¹ Ni ra sa le levu ra sa bolea me ra varautakia nai tukutuku ni vi ka sa vadjinajia deivakia sara liga vi kita, ² me va na ka ra sa tukunia vi kita o ira sa raicia i matadra, ka ra sa qaravia na vosa mai nai vatekivu; ³ sa vinaka vokiliga vi au, ni'u ma vatarogia matua sara mai na ka keceliga mai nai vatekivu, me'u vidutaitakia i na i vola vi ikodou, Ceofilo, na turaga dina, ⁴ mo kila kinia na kena djina ni vi ka o sa vatavulici kinia. ⁵ I na gauna sa tui Jutia kinia o Eroti, sa dua na bete o Sakaraia na yacana, na matabete ni Epaia: sa wajina e dua vi ira na luvei Eroni, o Ilisapeci na yacana. ⁶ A rau sa dodonu ruarua i na mata ni Kalou, rau sa muria keceliga nai vunau vata na i varo ni Turaga, ka reva nodrau cala. ⁷ A sa reva na luvedrau ni sa yava o Ilisapeci, a rau sa matua ruarua vokiliga. ⁸ Sa yaco ni sa caka jiko o koya na cakacaka vabete i na mata ni Kalou, i na vuku ni nona matabete, ⁹ me va nai varau ni cakacaka vabete, sa nonai tavi me vayavuya na ka boi vinaka, ni sa curu i na valenisoro ni Turaga. ¹⁰ Ia o ira keceliga na tamata ra le levu ra tu i tuba ra sa masu ni sa vayavui jiko na ka boi vinaka. ¹¹ Sa rairai vua e dua na agilosi ni Turaga, sa tu i na yasana i matau ni cabocabo ni ka boi vinaka. ¹² Ni sa raicia o Sakaraia, sa kidroa, sa tarai koya na rere. ¹³ Sa tukunia vi koya na agilosi, "Kua ni rere, Sakaraia, sa rogoci na nomu masu; sa na vasucuya e dua na luvemu tagane o Ilisapeci na wajimu, o na vayacani koya o Joni. ¹⁴ Ia o na reki ka marau kinia, na le levu vokiliga ra na reki i na vuku ni nona sucu. ¹⁵ Ni na levu o koya i na mata ni Turaga, na reva ni somi waini se somi kaukauwa, na vasinaiji vokiliga i na Yalo Tabu, mai na kete i jinana. ¹⁶ Ka le levu vi ira na luvei Isireli na saumakia mai o koya i na Turaga na nodra Kalou. ¹⁷ Ia na liutaki koya na yalo i Ilaija vata na nona kaukauwa, me saumakia na lomadra na matua vi ira na gone, vata ki ira na talaimama i na nodra vuku o ira ra yalododonu; me varautakia na tamata me ra qai nona na Turaga." ¹⁸ Sa tukunia vua na agilosi o Sakaraia, Na cava me’u kila kinia na ka ke? Au sa matua sara, sa levu na yabaki ni na wajiqu. ¹⁹ Sa vosa na agilosi ka tukunia vua, "Oi au o Keperieli, au sa dau tu i na mata ni Kalou. Au sa talai mai me’u vosa vi iko, ka tukunia vi iko nai tukutuku vinaka: ²⁰ Raicia! o na galu liga, o na reva ni vosa rawa, me yacovia mada na siga na vayacori kinia na vi ka ke, ni o sa reva ni vadjinajia na noqu vosa, o koya ena vayacoya liga i na kena gauna." ²¹ Sa ra waraki Sakaraia o ira na tamata, a ra sa reucala ni sa dede o koya i na vale ni soro. ²² Ni sa curu mai, sa reva ni vosa rawa vi ira: ra sa qai kila ni sa raicia o koya e dua na raivotu i na vale ni soro; a sa vatabataba vi ira o koya, a sa galu jikoliga. ²³ Ni sa oji na gauna ni nona cakacaka, sa qai sara yani i nona vale. ²⁴ Ni sa oji na visiga gona, sa qai kunekune na wajina o Ilisapeci, a sa vunitaki koya ka vula