani i Peceliema, me da a raicia na ka sa qai yaco, ni sa vatakila mai na Turaga vi kita." 16 A ra sa vakusakusa yani ka raici Meri vata ki Josefa ka vavokiliga kinia na gone ni sa davo koto i na nodra jikinia na manumanu 17 Ia, ni ra sa raici koya, ra sa tukunia yani na vosa sa tukuni vi ira i na vuku ni gone ke. 18 Ra kurabui keceliga o ira ra sa rogocia na vi ka sa ma tukunia vi ira o ira nai vatawa ni sipi. 19 Ia o Meri sa vananumakia na vosa kece sa rogocia ka tugania i lomana. 20 Ia o ira na i vatawa ni sipi, ra sa lesu voki, a ra sa doka ka vavinavinakatakia na Kalou i na vuku ni ka kece liga ra sa rogocia ka raicia me vaka ni sa tukuni oji vi ira, 21 Ni mai cava koto na i ka walu ni siga, a sa cilivi oji, a sa vakatokai me yacana o Jisu, na yaca ma soli mai vi ira na agilosi ni sebera ni kunekunetaki. 22 Ni sa sivi na siga ni vivasavasavatak i jinana, me vaka na vunau i Mosese, o Josefa vata ki Meri a rau a yadji koya i Jerusalemi me vacabori koya vua na Turaga; 23 me vaka sa volai i na vunau ni Turaga, O ira na gonetagane keceliga sa ulumatua me ra vatabui me ni Jiova." 24 A rau sa qai vacaboya vokiliga e dua na I soro me vaka sa tukunia na vunau ni Turaga, “Me rua na soqe se rua na luve ni ruve." 25 Ka raicia, sa dua na tamata mai Jerusalemi, o Simioni na yacana, sa tamata yalododonu ka dau lotu, 26 A sa warakia na nodra vacegui na Isireli, a sa jiko vi koya na Yalo Tabu. Sa varaitakia oji vua na Yalo Tabu, ni na reva mada ni na mate, ena raicia i liu na Turaga na Karisito. 27 I na viliutaki ni Yalo Tabu, a sa curu o Simioni i na valenisoro. Ni rau sa yadjia mai na gone o Jisu oi rau na nona I tubutubu me vayacori vua nai valavala ni vunau, 28 a sa roqoji koya i na ligana ka vavinavinakatakia na Kalou ka tukunia, 29 " Ikonu na Turaga, mo konu dainia nomunu tamata me qai i na vacegu, me va na nomunu vosa: 30 Ni sa qai raicia na mataqu na vu ni bula mai vi konu, 31 Io, o koya konu sa vakarautakia i na matadra na tamata keceliga. 32 Na rarama me vararamataki ira na vimatanitu tani, me nodra i ukuuku vokiliga na nomunu tamata na Isireli." 33 A rau sa kurabui ko Josefa vata ki jinana i na vuku ni vi ka sa tukunia i na vukuna. 34 Sa vosavakalougatataki rau o Simioni, a sa tukunia vi Meri na jinana, "Raicia, o koya ke sa viritoka me bale sobu kinia, se wiri kinia, e le levu na Isireli; ka me i vatakilakila ni na vosavacacataki. 35 Me vatakilai kinia na nanumia ni yalodra e le levu: Ia ena laubasikajia na yalomu vokiliga nai seleiwau." 36 A sa dua na parofita yalewa o Ana, na luvei Fanueli, i na mataqali i Aseri: (sa levu sara na nona yabaki, sa goneyalewa ni sa vawaji ka rau sa bula vata ki na wajina ka yabaki vitu. 37 Sa qai yada, ka walusagavulu ka va na kena yabaki,) ka sa reva ni qai tani i na vale ni soro, sa dau lotu ka lolo ka masu i na siga vata i na bogi. 38 Sa qai mai o koya i na jiki ni siga gona, sa vavinavinakatakia vokiliga na Turaga, sa vosataki koya vi ira keceliga ra sa jiko mai Jerusalemi ni ra warakia nai Vabula. 39 39. Ia ni rau sa caka oji na ka keceliga me vaka na vunau ni Turaga, a ratou sa lesu voki i Kalili, i na nodratou koro o Nasareci. 40 A sa tubu cake na gone, a sa yalomatua mai, sa sinai i na vuku: a sa tu vi koya na loloma ni Kalou. 41 A rau sa qai na nona qase i na viyabaki i Jerusalemi i na kana vata ni qai-sivia. 42 Ia ni sa qai jinikarua nona yabaki, ratou sa qai i Jerusalemi, me vaka na kena i varau ni kana vata; 43 Ia ni ratou sa vaojia na visiga, ka rau sa lesu voki sa jikoliga na gone o Jisu mai Jerusalemi; a rau sa reva ni kila o Josefa vata ki jinana. 44 A rau sa nanumia ni sa jiko o koya vata ki ira ra qai vata tu, ra sa qai liga e na qaiqai ni dua na siga, a rau sa vaqarai koya vi ira na wekadrau vata ki ira na nodrau i tokani. 45 Ia ni rau sa reva ni raici koya, rau sa qai lesu voki i Jerusalemi ka tekivu me vaqarai koya kinia. 46 Ni sa oji e tolu na siga, a rau qai raici koya, i na valenisoro, ni dabe koto i na kedra maliwa na i vavuvuli, ka rogoci ira jiko, ka vatarogi ira vokiliga. 47 A ra kurabui o ira taucoko na rogoci koya i na nona vuku vata na nona sau ni taro. 48 A rau sa kurabui i na gauna rau raici koya kinia, sa tukunia vua o jinana “Na luvequ, na cava o caka kinia vake vi kirau? Raicia, o tamamu vata ki au kirau sa oca na vaqarai iko." 49 A sa tukunia vi rau o koya, “Cava na vuna drau sa vaqarai au kinia? 50 Drau sa reva beka ni kila ni sa kilikili ki au me’u jiko i na vale ni Tamaqu? Rau sa reva ni kila nai balebale ni vosa a cavujia vi rau. 51 Sa lesu i vale vata ki rau o koya ka yaco i Nasareci, a sa talairawarawa vi rau. A sa vamareqejia o jinana na ka keceliga i lomana. 52 Ia o Jisu sa tubu cake jiko i na vuku vata na yagona ka vavokiliga kinia na nona vinakaji koya valevu na Kalou vata ki ira na tamata.