¹ E tukunia vokiliga o koya vi ira nona tisaipeli, Sa dua na tamata vutuniyau, sa dua vokiliga nona dauniyau, e beitakia vua ni sa vayalia jiko na nona iyau. ² Sa kacivia o koya ka tukunia vua, Na cava ke au sa rogocia vi iko? Tukunia mada mai na nomu cakacaka va dauniyau; Ni sa mama mo dauniyau jiko. ³ Sa mani vananumia i lomana na dauniyau, Cava me'u caka ni sa yadji tani vi au na noqu turaga na cakacaka va dauniyau? ⁴ Au reva ni rawa na cuki se were; au madua vokiliga na kerekere. Au sa qai kila na ka meu caka, me ra yadji au kinia na tamata i na nodra vivale, ni'u sa sivo i na noqu cakacaka va dauniyau. ⁵ Sa qai kacivi ira keceliga na tamata era reva tu ni saumia na nodra djinau vua na nona turaga, sa tarogia vi koya sa qai mai liu, E vica mada na nomu djinau vua noqu turaga? ⁶ Sa tukunia o koya, E dua na drau liga nai vakarau waiwai. Sa qai tukunia vua, Tauria na nomui vola, ka dabe sobu ka vola me limasagavulu. ⁷ Sa qai tarogia voki e dua, E vica voki na nomu djinau? Sa tukunia, E dua na drau nai vakarau sila. Sa qai tukunia vua, Tauria na nomui vola, ka vola me walusagavulu. ⁸ Sa doka na dauniyau reva ni dodonu na turaga, i na vuku ni valavala vavuku; era sa vuku valevu na gone ni vuravura ke ena ka sa baleji ira, ra sa vuku valailai liga na gone ni rarama. ⁹ Ia au sa tukunia vi ikodou, Mo dou caka eso me wekamudou enai yau e reva ni djina; me ra na yadji ikodou kinia ni dou na mate i na vijikojiko e reva ni oji rawa. ¹⁰ O koya sa djina i na ka lailai, na djina vokiliga i na ka lelevu; ia o koya sa reva ni djina i na ka lalai, ena reva vokiliga ni djina ina ka levu. ¹¹ Ia ke dou sa reva ni djina i nai yau sa reva ni dodonu, o cei na vararavi vi ikodou ina vuku ni yau sa djina? ¹² Ia ke dou sa reva ni djina i nai yau sa nona na tani, o cei na solia vi iko na i yau sa nomu? ¹³ Sa reva ni dua na tamata sa qaravia rawa e le rua na turaga; ni na cajia e dua ka lomania na kenai karua: se na kabijia e dua ka beci koya kadua. Nu sa reva ni qaravia rawa na Kalou vata nai yau. ¹⁴ O ira na Farisi, ra dau lomania nai lavo, ni ra sa rogocia na ka keceliga ke, ra sa valialiai koya. ¹⁵ Sa tukunia vi ira o koya, ikodou sa vadonui ikodou i matadra na tamata; sa kila na lomamudou na Kalou: ni na ca sara i na mata ni Kalou na ka e vinaka sara vi ira na tamata. ¹⁶ Sa yacovia na gauna ni Joni na vunau vata ki ira na parofita; mai na gauna gona sa vunautaki na matanitu ni Kalou, ra sa gu me ra curu kinia o ira na tamata keceliga. ¹⁷ Sa rawarawa me takali tani o lomalagi vata vuravura, ka mama me lutu tu liga e dua na jiki ni vunau e lailai sara. ¹⁸ O koya yadua sa dainia na wajina, ka qai vawaji vata e dua tani voki, sa dauyalewa; ia o koya rau viwajini vata sa dainia vokiliga na wajina, sa dauyalewa. ¹⁹ Sa dua na tamata vutuniyau, sa vaisulu i nai sulu lokaloka vata na lineni somidji lalai, sa dau marau valevu ina visiga keceliga: ²⁰ sa dua na tamata dravudravua, yacana o Lasarua, sa davo toka ina mata ni nona vale, sa robojia tu na yagona na vidjikoso, ²¹ sa dau garovia me vakania na meme ni kakana ni dau lutu mai na teveli nona na tamata vutuniyau: sa ra qai vokiliga mai na koli ka dramicia nona vidjikoso. ²² Ia sa mate o koya na dravudravua, ra sa qai yadji koya o ira na agilosi i na lomaserei Eparaama. Sa mate vokiliga na tamata vutuniyau, ka sa bulu; ²³ sa ta cake mai Etesi, ni sa vararawataki tu, sa raici Eparaama vayawa vata ki Lasarua e lomaserena. ²⁴ Sa kaci o koya ka tukunia, I tamaqu Eparaama lomani au mai, nu talai Lasarua, me tonisua na vuso ni nonai qaqalu ina wai, me mai vabatabatatakia na yamequ; ni'u sa vararawataki ina yameyame ni buka ke. ²⁵ Sa tukunia o Eparaama, Na luvequ, naumia ni ko ma rawa na nomu vi ka vinaka ni ko ma bula jiko, e vavokiliga kinia o Lasarusa e na vi ka ca; ni kua sa qai vacegui toka i vanua ke o koya, ia o iko, o na vararawataki; ²⁶ na vanua vokiliga ke sa tu ina kitaru maliwa e dua na waisa jitobu sara; o ira ra via qai yani vanua ke vi ikodou, na mama saraliga, o ira na tu i vanua qori ra na reva ni rawa ni qai mai vikimamu. ²⁷ Sa qai tukunia o koya, Au masuji ikonu kinia, tamaqu mo talai koya voki i vale vi tamaqu: ²⁸ ni ratou le lima kitou vitacini; me qai vasalatakia vi ratou de ratou qai vokiliga mai i vanua ni rarawa ke. ²⁹ Sa tukunia vua on Eparaama, Sa tu liga vi ratou o Mosese vata ki ira na parofita; me ratou rogoci ira. ³⁰ Sa tukunia o koya, E reva, tamaqu Eparaama; ke dua vi ira na mate sa qai vi ratou, e ratou na qai vivutuni. ³¹ Sa qai tukunia voki o koya, Ke ra sa reva ni rogoci Mosese vata ki ira na parofita, era na reva ni varogocia ke sa tucake voki mai e dua ina mate.