lima, sa qai tukunia, ²⁵ "Sa caka vake vi au na Turaga i na siga sa nakijia kinia o koya, me yadji tani na ka au ma rogo ca kinia vi ira na tamata." ²⁶ Ia i na i ka ono ni vula sa talai na agilosi o Keperieli mai vua na Kalou, i na dua na koro mai Kalili, yacana o Nasareci, ²⁷ vua e dua na goneyalewa sa musu vua e dua na tagane na yacana o Josefa, mai na mataqali i Tevita, na yaca ni goneyalewa o Meri. ²⁸ Sa qai mai vi koya na agilosi ka tukunia vua, "Sa loloma, iko sa daulomani! Sa jiko vi iko na Turaga; o sa kalougata valevu mai vi ira na yalewa tani." ²⁹ Sa kidroa o koya i na nona vosa, sa vananumakia i lomana se vacava nai varau ni vikidavaki vake. ³⁰ Sa tukunia vi koya na agilosi, "Kua ni rere Meri: ni ko sa kune loloma vua na Kalou: ³¹ ka raicia, o na kunekune, o na vasucuya vokiliga e dua na gone tagane; ia mo vayacani koya o 'Jisu'. ³² Ena levu o koya, ka na vatokai na Luve i Koya sa cecere sara; ia na Turaga na Kalou ena solia vi koya nai jikojiko vaturaga ni tamana o Tevita: ³³ ia ena lewa o koya na mataqali i Jekope ka reva ni mudu; ena reva vokiliga ni oji na nona matanitu." ³⁴ Sa tukunia vua na agilosi o Meri, "Na yaco vacava na ka ke, niu sa reva ni viyacovi vata e dua na tagane?" ³⁵ Sa vosa na agilosi ka tukunia vua, "Na qai sobu mai vi iko na Yalo Tabu, na varurugi iko vokiliga na kaukauwa i Koya sa cecere sara: o koya ena sucu mai vi iko na vatokai kinia me ka tabu na Luve ni Kalou. ³⁶ Raicia, na dauvemu o Ilisapeci, sa kunekunetakia vokiliga e dua na gonetagane, ni sa qase. Ke sa i ka ono ni nona vula, o koya ma tukuni ni yava. ³⁷ Ni na reva ni mama vua na Kalou e dua na ka." ³⁸ Sa qai tukunia o Meri, "Raicia na vada ni Turaga; me yaco liga vi au na nomunu vosa." Sa qai daini koya na agilosi. ³⁹ O Meri i na gauna ke, sa qai kusa yani i colo. i na dua na koro va-Jutia; ⁴⁰ sa curu i na vale ni Sakaraia, sa vikidavaki vata ki Ilisapeci. ⁴¹ Ni sa rogocia o Ilisapeci na vosa ni vikidavaki ni Meri, sa rika i ketena na gone, sa vasinaiji o Ilisapeci i na Yalo Tabu: ⁴² Sa tabalakia i colo na domona o koya, ka tukunia, "O sa kalougata valevu vi ira na yalewa voki eso, sa kalougata na vua ni ketemu. ⁴³ Sa vacava na ka ke vi au, ni sa qai mai vi au na jinana na noqu Turaga? ⁴⁴ Ka raicia, ni sa rorogo i daligaqu na vosa ni nomu vikidavaki, sa rika i na reki na gone i ketequ. ⁴⁵ Sa kalougata o koya sa vadjinajia, ni na vayacoya na ka sa tukunia vua mai vi koya na Turaga." ⁴⁶ Sa tukunia o Meri, "Sa vavinavinaka vua na Turaga na yaloqu, ⁴⁷ Sa reki na yaloqu vua na Kalou na noqui Vabula." ⁴⁸ Sa lomania na nona vada ni sa dravudravua: Ka raicia, mai na gauna ke ena tukunia na i tabatamata keceliga ni'u sa kalougata. ⁴⁹ Ni sa caka na vi ka levu eso vi au o koya sa qaqa, ia sa dokai na yacana. ⁵⁰ Sa tu na nona loloma vi ira sa rerevaki koya, ka yacovia nai tabatamata e levu. ⁵¹ Sa kaukauwa na cakacaka ni ligana; Sa dui vasesei ira na viavialevu o koya i na