¹ Sa voleka na gauna ni kana madrai sa reva ni valeveni, na yacana na kana vata ni qai sivijia. ² A ra sa vinanuyakia o ira na bete levu ki ira voki liga na vunivola se cava me ra caka me mate kinia o koya; ni ra sa rerevaki ira liga na tamata. ³ Sa qai curumi Jiutasa o Setani, ka yacana voki liga o Isikarioti, o koya e dua vi ira na lewe jinikarua. ⁴ A sa qai yani, ka qai vivosaki vata ki ira na bete levu vata ki ira voki liga na turaga ni valu, se ra na soli koya vacava. ⁵ Sa ra marautakia, ka yalatakia vua na i lavo. ⁶ A sa vadodonu kinia o koya, ka sa warakia e dua na gauna vinaka me soli koya kinia vi ira, ni ra se jiko tani na le levu. ⁷ Sa qai yacovia na savulaci ni kana madrai reva ni valeveni, e dodonu voki liga me motu kinia e dua na lami me ka ni kana vata ni qai sivijia. ⁸ A sa talai rau o Pita vata ki Joni, ka tukunia, Mo drau qai ka varautakia na kakana ni qai sivijia, me da vayagatakia. ⁹ A rau sa tukunia vua, e vei na vanua ko nu vinakatakia me kirau varautakia kinia? ¹⁰ Sa qai saumia vi rau o koya, Rogocia, ni drau sa curu ki na koro, drau na sota e dua e cola tu e dua na saqa wai; drau muri koya i na vale e curu kinia. ¹¹ Ia drau tukunia vua na i taukei ni vale, Sa tukunia mai na i vavuvuli vi iko, I vi na jiki ni vale, me caka kinia na kana vata ni qai sivijia vata ki ratou na noqu tisaipeli? ¹² Ena vatakila vi kodrau na taba levu ni loma ni vale e colo, sa vaiyaya vinaka tu, drau varau kinia. ¹³ A rau sa qai, ka raicia na vanua sa tukuni mai vi rau: rau sa qai varaitakia me caka kinia na kana vata ni qai sivijia. ¹⁴ Ia ni sa yacovia mai na kena raiyavi, a sa dabe sobu vata ki ira na i apositolo e ra lewe jinikarua. ¹⁵ Sa qai tukunia vi ira o koya, Au sa gadrevia valevu me'u kana mada i liu vata ki ikodou i na kana vata ni qai sivijia ke, me'u qai mate i muri: ¹⁶ ni'u sa tukunia vi ikodou, Au na reva voki ni kania, yacovia ni sa vayacori mada na matanitu ni Kalou, ¹⁷ Au sa tauria cake na bilo, ka vavinavinakatakia, ka tukunia, Tauria na bilo ke, ka vota yani vi ikodou. ¹⁸ Au sa tukunia vi ikodou, Au na reva voki ni somia na vua ni vaini ke, me yacovia ni sa yaco mai na matanitu ni Kalou. ¹⁹ Sa tauria na madrai, ka vavinavinakatakia ka dovia, sa solia vokiliga vi ira, ka tukunia, Ke na yagoqu sa solia i na vukumudou; dou caka jiko ke mo dou dau vananumi au jiko kinia. ²⁰ Sa vavoki liga na bilo, ni sa oji na varaiyavi, ka tukunia, na bilo ke, na viyalayalaji vou, na noqu dra sa liviraki i na vukumudou. ²¹ Ia ka raicia, sa tu vokiliga vata ki au i na teveli ke, o koya sa soli au yani. ²² Ia sa qai liga na Luve ni tamata me va sa lesi; ia ka ca liga vua na tamata gona nona soli koya yani! ²³ Sa ra qai vitarogi vataki ira, se o cei vi ira sa caka na ka ke. ²⁴ Sa ra vileti vokiliga i liu, se ko cei sa uasivi cake vi ira. ²⁵ A sa tukunia vi ira o koya, Ra