¹ Sa vu mai vi na viba vata na vivala vi ikodou? Sa reva beka ni vuna na nomudou vinakatakia na ca se vivala i na vijiki ni yagomudou? ² Dou sa kocokoco ka reva ni rawa. Dou sa ravuravu, sa dauvinakatakia, sa reva ni tauria rawa me nomudou. Dou sa vivala, dou sa viba. Dou sa reva ni rawa ni dou sa reva ni kerekere. ³ Dou sa kerekere liga, dou sa reva ni rawa, ni dou sa kerekere vaca, dou vayalia ina nomudou vinakatakia na ca. ⁴ Ikodou na dauyalewa vata na dautagane! Dou sa reva beka ni kila ni sa vicaji vata na Kalou na vivinakaji ki vuravura? Ia sa vimecaki vata na Kalou o koya sa via viwekani vata ki vuravura. ⁵ Dou sa vakasama beka ni sa tukunia laliga nai Vola Tabu, "Sa vinakatakia me va na Yalo sa jiko i lomada?" ⁶ Sa solia valevu na loloma na Kalou, me va sa tukunia nai Vola Tabu, "O ira sa viavialevu sa voraji ira na Kalou, ia sa solia na loloma vi ira ra sa yalomalumalumu." ⁷ O koya mo dou qai vamalumalumutaki ikodou vua na Kalou. Vorajia na tevoro, na qai tuba tani kinia vi ikodou o koya. ⁸ Toso voleka yani vua na Kalou, na qai toso voleka vi ikodou o koya. Vasavasavatakia na ligamudou, dou tamata i valavala ca, vasavasavatakia na lomamudou, ikodou na lomalomarua. ⁹ Dou mai rarawa, dou qoqolou, dou tagi! Me vuki na nomudou mama me qoqolou vata na nomudou marau me mataveveku. ¹⁰ Dou vamalumalumtaki ikodou i na mata ni Turaga, na qai laveji ikodou i colo o koya. ¹¹ Dou kua ni vikaseji vataki ikodou ra viwekani. O koya sa kasejia na wekana sa lewai koya na wekana sa kasejia vokiliga na vunau, sa lewa na vunau, ke o sa lewa na vunau, o sa qai reva ni muria na vunau, o sa lewa liga. ¹² Sa dua liga sa vaturia na vunau vata sa turaga ni lewa. O koya sa rawa na vivabulai vata na vivarusai. O cei o ikodou, mo dou lewai ira na tani? ¹³ Dou varorogo mai, ikodou sa dau tukunia, "Ni kua se ni vulaci ta qai na koro gona, ta jiko kinia me dua na yabaki, ta vivoli kinia me ta rawa nai yau." ¹⁴ Dou sa reva ni kila na ka sa na yaco ni vulaci, na cava na nomudou bula? Ni dou sa va na kabukabu laliga o ikodou sa rairai liga mai sa dede valailai liga sa qai seavu yani. ¹⁵ Ke, mo dou tukunia, "Ke sa vinaka vua na Turaga, ta na bula ni na vayacoya na ka ke se na ka gona. ¹⁶ Dou sa qai marau, dou dokadokai ikodou . Sa ca na marau keceliga sa va gona. ¹⁷ O koya sa ca kinia vua sa kila me caka vinaka, qai reva ni vayacoya.