vuku ni nanumia ni yalodra. ⁵² Sa vasivoi ira na kaukauwa mai na nodra i jikojiko, sa vaceceretaki ira ra tamata lalai. ⁵³ Sa vakuvai ira na via kana i na ka vinaka, Sa vatalai ira lala na vutuniyau, ⁵⁴ Sa vukei ira na nona tamata na Isireli, ni sa vananumakia na loloma. ⁵⁵ (Me va na nona vosa vi ira na noda qase,) vi Eparama vata na nona kawa ka reva ni mudu. ⁵⁶ Sa jiko vata kaya o Meri ka vula tolu beka, sa qa lesu voki i nona vale. ⁵⁷ Sa qai yacovia na siga ni Ilisapeci me vasucu kinia; sa vasucuya o koya e dua na gonetagane. ⁵⁸ Sa mani ra rogocia o ira na jiko voleka i yasana, vata ki ira na dauvena, ni sa lomani koya valevu na Turaga, sa ra qai marau vata kinia. ⁵⁹ I nai kawalu ni siga sa ra qai mai me cilivi na gone; sa ra qai vayacani koya o "Sakaraia," me rau viyacani vata ki tamana, ⁶⁰ Sa qai tukunia na jinana, "me kua; sa yacana liga o Joni. ⁶¹ Sa ra qai tukunia vua, Sa reva na wekamu ni sa vayacani i na yaca ke." ⁶² Sa ra qai vatabataba vi tamana, se yaca cava e vinakatakia o koya me yacana. ⁶³ Sa qai kerea o tamana me yadji mai e dua na vava loaloa ni volavola, sa qai vola. "Sa yacana o Joni". Sa ra qai kurabui keceliga. ⁶⁴ Sa sereki sara na gusuna vata na yamena, sa qai vosa o koya, qai varokorokotakia na Kalou. ⁶⁵ Sa ra rere keceliga o ira na jiko wavokiji ira; sa qai tukunia yani na vosa keceliga ke ina colo taucoko ki Jutia. ⁶⁶ Sa ra qai dainia i lomadra o ira kece ra rogocia, ra qai tukunia, Ena vacava tu beka na nona I tovo na gone ke? Sa tu vata ki koya na liga ni Turaga. ⁶⁷ Sa vasinaiji i na Yalo Tabu o Sakaraia na tamana, sa qai mani parofisai mai, ka tukunia, ⁶⁸ Me varokorokotaki na Turaga na Kalou ni Isireli; ni sa qai mai vi ira na nona tamata ka vabulai ira. ⁶⁹ Sa vatubuya vi kita e dua na dauvivabulai sa va na kokomea, i na mataqali i Tevita na nona tamata; ⁷⁰ (Me va na ka sa tukunia o koya i na gusudra na nona parofita tabu, mai nai vatekivu ki vuravura). ⁷¹ Na vivabulai mai vi ira na noda meca, mai na ligadra vokiliga sara caji kita: ⁷⁵ Me vayacoria na yaloloma vi ira na noda matua, Me nanumi vokiliga na nona viyalayalaji tabu; ⁷³ Na bubului sa bubului kinia o koya vi Eparaama na tamada, ⁷⁴ Me solia vi kita, me da vabulai mai na ligadra na noda meca, Ka qaravi koya ka reva ni rere, ⁷² E na yalosavasava vata na caka dodonu i matana, i na visiga keceliga ni noda bula. ⁷⁶ O iko na gone, o na vatokai na parofita i Koya sa cecere sara: Ni o na liu vua na Turaga me caramakia na nona sala: ⁷⁷ Me vatakila vi ira na nona tamata, na ka me ra bula kinia; ni sa bokoci na nodra I valavala ca, ⁷⁸ Ena vuku ni nona loloma levu na noda Kalou, sa kida mai kinia vi kita na rarama mai colo, ⁷⁹ Me vararamataki ira ra ma jiko i na butobuto vata na yaloyalo ni mate, vata me tuberia na yavada i na sala ni vivinakaji. ⁸⁰ Sa qai tubu cake na gone, sa yalomatua sara, sa qai tu i loma ni vikau me yaco mada na nona siga me varaitaki koya kinia vi ira na Isireli.