sa lewai ira na vimatanitu o ira na nodra tui; ia o ira sa vitalia vi ira, ra sa vatokai me ra dau caka vinaka. ²⁶ Ia dou kua ni va kinia o ikodou; o koya liga vi ikodou sa levu cake, me qai va na gone; ia o koya sa turaga, me sa vataki koya sa dauviqaravi. ²⁷ O cei vi rau sa uasivi cake, o koya sa kana jiko se o koya sa dauviqaravi? ia o au, au sa jiko vata ki ikodou me va e sa dauviqaravi. ²⁸ O ikodou liga, dou sa dau jiko vata ki au i na noqu vosojia jiko na dauvivatovolei ke. ²⁹ Ia au sa solia vi ikodou e dua na matanitu me va sa solia mai vi au ko Tamaqu; ³⁰ mo nu qai kana ka somi ina noqu teveli i na noqu matanitu, ka jiko vokiliga ina noqu i jikojiko vaturaga, me lewa ira na mataqali Isireli e jinikarua. ³¹ I Saimoni, I Saimoni, raicia sa kerei ikodou o Setani, me tavuloni ikodou me va na wiji. ³² ia au sa masulaki iko me kua ni malumalumu na nomu vabaujia na Kalou: ia ni ko sa saumaki voki, mo qai vadeitaki ira na wekamu. ³³ A sa tukunia vua o koya, Ikonu na Turaga, au sa varau me'u qai vata ki ikonu i valenivivesu, ina mate vokiliga. ³⁴ Sa tukunia vua o koya, Pita, ni se bera ni tagi ni kua na toa, o na cakitaki au mada vatolu na nomu kilai au. ³⁵ Sa tukunia voki vi ira, Ni'u ma talai ikodou liga ka reva na taga ni lavo, se na taga ni vaqa, se na i vava, dou ma dravudravua tu i na dua na ka? A ra sa tukunia vua, a reva. ³⁶ Sa qai tukunia voki o koya vi ira, ni kua saraliga o koya sa tu vua e dua na taga i lavo, me yadjia vavokiliga, me va vokiliga kinia na taga kakana: O koya e reva na nona i seleiwau, me volitakia nona i sulu, ka volia kinia e dua. ³⁷ Au sa tukunia voki vi ikodou, E dodonu me vayacori vi au na ka sa volai va ke, Sa wili vata o koya vata ki ira na tamata ca; ni na vayacoria sara me oji na vi ka ina vukuqu. ³⁸ A ra sa tukunia, Turaga, Raicia e rua na i seleiwau ke, Sa tukunia vi ira o koya, sa raujia. ³⁹ Sa qai i tautuba o koya, me va na nona i varau, i na ulunivanua ni violive, ra sa muri koya vokiliga na nona tisaipeli. ⁴⁰ Ni sa yaco ki yasana gona, sa tukunia vi ira, dou masu me kua ni rawaji ikodou na vere. ⁴¹ Sa qai tani mai vi ira, na kena yawa e va me cavotaki e dua na vatu, sa tekiduru ka masu, ⁴² ka tukunia, Tamaqu, ke konu sa vinakatakia, yadjia tani vi au na bilo ke, me kua liga ni yaco na noqu lewa, me yaco liga na nomunu lewa. ⁴³ Sa rairai mai vua e dua na agilosi mai lomalagi, a sa mai vakaukauwataki koya. ⁴⁴ Ni sa yaluma sara, sa masu vakaukauwa kinia: ia na nona buno e va na jijiri ni dra ni lutu ina qele. ⁴⁵ Ia ni sa tucake vokiliga mai na masu, ka yaco vi ira yani na nona tisaipeli, sa raici ira ni sa moce ni sa rarawa na lomadra; ⁴⁶ sa tukunia vi ira, dou sa moce ina vuku ni cava? Tucake ka masu, de rawai ikodou na vere. ⁴⁷ Ni sa vosa jiko o koya, ra sa yaco mai na le levu, sa liutaki ira tu mai o Jiutasa, e dua vi ira na le