¹ Sa tukunia vi ira na tisaipeli o koya, E mama sara me reva ni yaco na vivacalai; ia sa na ca voki vua, sa vavunia na ka ke. ² Sa vinaka vua me dai domona e dua na vatu qaqi levu, me qai yadji i na wasa liwa, ka ca liga ni vacala e dua vi ira na na lalai ke. ³ Dou raici ikodou vinaka: ke sa cala vi ikodou na wekadouu, vunaucia; ia ke sa vivutuni, kua ni cudruvi koya. ⁴ Ke sa cala vavitu vi ikodou ena siga e dua, ka saumaki vavitu vi ikodou, au sa tukunia, Au sa vivutuni; kua ni cudruvi koya. ⁵ Sa tukunia vua naTuraga o ira na apositolo, Dou valevutakia na nitou vabaujia. ⁶ Sa qai tuikunia na Turaga, Ke sa tu vi ikodou na vabaujia e va na sore ni mosita, dou na qai tukunia vua na vuni lolo ke, Mo cavujia tani, ka mo qai tea voki i wasaliwa; na qai talairawarawa vi ikodou. ⁷ O cei vi ikodou, sa dua na nona tamata cakacaka sa dau qaravia na nonai iteitei se vakania na nona manumanu, me tukunia vua, ni sa lesu mai nai teitei, Mo jiko sobu ira mo kana mada? ⁸ E reva beka ni tukunia vua, Mo varautakia na ka me'u varaiyavitakia, ka varautakia na noqui sulu, mo qaravi au, me'u kana ka somi ka oti o na qai kana ka somi? ⁹ Na vavinavinakatakia li na tamata gona, ni sa vayacoya o koya na ka sa varojia vua? Au nanumia, e reva. ¹⁰ Me vavokiliga kinia o ikodou, ni dou sa vayacoya na ka keceliga sa tukuni vi ikodou, dou tukunia, Kitatou sa tamata reva ni yaga: kitatou sa vayacoya liga na ka e kilikili vi kitatou me kitatou vayacoya, ¹¹ Ni sa qai o koya va i Jerusalemu, sa qai vokiliga i lomai Samaria vata ki Kalili. ¹² Ni sa curu voki i na dua na koro lailai, sa sota ki ratou na jini na tamata vukavuka, a ra sa tu vayawa; ¹³ a ra sa kaci ka tukunia; I Jisu, na Turaga nu lomani kitou mai. ¹⁴ Ni sa raici ira o koya, sa tukunia vi ira: Dou qai ka vatakilai ikodou vi ira na bete. Ia ni ra a qai tu ra sa vasavasavataki. ¹⁵ Sa dua vi ira, ni sa raicia sa vabulai, sa qai lesu voki, sa varokorokotakia na Kalou i na domo levu,. ¹⁶ A sa cuva vatoboicu i na yavana, ka vamolimoli vua: ia sa kai Samaria o koya. ¹⁷ A sa vosa voki o Jisu ka tukunia, Ra ma reva li le jini ma vasavasavataki? ia ra ivei na lewe ciwa? ¹⁸ Sa reva ni laurai e dua me lesu voki me varokorokotakia na Kalou, o koya liga na kai tani ke. ¹⁹ A sa tukunia vua, Tucake, mo qai liga, sa vabulai ikodou na nomudou vabaujia. ²⁰ Ia ni sa tarogia o ira na Farisi, se na yaco ni naica na matanitu ni Kalou, sa tukunia vi ira o koya, A matanitu ni kalou sa reva ni qai mai me va na ka e varairaitaki: ²¹ na reva vokiliga ni tukuni, Raicia vanua ke! se Raicia vaka! ni sa tu liga i lomamudou na matanitu ni Kalou. ²² Sa tukunia vi ira na tisaipeli, Na yaco mai na siga dou na gadrevia kinia mo dou raicia e dua na na nona siga na Luve ni tamata, ia dou na reva ni raicia. ²³ Na qai tukuni vi ikodou, Raicia vake! se Raicia vagona! nu kua ni qai kinia se muri ira. ²⁴ Ia me va liga na livaliva, ni sa jibi mai yasana i lomalagi, ka cila vokiliga i na yasana kadua ni lomalagi, sa na vavokiliga kinia na Luve ni tamata i na nona siga. ²⁵ Na vosojia mada i liu na ka e levu o koya, na qai daini koya vokiliga nai tabatamata ke. ²⁶ Ia me vaka sa yaco i na gauna ni Noa, na vavokiliga kinia i na gauna ni Luve ni tamata. ²⁷ Ra na kana jiko, ra somi, ra vawaji, ra vimusumusukitakia me ra vawaji ka yacovia na siga sa vodokia kinia o Noa na waqa ka qai mai na dave levu ka vamatei ira keceliga. ²⁸ Sa na tautauvata vokiliga i na gauna ni Loti; ra kana jiko, ra somi, , ra vivoli, ra teitei, ra taravale; ²⁹ na siga sa qai tani kinia o Loti i Sotoma, sa qai tau mai lomalagi na bukawaqa vata na sulifure ka vamatei ira keceliga. ³⁰ Sa vavokiliga kinia i na siga na rairai kinia na Luve ni tamata. ³¹ I na siga gona, o koya liga sa jiko i dela ni vale, ka jiko vokiliga i loma ni vale na nonai yau, me kua ni qai sobu mai me yadjia tani; o koya vokiliga sa jiko mai nai teitei, me kua ni lesu voki mai. ³² Dou nanumia na waji Loti. ³³ O koya yadua e via saga me maroroya na nona bula, na vayalia; ia o koya yadua na vayalia, na maroroya. ³⁴ Au sa tukunia vi ikodou; I na bogi liga ke rau na le rua i na dua na i mocemoce; na yadji tani e dua ka dai tu mai e dua. ³⁵ Sa le rua vokiliga na yalewa; rau na vivuke vokiliga na qaqi sila; na yadji tani e dua ka dai tu mai e dua. ³⁶ Sa le rua vokiliga na tagane rau na jiko na i teitei, na yadji tani e dua, ka dai tu mai e dua. ³⁷ A ra vosa ka tukunia vua, i vei Turaga? Sa tukunia vi ira o koya, Na yasana kece sa davo kinia na yago, na sogoni vokiliga kinia na ikeli.