¹ Sa vatakilai vokiliga o koya vi ira i na dua na vosa vatautauvata, ni sa dodonu me ta daumasu jiko ka kua ni ceguoca; ² sa tukunia, Sa dua na koro sa jiko kinia e dua na turaga ni lewa, sa reva ni rerevakia na Kalou, se dokai ira na tamata. ³ Sa dua na yada i na koro gona, sa dau qai mai vi koya, ka tukunia, Mo nu cudruvaki au vua na noqu meca. ⁴ Sa sece mada o koya, oji sa qai tukunia voki i lomana, Au sa reva ni rerevakia na Kalou se'u dokai ira na tamata; ⁵ ia ni sa mai vasosataki au na yada ke, au na cudruvaki koya mada, de vaceguocataki au o koya ni sa reva ni oji na nona qai jiko mai vi au. ⁶ Sa tukunia na Turaga, dou rogocia na ka sa tukunia na turaga ni lewa reva ni dodonu, ⁷ ia na Kalou, na reva beka ni cudruvaki ira na nona djigitaki, ra dau tagi jikoliga vua i na siga vata na bogi, io, ke sa dede na nona vosoji ira? ⁸ Au sa tukunia vi kodou, na cudruvaki ira vatotolo o koya. Ia ni qai mai na Luve ni tamata, na raicia beka na vabaujia i vuravura se reva. ⁹ Sa cavujia na vosa vatautauvata ke me tukuni ira ra sa vararavi ni ra sa yalododonu, a ra sa beci ira na tamata tani. ¹⁰ "E le rua na tamata rau qai cake i na vale ni soro me ra masu; sa dua na Farisi, ka dua na daukumunia nai vacavacava. ¹¹ Sa tu na Farisi ka masu vaikoya, ka vake, Na Kalou, au vamolimoli vi ikonu, ni'u sa reva ni vataki ira na tamata eso, ra sa daukovekove, ra sa daubutako lo, ra sa dauyalewa, se vataki koya ke sa kumunia nai vacavacava. ¹² Au sa lolo varua i na vimacawa, au sa solia nai kajini ni vi ka keceliga au sa rawa. ¹³ Sa tu vayawa o koya sa kumunia nai vacavacava, a sa reva ni via rai cake i lomalagi, ia sa tavia na lomaserena, ka tukunia , Ikonu na Kalou, lomani au, ni'u sa tamata i valavala ca. ¹⁴ Au sa tukunia vi ikodou, Sa qai sobu i na nona vale na tamata ke a sa vadonui; ia o koya kadua sa valevulevui koya; ia o koya sa vamalumalumutaki koya na valevulevui. ¹⁵ Ra sa yadjia vokiliga vua na gone lalai, me tarai ira o koya; ia ni ra sa raicia o ira na tisaipeli, ra sa vosataki ira. ¹⁶ Sa kacivi ira mai o Jisu; ka tukunia, Daini ira na gone lalai me ra qai mai vi au, kua ni tarovi ira; ni sa vataki ira na lewe ni matanitu ni Kalou. ¹⁷ Au sa tukunia vaidjina vi ikodou, O koya na reva ni vabaujia na matanitu ni Kalou me vatakia na gone lailai ke, na reva sara ni curu kinia. ¹⁸ Sa tarogi koya e dua na turaga ka tukunia, Vavuvuli vinaka, cava me'u caka me'u rawa kinia na bula reva ni mudu? ¹⁹ Sa tukunia vua o Jisu, O sa vatokai au me'u vinaka ina vuku ni cava? sa reva ni dua voki e vinaka, na Kalou duadua liga. ²⁰ O sa kila na vunau, Mo kua ni caka na vibutakoci, Mo kua ni laba, Mo kua ni butako, Mo kua ni vibeitaki vailasu, Mo varokoroko vi rau na tamamu vata na jinamu. ²¹ Sa qai tukunia o koya, Na ka kece ke, au sa vabaujia ni'u ma se gone ka yacovia na siga ke,. ²² Ia ni sa rogocia na ka ke o Jisu, sa tukunia vua, E dua na ka sa reva vi iko, mo volitakia na ka keceliga sa tu vi iko, ka solia vi ira na dravudravua, o na qai vaiyau mai lomalagi: ia mo qai mai, mo muri au. ²³ Ia ni sa rogocia o koya, sa rarawa sara na lomana: ni sa tamata vutuniyau sara. ²⁴ Ia ni sa raicia o Jisu ni sa rarawa sara na lomana, sa tukunia vua, E mama sara vi ira na vutuniyau me curu i na matanitu ni Kalou! ²⁵ Sa rawarawa me curumia na mata ni cula na kameli, ka mama vua na tamata vutuniyau me curu i na matanitu ni Kalou. ²⁶ Io ira ra sa rogocia ra sa tukunia, O cei beka na vabulai rawa? ²⁷ Sa tukunia o koya, Na ka sa mama sara vi kita na tamata sa rawarawa vua na Kalou. ²⁸ Sa qai tukunia o Pita, Raicia, kitou sa dainia na ka keceliga ka muri ikonu. ²⁹ Sa tukunia vi ira o koya, Au sa tukunia vaidjina vi ikodou, sa reva ni dua sa dainia na vale se tamana, se jinana, se tuakana, se tacina, se wajina, se luvena, ina vuku ni matanitu ni Kalou, ³⁰ me qai reva ni saumi, ena rawajia valevu cake i na bula ke, ia i na gauna mai muri na bula reva ni mudu. ³¹ Sa qai yadji ira mai na le jinikarua, ka tukunia vi ira, Raicia ta sa qai cake i Jerusalemi, ia na ka keceliga sa vola na parofita ina vuku ni Luve ni tamata ena vayacoria liga. ³² Ni na soli yani o koya vi ira na matanitu tani, na valialiai vokiliga, ka vakaisini ka kasiviji: ³³ ra na motulaki koya vokiiga, ka vamatea; na qai tucake voki mai nai katolu ni siga. ³⁴ Ra sa reva ni kila e dua na ka; ia na ka ke sa vuni vi ira, a ra sa reva ni kila na ka sa vosatakia. ³⁵ Ia ni sa volekaji Jeriko o koya, sa dua na tamata mataboko sa jiko ina baji ni sala me kerekere. ³⁶ Ia ni sa rogocia ra sa le levu sa qai tu, sa tarogia o koya se cava sa yaco jiko. ³⁷ A ra sa tukunia vua, ni sa jiko o Jisu na kai Nasareci. ³⁸ A sa kaci o koya ka tukunia, I Jisu na Luvei Tevita, nu lomani au mai. ³⁹ Ra sa vosataki koya o ira sa liu jiko, me jiko lo: a sa kaci valevu i colo o koya, Na Luvei Tevita, nu lomani au mai. ⁴⁰ Sa qai tu vadua o Jisu, ka tukunia me yadji mai o koya vua; ia ni sa toso voleka yani, sa tarogi koya. ⁴¹ A cava o sa vinakatakia me'u caka vi iko? Sa tukunia, Ikonu na Turaga, me'u rai rawa. ⁴² Sa tukunia vua o Jisu, Mo rai rawa, sa vabulai iko na nomu vabaujia. ⁴³ A sa rai rawa vasauri o koya, a sa muri koya ka varokorokotakia jiko na Kalou, ia o ira keceliga na le levu,, ni ra sa raicia, ra sa vavinavinakatakia na Kalou.