jinikarua, sa toso volekaji Jisu me regucia. ⁴⁸ Sa tukunia vua o Jisu, Jiutasa o sa solia yani na Luve ni tamata ni o sa regucia oji? ⁴⁹ O ira ra tu voleka kinia, ni ra raicia na ka sa voleka ni yaco, ra sa tukunia vua, Na Turaga, e vinaka me kitou yaviji ira i na i seleiwau se reva? ⁵⁰ Sa dua vi ira sa yavijia na nona tamata na bete levu, ka takia dai na daligana i matau. ⁵¹ Sa vosa o Jisu, ka tukunia, Kua mada ni vagona. A sa tauria voki na daligana ka vabulai koya. ⁵² Sa tukunia voki o Jisu vi ira na bete levu, vata ki ira na turaga ni valu ni valenisoro, vata ki ira na matua, ra qai mai vi koya, dou sa qaivia beka e dua na daubutako, ni dou sa vaiseleiwau vata ki na i wau? ⁵³ Ni'u ma dau jiko vata liga ki ikodou ina valenisoro ina visiga keceliga, dou sa reva ni dodokia vi au na ligamudou: ia sa nomudou gauna ke, vata na kaukauwa ni butobuto. ⁵⁴ A ra sa tauria ka tuberia ka yadjia i nona vale na bete levu. A sa muri koya vayawa o Pita. ⁵⁵ Ia ni ra sa tutugia na buka i na rara ni mata ni vale, ra sa jiko sobu vata kinia, sa jiko vata vokiliga ki ira o Pita. ⁵⁶ Sa dua na vada sa raicia koya ni sa jiko voleka i na buka ka varaici koya matua, ka tukunia, O koya vokiliga ke ma jiko vokiliga vata ki koya. ⁵⁷ A sa cakitaki koya o Pita, ka tukunia, Yalewa, au sa reva sara liga ni kilai koya. ⁵⁸ Sa dede valailai liga sa dua voki sa raici koya ka tukunia, iko voliga ma dua vi ira. Sa tukunia o Pita, A reva ni ko au. ⁵⁹ Sa oji voki e dua na yauwa, sa mai vadjinadjinatakia voki e dua ka tukunia, Sa djina liga ni rau dau jiko vata kaya o koya ke, ni sa kai Kalili. ⁶⁰ Sa tukunia o Pita, Au sa reva ni kila na ka o tukunia jiko. Ni vosa oji liga sa tagi sara toa. ⁶¹ A sa vuki voki na Turaga, ka varaici Pita. Sa nanumia o Pita na ni Turaga, ni ma tukunia vua, Ni se bera ni tagi na toa, o na cakitaki au vatolu. ⁶² Sa qai i tuba o Pita ka tagi valevu sara. ⁶³ O ira na tamata ra sa tauri Jisu, ra valialiai koya ka qovalakia. ⁶⁴ Ni ra sa tabonakia na matana, a ra sa sabilakia vokiliga na matana, ka tarogia, Tukunia mai se o cei sa sabilaki ikonu. ⁶⁵ Ia ka levu voki na ka ra sa tukunia, ni ra sa vosavacacatakia. ⁶⁶ Sa savulaci na vanua, ra sa soqoni voki o ira na nodra matua vata ki ira na bete levu vata ki ira na vunivola, ra sa yadji koya i nodra vale ni vilewai, ka tarogia, ⁶⁷ O Ikonu beka na Karisito se reva? Tukunia mai vi kitou. Sa tukunia o koya vi ira, Ke'u na tukunia vi ikodou, dou na reva ni vadjinajia: ⁶⁸ ia ke'u taro, dou na reva ni saumia mai. ⁶⁹ I na gauna mai muri, ena jiko na Luve ni tamata ina liga i matau ni Kalou kaukauwa. ⁷⁰ Ra sa qai tarogia keceliga, O Ikonu na Luve ni Kalou, se reva,? Sa tukunia vi ira o koya, dou sa tukunia djina ni sa o au liga. ⁷¹ Ra sa qai tukunia, Sa yaga voki vacava e dua me mai vadjinadjina? Ni da sa rogocia liga o kita mai na gusuna djina.